II Pot 21:3 - Sơ̆p Hlabơar Nơ̆r 'Bok Kei-Dei

³ Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

II Pot 21:3 Referans Kwoze

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

Both 17:3

năm bơ̆jang păng kơkuh kơ lu yang nai, thoi măt 'năr, măt khei dah lu sơnglŏng kơpal plĕnh, wă khan pơglăi dôm tơdrong Inh đei bơtho akhan;

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Jop 31:26

Tơdah inh lăng tơ măt 'năr pơchrang hơdah Păng măt khei lĕch pơchrang hơdah hơdong rơđah,

II Ho 34:3

Sơnăm mă tơhngam lăm chăl sư pơgơ̆r, mă sư oei 'lơ̆p mơlôh, sư pơtơm chơchă Kră Yang 'Bok Kei-Dei Đawit, 'bok sư Sơnăm mă mơjĭt-'bar, sư pơtơm hơmet rơgoh lăm char Juđa păng pơlei Jêrusalem, hŭt lê̆ lu anih kơjung, gơ̆ng kơkuh kơ rup yang Asêria, rup yang đe traih păng rup đe hling tuh.

II Ho 32:12

Hăm trŏ kơ đơ̆ng Hesekia mă đei pơrăm lê̆ lu anih kơjung păng chơnang soi kơ Kră Yang păng krao pơtơm kon pơlei Juđa păng kon pơlei Jêrusalem khan: Lu iĕm athei kơkuh păng soh tơmam 'bâu phu 'bơ̆t anăp kơ minh pôm chơnang soi 'nâu đĕch?

II Pot 18:22

Mă-lei tơdah ih khan kơ inh: “Lu nhôn gơnang kơ Kră Yang 'Bok Kei-Dei nhôn. Hăm trŏ Hesekia hlôi yuih lê̆ chơnang soi Kră Yang tơ anih kơjung păng khan kơ lu bơngai Juđa kon pơlei Jêrusalem:” Iĕm athei kơkuh kơ Kră Yang 'bơ̆t chơnang soi tơ Jêrusalem đĕch dah kiơ?

II Pot 8:27

Sư năm kiơ̆ trong adrĕch adrung Ahap, pơm kơnê̆ 'bơ̆t anăp Kră Yang lei-lăi thoi Ahap hlôi pơm bơih, yua kơ sư ŏng pơtao Ahap.

II Pot 8:18

Sư năm kiơ̆ trong lu pơtao Isơrael, lei-lăi thoi pơtao Ahap pơm bơih yua kơ akăn sư 'noh kon pơtao Ahap. Sư pơm kơnê̆ 'bơ̆t anăp Kră Yang.

I Pot 18:26

Thoi noh lu sư iŏk rơmo dui ba tơ noh, kăt hlơ-hlah pơm hơmet, Đơ̆ng noh lu sư krao apinh hăm anăn yang Baal: Ơ Baal! Apinh tơl tơwih nơ̆r nhôn. Mă-lei ưh kơ đei nơ̆r tơl tơwih; lu sư suang pơplŏng tăp dăr kơ chơnang soi lu sư pơm 'noh, đơ̆ng pơgê hrôih truh tơ 'năr dơ̆ng.

I Pot 18:21

Đơ̆ng noh Êli năm dơ̆ng 'bơ̆t anăp lu kon pơlei pơla păng khan: Lu iĕm năm ting bơring kiơ̆ 'bar pah trong 'nâu dĭng dang yơ? Tơdah Kră Yang 'Bok Kei-Dei lei iĕm athei kiơ̆ Kră Yang, tơdah Baal jơ̆ Kră Yang 'Bok Kei-Dei lei iĕm athei kiơ̆ Sư. Mă-lei lu kon pơlei pơla ưh kơ đei tơl sư minh nơ̆r.

Both 16:21

'Bơ̆t cheng chơnang soi kơ Kră Yang 'Bok Kei-Dei iĕm, 'nĕ kơ pơm gơ̆ng rup yang Asêrim.

Both 17:2

Tơdah đei bơngai oei hơdai, lăm pơlei mă Kră Yang 'Bok Kei-Dei ăn kơ iĕm, đei minh 'nu bơngai drŏ-nglo dah drŏ-kăn pơm tơdrong kơnê̆ 'bơ̆t anăp Kră Yang 'Bok Kei-Dei, noh pơm glăi tơdrong pơgơ̆p Sư,

Both 20:18

Tơdah ưh lu sư gô pơtơm iĕm rok pơm kiơ̆ dôm lu tơdrong kơnê̆ krưp mă lu sư pơm, kơkuh kơ rup yang lu sư, lu iĕm gô pơm yoch hăm Kră Yang 'Bok Kei-Dei lu iĕm.

Je 7:30

Kră Yang khan: “Bơngai Juđa pơm boih tơdrong kơnê̆ 'bơ̆t anăp Inh, lu sư pơm boih rup yang mă Inh lăng krưp lăm hnam Anăn Inh, pơm kơ hnam noh 'mê̆-'mach.

II Pot 13:6

Mă-lei, lu sư kuă kơ achăng lê̆ ôh tơdrong yoch Jêrôbôam, tơdrong mă pơtao noh hlôi pơm bơih kơ đe Isơrael pơm yoch; lu sư oei hơnơ̆ng kơ pơm yoch đĕch; dĭng mah rup man yang Asêra oei pơdơ̆ng lê̆ dơ'nhơ̆ng lăm pơlei Samari.

Êsai 65:11

Mă-lei lu iĕm, achăng hŭt lê̆ Kră Yang bơih. Hiơt kơ kông rơgoh Inh, Lu iĕm bơngai mă hơmet gơ'bang et sa ăn kơ yang Gata păng hling 'bĕnh kơ pơnhan sik hơmu ăn bơih kơ yang Mêni.b