II Pot 16:9 - Sơ̆p Hlabơar Nơ̆r 'Bok Kei-Dei

⁹ Pơtao đe Asiri drơ̆ng iŏk nơ̆r Ahas apinh, sư năm blah Pơlei Đamas păng tơgar iŏk pơlei 'noh, rôp ba kon pơlei sư pơm bơnă tơ Pơlei Kir păng pơlôch lê̆ pơtao Rêsin.

II Pot 16:9 Referans Kwoze

Am 9:7

Kră Yang khan: Ơ kon sâu Isơrael, hăm trŏ Inh ưh kơ lăng iĕm thoi lu kon sâu bơngai Êthiôpi? Inh ưh kơ trŏ chông tơlĕch iĕm đơ̆ng teh đak Êyiptơ, bơngai Philistin đơ̆ng Kaptôr păng bơngai Siri đơ̆ng char Kir hă?

Êsai 22:6

Lu đe Êlam tơ̆n jŏ 'brơ̆m hră, năm kiơ̆ đei gre aseh hăm lu linh hao aseh, lu bơngai Kir chĕp khêl.

Êsai 9:11

Kon pơlei Siri, tơ anăp, kon pơlei Philistin gah rŏng ha 'bơ̆r gô luăn sa Isơrael, mă đơ̆ng lei ră, tơdrong Kră Yang hil ưh kơ ngach ôh păng ti Kră Yang oei yơ̆r tơ kơpal pơm kơ lu sư.

Êsai 7:16

Na hơdrol kơ hơ'lơ̆p ei băt tŭk tơdrong kơnê̆ păng rơih iŏk tơdrong 'lơ̆ng, teh đak 'bar 'nu pơtao mă ih hli noh gô jing juơ.

II Ho 28:21

Ahas iŏk tơmam đơ̆ng lăm hnam akŭm Kră Yang, đơ̆ng lăm hnam pơtao păng kư̆m iŏk đơ̆ng lu yŏng pơgơ̆r ra ăn kơ pơtao Asiri; mă-lei kư̆m ưh kơ đei tơgŭm sư kiơ.

II Ho 28:5

Yua kơ thoi noh Kră Yang 'Bok Kei-Dei Sư jao sư tơ lăm ti pơtao char Siri; khŭl linh Siri blah rôp lu sư lơ pơm bơnă păng chông ba tơ pơlei Đamas. Kră Yang kư̆m jao sư tơ lăm ti pơtao Isơrael, lu sư thuơ tih tơpă,

Êsai 10:9

Hăm trŏ kơ pơlei Kalnô kư̆m thoi pơlei Karchêmis, pơlei Hamat kư̆m thoi pơlei Arpat, pơlei Samari kư̆m thoi pơlei Đamas?

Êsai 17:1

Nơ̆r Khan lê̆ adrol kơ pơlei Đamas: “Mơ̆ng bĕ Pơlei Đamas, ưh pă jô̆ jing pơlei tih dơ̆ng, mă-lei gô jing tơmam pơchah rơ̆m rĕk.

Êsai 37:18

Ơ Kră Yang, tơpă, lu pơtao Asiri đei pơrăm bơih đĭ-đăng bơngai păng pơrăm teh lu sư,

II Ho 16:4

Ben Hadat mơ̆ng kiơ̆ pơtao Asa na wơh lu yŏng linh năm blah iŏk lu pơlei tih bơngai Isơrael; lu sư blah iŏk lu pơlei Ijôn, pơlei Đan, pơlei Abel Maim păng lu pơlei đei hnam mong tơmam char Naptali.

Êsai 9:10

Thoi noh na Kră Yang gô hơtŏk lu ayăt đơ̆ng Rêsin iung blah lu sư păng gô pơdrŭt lu ayăt kơ lu sư.