II Pot 19:12 - Sơ̆p Hlabơar Nơ̆r 'Bok Kei-Dei

¹² Lu yang kơ lu adrĕch adrung nai mă lu 'bok kơdră inh hlôi pơrăm bơih, noh yang char Gôsan, pơlei Haran, Rêtsep, păng lu bơngai Êđen oei tơ Pơlei Têl Asar, sư gơh dŏng pơklaih lu sư mơ̆n hă?

II Pot 19:12 Referans Kwoze

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

Êsêkiên 27:23

Bơngai mơdro đơ̆ng lu pơlei Haran, Kannê păng Êđen, Sêba, Asur păng Kilmat bơngai mơdro sa hăm ih.

Bl 11:31

Thêra chông ba Abram, kon drŏ-nglo sư, Lot kon drŏ-nglo Haran, sâu sư păng Sarai akăn Abram, mŏ mai sư, lĕch đơ̆ng Ur, lăm dêh Kalđê, na năm tơ char Kanaan kơplah lu sư truh tơ pơlei Charan sư pơjing hnam dơnŏ bơ̆jang sa tơ noh.

Êsai 37:12

Lu yang, lu teh đak mă 'bok yă inh đei pơrăm lê̆ đĭ bơih, lu yang char Gôsan, pơlei Haran, Rêsep păng lu kon pơlei Êđen oei tơ pơlei Têl Asar hăm gơh pơklaih lu sư ưh?

Jang 7:4

Thoi noh na Abraham jăk đơ̆ng dêh Mesôpôtôme năm oei tơ Pơlei Haran. Đơ̆ng rŏng kơ 'bă Abraham lôch, 'Bok Kei-Dei athei Abraham năm oei tơ dêh bơ̆n oei dang ei.

I Ho 5:26

Na Kră Yang 'Bok Kei-Dei Isơrael, pơtrŭt jơhngơ̆m Pul, pơtao dêh char Asiri păng Tiglat Phileser pơtao dêh char Asiri, rôp lu kon pơlei bơngai Rubên, bơngai Gat păng minh puăt bơngai Manase anhăk ba lu sư tơ pơlei Hala, Habôr, Hara, păng tơ tơring đak Krong Gôsan, dĭng truh tơ dang ei.

Bl 29:4

Jakôp jet lu bơngai wei triu. Ơ Lu đe 'nhŏng, lu iĕm đơ̆ng yơ? Lu sư tơl thoi âu: Nhôn đơ̆ng Charan.

Bl 2:8

Đơ̆ng noh, Kră Yang 'Bok Kei-Dei pơjing minh hlak pơgar Êđen, tơ gah hơlĕch păng 'măn kon bơngai mă Sư 'nao pơjing oei tơ lăm noh,

II Pot 19:11

'Nâu ih kơtơ̆ng bơih dôm lu tơdrong mă pơtao Asiri hlôi pơm ăn kơ dôm lu dêh char iĕm pơrăm lê̆ đĭ-đăng: Bĭ ih kơnh klaih hă?

Bl 11:32

Thêra arih đei 'bar-hrĕng pơđăm sơnăm, na sư lôch tơ pơlei Charan.