II Pot 4:16 - Sơ̆p Hlabơar Nơ̆r 'Bok Kei-Dei

¹⁶ Êlisê khan kơ duch ei: “Sơnăm anăp, kơplah bơyan 'nâu mơ̆n ih gô pôk minh 'nu hơ'lơ̆p drŏ-nglo.” Duch ei tơl: “Ưh, ơ yŏng tơ'ngla inh, bơngai mă Kră Yang 'Bok Kei-Dei yua, ih 'nĕ kơ pơma hơlĕnh pơ'brơh kơ inh đam drŏ-kăn ih.”

II Pot 4:16 Referans Kwoze

Bl 18:10

Na Kră Yang khan: “Lăm minh sơnăm dơ̆ng, Inh gô năm tơ âu, wă ngôi tơ ih, ưh kơ pơngiĕl ôh păng kơplah noh Sara, akăn ih, gô đei minh 'nu hơ'lơ̆p drŏ-nglo.” Sara oei ngôi tơ rŏng kơ Kră Yang 'bơ̆t anăp 'măng bơsŭn, kơtơ̆ng dôm lu nơ̆r noh.

Luka 1:13

Mă-lei linh jang 'lơ̆ng ei khan kơ sư: “Ih 'nĕ kơ hli. 'Bok Kei-Dei kơtơ̆ng nơ̆r ih krao khan apinh sư wă kơ đei kon. Na akăn ih ning-mônh gô tơpŭ kơ minh 'nu kon drŏ-nglo. Na ih anăn sư Yôhan.

II Pot 4:28

Na duch ei khan: “Inh ưh kơ pơ̆n 'mơ̆i wă apinh đei kon drŏ-nglo, ih hăm 'blŏk, inh khan kơ ih 'nĕ kơ chă hơlĕnh kơ inh?”

Bl 17:21

Mă-lei Inh gô pơgơ̆p pơkă hăm Isăk truh sơnăm anăp dang âu, Sara gô tơpŭ kơ ih Isăk.”

Horiso 116:11

Lăm năr inh hli tơtăm inh khan: “Rim 'nu bơngai tă kơ pơma hơlĕnh ngăl.”

II Pot 2:19

Kon pơlei Jêrikô khan kơ Êlisê: “Yŏng tơ'ngla inh, pơm pơlei 'bơ̆t anih 'nâu 'lơ̆ng dêh, thoi ih kư̆m 'bôh bơih, mă-lei đak đei hơkăm, păng teh pơtăm tơmam ưh kơ gơh.”

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

I Pot 18:9

Ôbadia tơl: “Inh đei pơm tơdrong yoch kiơ, na ih pơjao inh mă đam ih lăm tơpang ti Ahap, wă kơ sư pơlôch inh?

II Pot 4:15

Êlisê khan: “Krao sư tơ âu:” Gêhasi krao duch ei, duch ei năm dơ̆ng 'bơ̆t 'măng.

II Pot 4:17

Duch ei anăp na truh minh sơnăm đơ̆ng rŏng, kư̆m kơplah bơyan 'nei mơ̆n, sư hơiơch hĭ kơ minh 'nu kon drŏ-nglo, 'blep thoi nơ̆r Êlisê khan lê̆ kơ sư adrol.

I Pot 17:24

Yă adro noh khan kơ Êli: “Dang ei inh băt kơ ih 'nâu minh 'nu bơngai đơ̆ng Kră Yang 'Bok Kei-Dei yua, dôm nơ̆r Kră Yang pơm lăm 'bơ̆r ih sĭt tơpă.”