II Pot 17:4 - Sơ̆p Hlabơar Nơ̆r 'Bok Kei-Dei

⁴ Mă-lei pơtao đe Asiri 'bôh Hôsêa chă đon wă blơ̆ sư; yua kơ Hôsêa đei wơh bơngai năm tơ Sô, pơtao đe Êyiptơ, păng sư kuă kơ ra ăn kơ pơtao đe Asiri thoi juăt ăn rim sơnăm; na pơtao đe Asiri rôp sư, tah sư tơ lăm hnam phak.

II Pot 17:4 Referans Kwoze

II Ho 32:11

Hăm trŏ Hesekia pơhlŭ pơlung wă jao iĕm pơngot rơhing na lôch dah kiơ? Sư khan: Kră Yang 'Bok Kei-Dei lu bơ̆n gô dŏng pơklaih lu bơ̆n đơ̆ng ti pơtao Asiri noh.

II Pot 25:7

Lu sư pơlôch kon drŏ-nglo pơtao Sêđekia tơm măt; na kuek lê̆ măt Sêđekia, chô̆ lê̆ sư hăm glang pơm hăm kong, đơ̆ng noh ba sư tơ Babilôn.

II Pot 24:20

Tơdrong Kră Yang hil mĭl Sư ăn truh bơih kơ Pơlei Jêrusalem păng dêh Juđa, Kră Yang mah puh tơweh lê̆ lu sư đơ̆ng muh măt Kră Yang. Na Sêđekia iung blah pơtao đe Babilôn.

II Pot 24:1

Lăm chăl Jêhôiakim pơgơ̆r, Nebukatnessar, pơtao đe Babilôn, blah iŏk dêh char Juđa, Jêhôiakim chu jang kơ sư lăm pêng sơnăm, đơ̆ng noh sư tơplih đon tơchĕng sư iung blah pơtao đe Babilôn dơ̆ng.

II Pot 18:21

Noh dang ei ih gơnang kơ Êyiptơ hă? Noh jơ̆ thoi 'long gơlar tơgơ̆, dah bu tơjră kơ 'long noh sĭt gô trŏ ti klĕch hloi. Bu gơnang kơ Pharaôn, pơtao đe Êyiptơ, lu sư kư̆m thoi noh mơ̆n.

Both 28:36

Kră Yang gô puh iĕm păng pơtao mă iĕm rơih pôk kơdih, truh tơ minh adrĕch adrung mă iĕm hăm 'bok iĕm tam lah băt. Tơ noh iĕm gô kơkuh kơ lu yang nai, pơm păng 'long dah păng tơmo.

II Pot 17:3

Salmaneser, pơtao đe Asiri năm blah pơtao Hôsêa, Hôsêa jing pơtao bơ̆jang kơ Salmaneser păng chu kiơ̆, ra ăn kơ Salmanese jên.

II Pot 17:5

Đơ̆ng noh pơtao đe Asiri mơ̆t blah pơrăm jơ̆p-jang dêh char sư, wang Pơlei Samari lăm pêng sơnăm.

Hôsia 10:4

Lu sư chă pơma pơkă pơkăm hơlĕnh lăm nơ̆r pơgơ̆p, Thoi noh tơdrong lu sư. Jing thoi 'nhĕt kơnê̆ hơkăm chăt rok trong đêl choh lăm chŭn.

Hôsia 13:10

Dang ei tơ yơ pơtao iĕm juăt ngăl dŏng pơklaih iĕm? Tơ yơ đĭ-đăng lu yŏng pơgơ̆r iĕm lăm rim pơlei? Tơ yơ lu yŏng mă lu bơngai iĕm ngăl khan: Ăn kơ lu nhôn đei minh 'nu pơtao păng lu yŏng pơgơ̆r!

Hôsia 8:10

Mă khan lu sư tĕch boih lu sư kơdih kơ adrĕch adrung bơngai nai, mă-lei Inh oei akŭm lu sư; păng lu sư rai huach yua kơ đơ̆ng pơtao kơtang pơjuă pơđep lu sư.

Hôsia 12:2

Kră Yang kư̆m đei pơma chrih kơ adrĕch Juđa, păng Sư gô phak Jakôp kiơ̆ thoi kơ trong sư yak năm; Kră Yang gô pơm tơwih kơ lu sư kiơ̆ thoi tơdrong lu sư pơm.