II Pot 18:1 - Sơ̆p Hlabơar Nơ̆r 'Bok Kei-Dei

¹ Lăm sơnăm mă pêng, chăl Hôsêa, kon drŏ-nglo Êlah, pơtao Isơrael, na Hesekia kon drŏ-nglo Ahas pơtao đe Juđa tŏk pơm pơtao.

II Pot 18:1 Referans Kwoze

II Ho 28:27

Ahas lôch oei hơdai pơdơh hăm lu 'bok sư păng đe 'bŭ sư lăm pơlei Jêrusalem; mă-lei ưh kơ đei 'bŭ tah hơdai hăm bơsat lu pơtao Isơrael. Hesekia kon drŏ-nglo sư pơm pơtao pơgơ̆r pơtrơp sư.

I Ho 3:13

kon drŏ-nglo Asria noh Jôtham, kon drŏ-nglo Jôtham noh Ahas, kon drŏ-nglo Ahas noh Hesekia, kon drŏ-nglo Hesekia noh Manase,

II Pot 16:20

Đơ̆ng noh, Ahas lôch thoi tep hiôk hăm lu 'bok kơdră sư sơ̆, đe 'bŭ sư jê̆ lu 'bok kơdră sư tơ Pơlei Đawit. Hesekia, kon drŏ-nglo sư, tŏk pơm pơtao pơgơ̆r pơtrơp sư.

II Pot 18:9

Truh lăm sơnăm mă puăn, chăl pơtao Hesekia pơgơ̆r 'blep kơ sơnăm mă tơpơh, chăl Hôsêa, kon drŏ-nglo Êlah, pơtao đe Isơrael, na Salmaneser, pơtao đe Asiri năm blah pơlei Samari, wang tăp kơ pơlei noh.

II Pot 16:2

Ahas sư 'nao 'bar-jĭt sơnăm kơplah sư tŏk pơm pơtao; sư pơgơ̆r mơjĭt-tơdrâu sơnăm tơ Pơlei Jêrusalem. Sư ưh kơ pơm 'lơ̆ng 'bơ̆t anăp Kră Yang 'Bok Kei-Dei sư, thoi Đawit 'bok kơdră sư sơ̆ hlôi pơm.

II Pot 15:30

Hôsêa kon drŏ-nglo Êlah, chă đon blah Pêka, kon drŏ-nglo Rêmalia păng pơlôch sư đơ̆ng noh tŏk pơm pơtao tơplih sư. 'Blep kơ sơnăm mă 'bar-jĭt, chăl Jôtham kon drŏ-nglo Ussia pơgơ̆r.

II Pot 17:1

Lăm sơnăm mă mơjĭt-'bar, chăl Ahas, pơtao đe Juđa pơgơ̆r, na Hôsêa kon drŏ-nglo Êlah, tŏk pơm pơtao đe Isơrael, lăm Pơlei Samari; sư pơgơ̆r tơsĭn sơnăm.

II Ho 29:1

Hesekia 'nao lăp 'bar-jĭt pơđăm sơnăm kơplah sư pơm pơtao; sư pơgơ̆r oei lăm pơlei Jêrusalem 'bar-jĭt tơsĭn sơnăm; mĕ sư anăn Abija kon drŏ-kăn Sachari.

Mi 1:1

Nơ̆r Kră Yang khan kơ Mika bơngai Môresêt lăm chăl Jôtham, Ahas păng Hesekia, lu pơtao dêh char Juđa, tơdrong mă lu sư 'bôh noh trŏ kơ pơlei Samari păng pơlei Jêrusalem.

II Ho 29:29

Wă đang kơ pơyơ̆r tơmam soi boih, pơtao păng đĭ-đăng lu bơngai oei hơdai pơtao kŭp kơ̆l drap kơkuh bơnê.