II Pot 24:8 - Sơ̆p Hlabơar Nơ̆r 'Bok Kei-Dei

⁸ Jêhôiachin sư mơjĭt-tơhngam sơnăm kơplah sư tŏk pơm pơtao; sư pơgơ̆r pêng khei tơ lăm Pơlei Jêrusalem. Mĕ sư anăn Nêhusta kon drŏ-kăn Êlnathan đơ̆ng Pơlei Jêrusalem.

II Pot 24:8 Referans Kwoze

II Ho 36:9

Jêhôiachin 'nao mơjĭt-tơhngam sơnăm kơplah đe pôk sư pơm pơtao, sư pơgơ̆r lăp pêng khei mơjĭt năr tơ pơlei Jêrusalem. Sư pơm tơdrong kơnê̆ 'bơ̆t anăp Kră Yang.

I Ho 3:16

Kon drŏ-nglo Jêhôiakim noh: Jêkônia, păng Sêđekia.

Je 37:1

Sêđekia kon drŏ-nglo Jôsia, pơgơ̆r tơplih Jêhôiachin, kon drŏ-nglo Jêhôiakim, yua kơ đơ̆ng Nebukatnessar pơtao Babilôn pôk sư pơm pơtao đe Juđa.

Je 24:1

'Noh đơ̆ng rŏng kơ Nebukatnessar, pơtao đe Babilôn rôp Jêkônia, kon drŏ-nglo Jêhôiakim, pơtao đe Juđa, hăm rôp lu kră pơgơ̆r lăm char Juđa, hơdai hăm lu bơngai thơ̆ hơgei, thơ̆ hơjơ̆m hling đơ̆ng pơlei Jêrusalem chông ba tơ char Babilôn pơm bơnă, Kră Yang tơ'bôh ăn kơ inh đei 'bar tŏ bai plei 'long hơra dan 'bơ̆t anăp hnam Kră Yang.

Je 22:28

Hăm trŏ Jêhôiachin jing bô̆i teh pơchah boih, mă đe areh? Minh pôm bô̆i teh ưh kơ đei bu wă? Liơ sư hăm lu adrĕch adrung sư đe klơ̆m hŭt lê̆ ataih, tơ char mă lu sư ưh kơ băt?

Je 22:24

Kră Yang khan: “Sĭt thoi Inh arih, mă khan Jêhôiachin kon drŏ-nglo Jêhôiakim pơtao đe Juđa, thoi tơkhiĕn tơdra 'bot 'bơ̆t hơnglâu ti 'ma Inh, tơpă Inh kư̆m oei plôh lê̆.

Je 22:26

Inh gô puh lê̆ ih hăm mĕ ih tơ dêh nai, ưh kơ trŏ kơ dêh char mă đêl tơpŭ kơ ih păng măr iĕm gô lôch tơ noh.