II Pot 14:10 - Sơ̆p Hlabơar Nơ̆r 'Bok Kei-Dei

¹⁰ Ih blah bơih adrĕch lu đe Eđôm jei ih păng jơhngơ̆m 'bĕnh kơ tơdrong pơang. Ih ư-ang tơdrong jei noh lăm hnam ih bĕ; yua kơ kiơ ih 'maih pơm ăn kơdih akâu đei tơdrong răm truh păng pơm kơ char Juđa hiong răm?”

II Pot 14:10 Referans Kwoze

II Ho 26:16

Wă sư pran kơtang boih jơhngơ̆m sư pơang truh tơ sư pơm yoch, pơm glăi hăm Kră Yang 'Bok Kei-Dei sư kơdih; sư mơ̆t lăm hnam Kră Yang, soh tơmam 'bâu phu 'bơ̆t chơnang 'bok soi juăt kơ soh tơmam 'bâu phu.

Both 8:14

Athei kơchăng 'nĕ kơ pơang păng 'nĕ hiơt kơ Kră Yang 'Bok Kei-Dei iĕm, Tơ'ngla chông ba iĕm lĕch đơ̆ng dêh Êyiptơ, lĕch đơ̆ng pơm đĭch.

II Ho 32:25

Mă-lei Hesekia ưh kơ đei bơnê kơ Kră Yang mă đei ăn kơ sư boih yua kơ jơhngơ̆m sư pơang dêh; lei na Kră Yang hil mĭl hloi kơ sư hăm kon pơlei Juđa păng kon pơlei Jêrusalem.

Tơdrông Pơđơk 20:3

Bơngai bu kĕ wei huay kơ tơhil băl, bơngai noh đe ư-ang; Lu bơngai kơhlôh đĕch ngăl pơjah tơhil băl.

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Tơdrông Pơđơk 15:18

Bơngai 'bônh kơ blĕk jing tơhil băl. Mă-lei bơngai bu hiơ̆ kơ blĕk, pơm kơ jơhngơ̆m hil 'bônh kơ ngach.

Tơdrông Pơđơk 3:30

'Nĕ kơ pơjah hăm đe tơdrong kơ đei Tơdah đe ưh kơ pơm kơnê̆ kơ ih.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”

Ya 1:9

Lăm lu 'nhŏng oh bơ̆n bơngai bu dơnuh hin, sư kư̆m hiôk bĕ yua kơ 'Bok Kei-Dei jô̆ jing kon Sư.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Êsêkiên 38:17

Kră Yang khan thoi âu: Hăm trŏ kơ ih bơngai mă Inh đei roi đunh đơ̆ng sơ̆ boih Inh đei yua lu đĭch đam Inh lu 'bok khan lê̆ adrol bơngai Isơrael, kơplah lăm năr noh sơ̆, đunh sơnăm bơih, lu sư đei khan lê̆ adrol thoi âu. Inh gô chông ih năm blah lu sư.

Êsêkiên 38:5

Lu khŭl linh Persơ, Kus păng Phut kư̆m năm hơdai hăm lu sư, đĭ-đăng chĕp khêl păng môk mam.

Êsêkiên 38:2

Ơ kon bơngai, tơwih muh măt ih blah Gôk dêh char Magôk pơtao lu kon pơlei Rôs, Mêsêk, Tubal, khan lê̆ adrol blah sư.

Tơdrông Pơđơk 26:17

Bơngai bu yak rok trong drong mơ̆t tơhil tơdrong noh ưh kơ 'bơm sư. Thoi bơngai mă pet wĕnh đon kŏ.

Tơdrông Pơđơk 25:8

Tơdrong kiơ măt ih 'bôh boih, 'Nĕ kơ hăt tơbăt kơ 'bok sek tơlang. Kơnh, kon pơlei oei jê̆ ih lu sư 'bôh plơ̆ng gô pơm kơ ih mơlâu 'Nâu tuch-luch ih wă pơm liơ.

Tơdrông Pơđơk 17:14

Pơtơm tơhil pơjah noh nhen thoi bơnơ̆ bơ̆ đak pơchah. Thoi noh na jah pơdơh tơhil adrol kơ blĕk rai dêh.

II Ho 35:21

Nêkô wơh bơngai năm khan kơ Jôsia: “Ơ pơtao đe Juđa, inh hăm ih hăm đei tơdrong kiơ? Năr 'nâu inh ưh kơ sĭ năm wă blah ih ôh, mă-lei năm blah lu bơngai ayăt hăm dêh char nhôn. Kră Yang 'Bok Kei-Dei khan kơ inh jah mă tĕnh; lei pơdơh bĕ, 'nĕ pă tơblah hăm Kră Yang 'Bok Kei-Dei, Tơ'ngla mă oei hơdai inh, hli kơnh Sư pơlôch pơrăm ih.”

II Pot 14:7

Amasia pơlôch mơjĭt-rơbâu 'nu linh Eđôm tơ lăm thong 'Boh, blah iŏk pơlei Sêla păng đe krao pơlei noh anăn Jôktheel truh tơ dang ei.

Le 8:9

Môis khan kơ Pharaôn: Apinh ih đei jơhngơ̆m hiôk tơbăt ăn kơ inh layơ ih wă kơ kit weh đơ̆ng ih đơ̆ng hnam ih đơ̆ng đĭch đam hăm đơ̆ng kon pơlei ih, na inh krao khan apinh Kră Yang wă kơplah noh kit lôch đĭ păng oei pă lăm đak krong đĕch.

Habakuk 2:5

Lu bơngai mă hơmui tơdrô, pơm tơdrong hơlĕnh păng ưh kơsŭk oei minh anih, pơih jơhngơ̆m ham sư thoi anih bơsat, thoi tơdrong lôch mă ưh kơ đei phĭ hrăp; sư pơpôi lu dêh char păng pơgơ̆p khŭl kon pơlei sư wă plah tơgar iŏk.”

Lu 9:52

Abimêlek năm truh tơ hnam thôt păng wă blah. Lei lăp sư năm jê̆ 'măng hnam thôt wă soh.

Êsêkiên 28:5

Đơ̆ng tơdrong gơh hơgei mơdro sa noh ih jing mơdrŏng tih thoi noh na jơhngơ̆m ih pơang yua kơ ih mơdrŏng tih.

Da 11:12

Lu linh gah yă-nơ̆m noh tơklah tơklang đĭ, na lăm jơhngơ̆m pơtao gah gơal pơang, Sư khan sư gô pơlôch pơrăm lơ rơbâu hơngan bơngai, mă-lei ưh kơ kĕ jei sư ôh.