II Pot 17:8 - Sơ̆p Hlabơar Nơ̆r 'Bok Kei-Dei

⁸ yak kiơ̆ tơdrong juăt lu adrĕch adrung mă Kră Yang hlôi puh tơweh lu sư đơ̆ng anăp lu bơngai Isơrael păng yak kiơ̆ tơdrong juăt mă lu pơtao đe Isơrael hơmet bơih.

II Pot 17:8 Referans Kwoze

II Pot 16:3

Mă-lei sư năm kiơ̆ trong lu pơtao đe Isơrael, sư pơyơ̆r kon drŏ-nglo sư pơm tơmam soi 'buh pơkhôi, pơm tơdrong kơnê̆ 'mê̆-'mach thoi lu adrĕch adrung nai đei pơm, mă Kră Yang 'Bok Kei-Dei puh lê̆ lu sư đơ̆ng lu bơngai Isơrael.

Both 18:9

Mưh lu iĕm mơ̆t boih lăm dêh mă Kră Yang 'Bok Kei-Dei iĕm ăn. 'Nĕ kơ pơhrăm pơm rok kiơ̆ dôm lu tơdrong kơnê̆ krưp lu adrĕch adrung noh pơm.

Lêwi 18:3

Lu iĕm 'nĕ kơ pơm rok ôh tơdrong lu sư pơm tơ lăm char Êyiptơ, char mă đêl lu iĕm oei, dah tơ char Kanaan, đơ̆ng char noh mă Inh chông ba lu iĕm. Lu iĕm kư̆m 'nĕ kơ yak kiơ̆ tơdrong juăt lu sư ôh.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Hôsia 5:11

Đe pơjuă pơđep boih lu bơngai Êphraim, pơchah pơchek lu sư lăm năr sek tơlang, yua kơ lu sư lăp đon rơih boih kiơ̆ lu yang nai.

Je 10:2

Kră Yang khan: “'Nĕ kơ arih kiơ̆ trong lu bơngai dêh nai, 'nĕ kơ hli mă đei tơdra tơ plĕnh, mă khan lu sư bơngai dêh nai ngăl hli kơ tơdra noh.

Horiso 106:35

Mă-lei oei hơbĭ hơdai hăm kon pơlei noh. Pơhrăm pơm kiơ̆ tơdrong juăt lu đe noh.

II Pot 21:2

Sư pơm kơnê̆ 'bơ̆t anăp Kră Yang, păng kơkuh tơdrong 'mê̆-'mach kiơ̆ thoi lu adrĕch adrung mă Kră Yang hlôi puh tơweh lê̆ đơ̆ng lu bơngai Isơrael.

II Pot 17:19

Khŭl Juđa kư̆m lei-lăi ưh kơ chu răk dôm nơ̆r Kră Yang 'Bok Kei-Dei lu sư tơtă mơ̆n; na lu sư pơm kiơ̆ tơdrong juăt mă lu bơngai Isơrael chă pơjing kơdih.

II Pot 16:10

Na Ahas năm tơ pơlei Đamas wă sơng Tiglat Pilêser pơtao đe Asiri. Ahas 'bôh minh pôm chơnang soi tơ lăm pơlei Đamas păng chhơ̆ iŏk rup chơnang soi noh trŏ thoi đêl đe pơm sư, gơih ăn kơ 'bok soi anăn Uria.

I Pot 21:26

Dôm tơdrong sư pơm kơ Kră Yang areh dêh, sư kơkuh kơ rup yang thoi lu bơngai Amôrit kơkuh, lu sư noh kon pơlei pơla mă Kră Yang pơpuh tơlĕch bơih lu sư đơ̆ng anăp lu bơngai Isơrael.

I Pot 12:28

Thoi noh pơtao pơđâu athei đe pơm 'bar tŏ rup rơmo păng maih, pơtao khan kơ kon pơlei pơla: “Lu iĕm tŏk năm chă kiơ tơ pơlei Jêrusalem ataih dêh! Ơ lu bơngai Isơrael 'nâu bơih yang lu iĕm, mă chông tơlĕch lu iĕm đơ̆ng char Êyiptơ.”

Êsêkiên 5:6

Isơrael ưh kơ chu blah plơ̆ khôi juăt păng nơ̆r Inh tơtă pơm kơnê̆ hloh kơ lu bơngai nai păng lu dêh char jum dăr kơ sư. Sư sơngah kơ khôi juăt Inh păng ưh kơ pơm kiơ̆ nơ̆r Inh tơtă.”

Le 23:24

Ih 'nĕ drap kơkuh păng soi sơmah kơ lu yang lu sư, 'nĕ kơ pơm rok kiơ̆ tơdrong jang lu sư, mă-lei athei pơrăm đĭ dôm lu rup yang păng juă pơhĕch dôm lu gơ̆ng rup yang sư.

Lêwi 26:1

Lu iĕm 'nĕ kơ man rup yang, dah traih pơm păng 'long dah pơm hăm tơmo, 'nĕ kơ pơdơ̆ng minh pôm tơmo ayơ lăm tơring iĕm đei rup na drap kơkuh 'bơ̆t anăp rup noh, yua kơ Inh boih Kră Yang 'Bok Kei-Dei lu iĕm.

II Pot 17:40

Mă-lei, lu adrĕch adrung ei ưh kơ chu mơ̆ng, oei pơm kiơ̆ rok thoi tơdrong juăt so sư kơdih.