II Pot 20:9 - Sơ̆p Hlabơar Nơ̆r 'Bok Kei-Dei

⁹ Êsai tơl: “'Nâu bơih tơdra mă Kră Yang ăn kơ ih, Sư gô pơm pơkeh nơ̆r Sư hlôi pơkă. Ih wă kơ 'bôh yơ̆p ngôi păk tơ anăp mơjĭt yak dah wă kơ păk hơlơ̆k tơ rŏng mơjĭt yak?”

II Pot 20:9 Referans Kwoze

II Pot 19:29

Ơ Hesekia, 'nâu minh tơdrong tơdra tơbăt kơ ih. Sơnăm 'nâu ih gô sa tơmam đơ̆ng găr adrĕch hơlŭng na rah kơdih, sơnăm mă 'bar, ih gô sa tơmam đơ̆ng găr chăt kơdih, mă-lei sơnăm mă pêng, lu iĕm gô rei păng kĕch yuă, pơtăm 'long hơmu păng sa plei sư.

II Pot 20:8

Thoi noh, na Hesekia pơma hăm Êsai: “Hăm tơdra kiơ wă tơbăt Kră Yang gô pơklaih jĭ inh păng truh tơ năr mă pêng, inh gô gơh năm tơ hnam akŭm kơkuh kơ Kră Yang.”

II Pot 20:10

Hesekia tơl: “Yơ̆p ngôi pơ̆k thim năm tơ anăp mơjĭt yak ưh kơ anat kiơ ôh; inh apinh lê̆ sư păk hơlơ̆k tơ rŏng mơjĭt yak đĕch 'lơ̆ng hloh.”

Êsai 38:1

Kơplah noh pơtao Hesekia jĭ dêh wă jê̆ lôch; Êsai 'bok khan lê̆ adrol kon drŏ-nglo Amôt năm mơ̆t roi kơ pơtao păng khan: “Kră Yang khan thoi âu: Hơmet bĕ dôm tơdrong jang ih lăm hnam ih, yua kơ ih wă lôch, ưh pă arih bơih.”

Jôsuê 10:12

Lăm năr Kră Yang jao kon pơlei Amôrit lăm ti bơngai Isơrael, Jôsuê pơma dơnuh hăm Kră Yang 'bơ̆t anăp lu kon pơlei Isơrael: Ơ Măt 'năr, dơ̆ng bĕ 'bơ̆t pơlei Gibeôn; Ơ Măt khei, dơ̆ng bĕ 'bơ̆t Thŭng Aijalôn!

I Sam 14:10

Na dah lu sư pơma khan: Năm tơ nhôn bĕ; lei ba gô năm; noh băt tơdra kơ Kră Yang gô pơjao lu sư tơ lăm ti ba boih.