II Pot 2:13 - Sơ̆p Hlabơar Nơ̆r 'Bok Kei-Dei

¹³ Êlisê dônh iŏk ao 'nguaih đêl huŏng đơ̆ng akâu Êli, na sư brŏk păng dơ̆ng 'bơ̆t jih đak krong Jôrđăn.

II Pot 2:13 Referans Kwoze

I Pot 19:19

Na Êli năm đơ̆ng anih 'noh tơ'bơ̆p hloi Êlisê, kon drŏ-nglo Saphat oei rơuơ chŭn hơdai hăm mơjĭt-'bar đôi rơmo rơuơ nai, sư choh rơuơ đôi rơmo mă mơjĭt-'bar. Êli năm jê̆ sư păng klơ̆m ăn kơ sư ao tai.

I Pot 9:26

Pơtao Sôlômôn kư̆m pơm lơlap duk thŏng-nan tơ pơlei Êsiôn Gêber oei jê̆ pơlei Êlat tơ đak Dơsĭ 'Brê lăm dêh char Eđôm.

II Pot 2:8

Êli thar iŏk ao đaih sư, lôm huăt tơ đak krong, na đak krong tơklah 'bar na bre sư tŏk, nơnăm kơpal teh hrĕng.

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.

II Pot 2:12

Êlisê lăng 'bôh na sư ôr hloi: “'Bă inh ơi, 'bă inh ơi!” Gre aseh păng linh Isơrael! Êlisê hnhoi dĭng khơ̆i ưh pă 'bôh Êli bơih; na sư hek ao sư phơ̆t tŏk-bŏk.

II Pot 2:14

Sư iŏk ao 'nguaih đơ̆ng sư dônh 'noh sư huăt tơ đak păng khan: “Kră Yang 'Bok Kei-Dei Êli tơ yơ?” Lăp sư huăt tơ đak bơih đak tơklah 'bar pah, đơ̆ng noh Êlisê tŏk hĭ.

I Sam 28:14

Sôl apinh ih 'bôh hơbŏ sư liơ? Bơngai drŏ-kăn tơl: Inh 'bôh minh 'nu 'bok kră hrŭk ao tai, Sôl băt noh Samuel, na kŭp kơ̆l drap tơ teh păng kơkuh.