II Pot 3:26 - Sơ̆p Hlabơar Nơ̆r 'Bok Kei-Dei

²⁶ Pơtao lu bơngai Môap mơn kơdih sư tơblah pă kĕ bơih, na sư chông ba lu linh kiơ̆ sư tơpơh-hrĕng 'nu chĕp đao gưm wă pơih trong drŭt năm tơ pơtao Eđôm; mă-lei ưh kơ kĕ ôh.

II Pot 3:26 Referans Kwoze

Am 2:1

Kră Yang khan: Yua kơ đơ̆ng kon pơlei Môap pơm yoch rai hloh kơ adrol, thoi ei na inh ưh kơ lê̆ ôh wă phak lu sư; yua kơ sư đei soh boih kơting pơtao char Eđôm wă pơm chŭr.

II Pot 3:9

Thoi noh, pơtao đe Isơrael, pơtao đe Juđa păng pơtao đe Eđôm wang năm đĭ-đăng, lu sư năm dăr trong char glă noh tơpơh năr kơ trong, na đak nhă ưh kơ đei wă ăn kơ lu khŭl linh păng khŭl sem dơrong kiơ̆ lu sư.

II Pot 3:25

Lu bơngai Isơrael blah pơrăm lơ lu pơlei tih, lu sư dônh tơmo hơtat 'bŭ lê̆ chŭn teh 'lơ̆ng, chĭt lê̆ dôm lu tu đak păng kăl pơđĭ dôm lu 'long 'lơ̆ng. Oei pă pôm lu dur pơlei Kir Harêsêt đĕch oei đei tơmo. Na lu linh mă iŏk tơmo noh kư̆m drŭt blah klơ̆m pơrăm lu dur noh mơ̆n.

II Pot 3:27

Na sư iŏk kon tơdăm kơdră sư, bơngai mă wă pơgơ̆r pơtrơp đơ̆ng sư, pơyơ̆r sư pơm tơmam soi 'buh kơpal dur pơlei. Na đei hloi tơdrong hil mĭl tih kơ lu bơngai Isơrael, na lu sư weh jăk đơ̆ng pơtao Môap, brŏk tơ dêh lu sư kơdih.

II Pot 8:20

Lăm chăl Jêhôram, đei lu bơngai Eđôm iung blah lu bơngai Juđa păng pôk ăn đei pơtao kơdih.