II Pot 3:11 - Sơ̆p Hlabơar Nơ̆r 'Bok Kei-Dei

¹¹ Mă-lei, Jêhôsaphat khan: “Tơ âu ưh kơ đei bơngai khan lê̆ adrol mă Kră Yang wă kơ bơ̆n gơnang kơ sư 'noh jet apinh Kră Yang tơgŭm bơ̆n hă?” Minh 'nu bơngai jang kơ pơtao đe Isơrael tơl thoi âu: “Tơ âu đei Êlisê, kon drŏ-nglo Saphat, bơngai mă đêl tuh đak ăn kơ Êli ôp ti.”

II Pot 3:11 Referans Kwoze

I Pot 22:7

Mă-lei Jêhôsaphat jet: “Tơ âu hăm pă đei 'bok khan lê̆ adrol nai Kră Yang wă kơ bơ̆n apinh jet sư?”

I Pot 19:21

Êlisê tơklah đơ̆ng Êli brŏk, sư rôp 'bet sa minh đôi rơmo, đơ̆ng noh iŏk 'long rơuơ blah pơm 'long ŭnh 'buh pai 'nhĕm rơmo, đơ̆ng noh pai ăn kơ lu đam sa. Đang boih sư iung năm kiơ̆ Êli pơm jơ̆ng 'bang păng bơ̆jang kơ sư.

II Pot 3:3

Mă khan lei ră, sư kư̆m hưch hanh kiơ̆ tơdrong yoch Jêrôbôam, kon drŏ-nglo Nêbat, noh jơ̆ yoch mă hlôi pơm ăn kơ lu bơngai Isơrael pơm yoch. Sư ưh kơ chu achăng lê̆.

Am 3:7

Kŭm thoi noh Kră Yang ưh kơ đei pơm minh tơdrong kiơ, tơdah sư ưh tam mă tơbăt lê̆ adrol tơdrong hlơp kơ lu đĭch đam sư, lu bơngai khan lê̆ adrol.

Horiso 74:9

Lu nhôn pă đei 'bôh tơdra hlĭch. Ưh pă đei bơngai khan lê̆ adrol tơ lăm lu nhôn kư̆m ưh pă đei bu băt tơdrong âu dĭng truh tơ dang yơ.

I Ho 15:13

Yua kơ adrol ki, lu iĕm ưh kơ tung ba hom Kră Yang yua kơ lu bơ̆n ưh kơ đei krao apinh Sư thoi Sư đei pơkă, na Kră Yang 'Bok Kei-Dei hil mĭl pơrăm lê̆ lu bơ̆n.”

I Ho 14:14

Na Đawit krao apinh Kră Yang 'Bok Kei-Dei dơ̆ng; Kră Yang 'Bok Kei-Dei tơl nơ̆r sư: “Ih 'nĕ kơ năm tơpăt lu sư, athei năm dăr đơ̆ng rŏng na blah lu sư tơ anăp kơdrơ̆ng 'long hơngo bri.

I Ho 14:10

Đawit krao apinh Kră Yang 'Bok Kei-Dei khan: “Inh hăm gơh năm blah kon pơlei Philistin ưh? Ih hăm pơjao lu sư lăm ti inh ưh?” Kră Yang tơl nơ̆r sư: “Năm bĕ; Inh gô pơjao lu sư lăm ti ih.”

I Ho 10:13

Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

II Pot 2:25

Đơ̆ng Bethel noh, Êlisê năm truh tơ kông Karmel; na đơ̆ng anih noh sư hơlơ̆k brŏk tơ Pơlei Samari.

Philip 2:22

Mă-lei iĕm băt boih kơ Timôthê sư bơngai 'lơ̆ng tơpă; sư jang tơgŭm inh bơtho tơdrong Yêsu Krist, thoi lĕ kơ kon jang tơgŭm 'bă.

Lu 20:23

Lu bơngai Isơrael tŏk nhơ̆m hmoi 'bơ̆t anăp Kră Yang, truh tơ kơmăng hloi. Lu sư krao apinh Kră Yang: Lu nhôn wă tơblah dơ̆ng ưh hăm lu 'nhŏng oh nhôn bơngai Bênjamin? Kră Yang tơl: Lu iĕm năm blah lu sư bĕ.

Lu 20:18

Bơngai Isơrael tŏk tơ pơlei Bethel krao khan apinh Kră Yang 'Bok Kei-Dei: Lăm lu nhôn bu wă năm blah bơngai Bênjamin adrol? Kră Yang tơl: Bơngai Juđa tŏk tơblah adrol.

Jôsuê 9:14

Lu bơngai Isơrael iŏk tơmam sa lu sư, mă-lei ưh kơ đei krao apinh Kră Yang.

Jôsuê 1:1

Đơ̆ng rŏng kơ Môis đĭch đam Kră Yang lôch boih, Kră Yang bơtho khan kơ Jôsuê đam kơiĕng Môis, kon drŏ-nglo Nun.

Bl 18:4

Apinh lu iĕm ăn kơ inh iŏk đak ôp jơ̆ng lu iĕm păng apinh iĕm ngôi pơdơh tơ ala yơ̆p 'long âu wă kơ rơngơp.

II Pot 3:10

Na pơtao đe Isơrael khan: “Kră Yang krao iŏk lu bơ̆n pêng 'nu pơtao 'nâu wă jao lê̆ lăm ti lu bơngai Môap bơih.

II Pot 3:12

Jêhôsaphat khan: “Nơ̆r Kră Yang pơma oei lăm sư.” Thoi noh, pơtao đe Isơrael, Jêhôsaphat, păng pơtao Eđôm jur năm hloi tơ Êlisê.

Je 37:17

Pơtao Sêđekia wơh đe năm krao Jêrêmi ba tơ hnam pơtao, sư jet Jêrêmi hơdrô̆ lăm hnam sư: “Kră Yang hăm đei khan kiơ?” Jêrêmi tơl: “Đei mơ̆n, đe gô jao ih tơ lăm ti pơtao Babilôn.”

II Ho 18:6

Jêhôsaphat jet dơ̆ng: “Tơ âu hăm pă đei bu dơ̆ng 'bok khan lê̆ adrol Kră Yang wă kơ bơ̆n apinh sư?”