II Pot 24:13 - Sơ̆p Hlabơar Nơ̆r 'Bok Kei-Dei

¹³ Thoi nơ̆r Kră Yang hlôi khan, pơtao Babilôn iŏk lê̆ đĭ dôm lu tơmam kăp đơ̆ng lăm hnam akŭm kơkuh kơ Kră Yang păng dôm lu tơmam gĭt đơ̆ng lăm hnam pơtao, teng iŏk lu tơmam yua lăm hnam akŭm kơkuh kơ Kră Yang mă Sôlômôn pơtao đe Isơrael hlôi pơm hăm maih.

II Pot 24:13 Referans Kwoze

Êsai 39:6

Âu, năr gô truh, dôm tơmam lăm anih hnam pơtao ih, dôm tơmam mă 'bok ih 'măn lê̆ lăm hnam đơ̆ng sơ̆ truh năr 'nâu, gô chĕp ba pơđĭ tơ dêh char Babilôn, ưh pă đei lê̆ minh pôm tơmam kiơ dơ̆ng, Kră Yang khan thoi noh.

II Pot 20:17

Jơ 'năr gô truh, dôm tơmam lăm hnam ih mong dôm lu mŭk tơmam mă yă 'bok ih đei pơsư̆ 'măn lê̆ đơ̆ng sơ̆ truh tơ dang ei đe gô iŏk pơđĭ, chĕp ba tơ dêh Babilôn. Kră Yang khan gô ưh pă đei kiơ oei oei dơ̆ng.

Je 20:5

Inh kư̆m gô jao dôm lu mŭk tơmam pơlei âu, mŭk tơmam đơ̆ng lu sư chă jang sa, tơmam gĭt mă đei dang ei, tơpă, Inh gô jao ăn dôm lu hu maih pơtao Juđa lăm ti lu bơngai ayăt, gô tơgar iŏk na chĕp ba tơ Babilôn.

Je 28:6

Jêrêmi 'bok khan lê̆ adrol khan: “Trŏ tơpă apinh Kră Yang pơm bĕ thoi noh; apinh Kră Yang pơm bĕ trŏ thoi nơ̆r ih đei khan lê̆ adrol wă iŏk pơdrâu đĭ đêl dôm tơmam gĭt lăm hnam Kră Yang păng chông ba brŏk đĭ-đăng lu bơngai Juđa đêl pơm bơnă đơ̆ng lăm char Babilôn wih tơ anih âu!

II Ho 36:7

Nebukatnessar kư̆m blah iŏk lu tơmam đơ̆ng lăm Hnam Kră Yang chĕp ba tah tơ lăm hnam pơtao sư tơ Babilôn.

Je 17:3

Ơ Kông Inha kơpal teh dơnă, Inh gô ăn kơ lu linh ayăt tơgar iŏk đĭ, Lu hu maih păng mŭk tơmam gĭt hăm anih kơjung ih, yua kơ tơdrong yoch lu iĕm đei pơm tơ jơ̆p-jang tơring.

Êsêkiên 7:21

Inh gô pơjao tơmam noh kơ bơngai tơmoi, thoi tơmam tơtông tơgar ăn kơ lu bơngai ala teh âu thoi tơmam iŏk đơ̆ng tơblah jei; lu sư gô pơm 'mê̆-'mach.

Êsêkiên 23:26

Lu sư gô plôh hơbĕn ao ih, lu sư gô iŏk đĭ tơmam pơguăng gĭt đơ̆ng ih.