II Pot 4:26 - Sơ̆p Hlabơar Nơ̆r 'Bok Kei-Dei

²⁶ Ih kơdâu sơng sư năm! Păng ih jet sư: “Hăm oei hiôk 'lơ̆ng ngăl ưh? Klo ih hăm oei hiôk 'lơ̆ng ưh? Kon ih hăm oei hiôk ưh?” Duch ei tơl: “Oei hiôk 'lơ̆ng mơ̆n!

II Pot 4:26 Referans Kwoze

Jang 15:36

Kư̆m đunh mơ̆n đơ̆ng rŏng kơ noh dơ̆ng, Pôl khan kơ 'Barna'ba thoi âu: “Ơ 'Barna'ba, bĕ ba năm hơpong kơ 'nhŏng oh bơ̆n tơ rim pơlei đêl ba bơtho sơ̆ bĕ, đunh boih, ưh kơ băt sư lơliơ dang ei.”

I Sam 17:18

Dăm kon e chĕp mơjĭt tŏ 'bĕng đak toh âu ăn kơ lu bơngai pơgơ̆r wei-lăng rơbâu 'nu linh, năm lăng lu đe 'nhŏng e hăm oei liĕm akâu dah ưh păng e kư̆m brŏk chĕp ăn kơ 'bă minh tơdra yă kiơ gah lu sư.

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

II Pot 4:23

Klo duch ei jet: “Năr 'nâu ưh kơ trŏ năr khei plơ̆ng ôh, kư̆m ưh kơ trŏ năr pơdơh Sa'bat mơ̆n. Thoi noh yua kơ kiơ wă năm tơ sư?” Duch ei tơl: “Huay ôh”

I Sam 3:18

Na Samuel roi đĭ dôm tơdrong, ưh kơ đei ôn kiơ hăm sư. Hêli tơl khan: Sư bơih Kră Yang, apinh Sư pơm dôm tơdrong thoi Sư lăp đon!

Bl 37:14

Isơrael khan: E năm lăng lu 'nhŏng e thoi yơ păng lu khŭl triu hai liơ? Na brŏk roi kơ inh băt. Thoi noh na đơ̆ng lăm thŭng Hêbrôn, sư athei Jôsep năm tơ Sichem, Jôsep truh tơ Sichem.

Bl 29:6

Sư jet dơ̆ng: Sư hăm oei liĕm akâu? Lu sư tơl: Sư oei liĕm akâu mơ̆n păng tơ to Rachel, kon adruh sư, mă oei puh lu triu năm tơ âu to.

Sa 2:4

Păng khan kơ sư thoi âu: “Kơdâu năm roi kơ bơngai tơdăm noh bĕ: ‘Jêrusalem gô đei kon pơlei oei păng kư̆m nhen pơlei ưh kơ đei dur war, yua kơ đei lơ kon pơlei păng lu sem dơrong oei tơ lăm noh.’

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

II Sam 18:29

Pơtao jet: “Apsalôm kon tơdăm inh, hăm oei 'lơ̆ng akâu ưh?” Ahimaas tơl: “Lăp Jôap đĭch đam ih, wơh đĭch ih inh âu boih năm, na inh đei 'bôh lơ tơpôl ơ-ôs ơ-as, mă-lei inh ưh kơ băt đei tơdrong kiơ truh.”

II Pot 4:25

Thoi noh, duch ei năm truh tơ Êlisê bơngai mă Kră Yang 'Bok Kei-Dei yua, tơ kông Karmel. Êlisê tơmang 'bôh duch ei đơ̆ng ataih, na sư khan kơ Gêhasi, bơngai đam sư: “To bơngai drŏ-kăn Sunem truh tơ âu.”

II Pot 4:27

Duch ei tŏk tơ kơpal kông tơkan năm jê̆ na kuăr jơ̆ng Êlisê bơngai mă Kră Yang 'Bok Kei-Dei yua. Gêhasi năm jê̆ wă dui lê̆ duch ei, mă-lei Êlisê bơngai mă Kră Yang 'Bok Kei-Dei yua, khan kơ Gêhasi: “Lê̆ sư thoi noh bơih, yua kơ jơhngơ̆m sư sơ'ngon tơdrong kiơ kiơ, Kră Yang 'Bok Kei-Dei ôn tơdrong noh, ưh kơ ăn inh băt.”

II Pot 5:22

Gêhasi tơl: “Tôm tơdrong oei hiôk-hian mơ̆n, yŏng tơ'ngla inh athei roi kơ ih. Hei đei 'bar 'nu tơdăm, đơ̆ng khŭl bơngai khan lê̆ adrol, bre sư đơ̆ng Kông Êphraim 'nao năm truh tơ inh; apinh ih asong sư jên, minh 'nu, mơjĭt kĭ hu, păng 'bar blah ao wă hrŭk tơplih.”

Bl 43:27

Sư apinh hloi lu 'nhŏng oh sư thoi yơ hăm oei liĕm akâu păng khan; “'bă kră mă lu iĕm đei roi kơ inh ki noh sư hăm oei liĕm akâu, hăm oei arih?”