II Pot 2:11 - Sơ̆p Hlabơar Nơ̆r 'Bok Kei-Dei

¹¹ Kơplah bre sư oei nơnăm rah pơma dơnuh rah na 'bôh đei minh pôm gre aseh ŭnh păng aseh kư̆m ŭnh jur plah tơklah lê̆ bre sư; Êli phŭt gơhnŏk pôk ba sư tŏk tơ plĕnh.

II Pot 2:11 Referans Kwoze

II Pot 6:17

Đơ̆ng noh, Êlisê krao khan thoi âu: “Ơ Kră Yang apinh ih pơih ăn măt đĭch đam inh wă kơ sư gơh 'bôh.” Kră Yang pơih ăn măt đam noh, na sư 'bôh rơwơ̆nh rơwănh kơ aseh 'bĕnh kơ kông păng gre aseh ŭnh tăp tang kơ Êlisê.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Horiso 68:17

Gre aseh Kră Yang 'Bok Kei-Dei 'bar hơngan. Lơ rơbâu hơngan, Kră Yang oei tơ lăm gre ei, năm đơ̆ng kông Sinai mơ̆t lăm anih rơgoh.

Markôs 16:19

Đang kơ Kră Yang Yêsu khan kơ lu bơngai pơhrăm păng Sư thoi noh boih, na 'Bok Kei-Dei atŏk Sư tơ plĕnh oei gah 'ma kơ 'Bă Sư 'Bok Kei-Dei.

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.

Habakuk 3:8

Ơ Kră Yang hăm trŏ kơ Ih blĕk hil kơ lu đak krong ưh? Tơdrong hil Ih tuh kơ đak glung ưh? Hăm trŏ tơdrong hil Ih blah đak dơsĭ, kơplah Ih hao aseh hao gre aseh Ih năm wă dŏng pơklaih?

Bl 5:24

Ênok kiơ̆ Kră Yang 'Bok Kei-Dei, na biŏng pă 'bôh hloi, yua kơ Kră Yang 'Bok Kei-Dei sơng iŏk sư boih.

II Pot 2:1

Kră Yang wă pôk atŏk Êli hăm phŭt gơhnŏk huơ̆r, bre Êli păng Êlisê lĕch đơ̆ng Pơlei Gilgal.

Tơdrông Tơ'bôh 11:12

Bre sư kơtơ̆ng nơ̆r pơma re tơ plĕnh khan: “Ơ bre noh, tŏk tơ âu bĕ.” Na bre sư tŏk hloi tơ plĕnh hơmơ̆l hiŏng bre sư. Dôm lu bơngai mă ayăt kơ bre sư 'bôh bre sư tŏk mơ̆n.