II Pot 13:6 - Sơ̆p Hlabơar Nơ̆r 'Bok Kei-Dei

⁶ Mă-lei, lu sư kuă kơ achăng lê̆ ôh tơdrong yoch Jêrôbôam, tơdrong mă pơtao noh hlôi pơm bơih kơ đe Isơrael pơm yoch; lu sư oei hơnơ̆ng kơ pơm yoch đĕch; dĭng mah rup man yang Asêra oei pơdơ̆ng lê̆ dơ'nhơ̆ng lăm pơlei Samari.

II Pot 13:6 Referans Kwoze

I Pot 16:33

Ahap kư̆m man minh pôm rup yang yă Asêra. Ahap pơm lơ tơdrong yoch kơnê̆, pơm tơblĕk Kră Yang 'Bok Kei-Dei đe Isơrael hloh kơ lu pơtao đe Isơrael adrol kơ sư.

II Pot 13:2

Sư pơm tơdrong kơnê̆ 'bơ̆t anăp Kră Yang; sư pơm rok tơdrong yoch Jêrôbôam, kon drŏ-nglo Nêbat, noh tơdrong mă pơm kơ Isơrael pơm yoch; sư ưh kơ achăng lê̆ ôh tơdrong yoch noh.

II Pot 23:4

Na pơtao tơtă kơ Hilkia 'bok soi tơm, wơh lu 'bok soi nai păng wơh lu bơngai wei 'măng Hnam akŭm, athei lu sư chĕp ba đĭ dôm lu tơmam đơ̆ng Hnam Kră Yang lu tơmam mă đe pơm wă soi sơmah kơ yang Baal yang Asêra păng đĭ-đăng tơmam kơkuh kơ yang kơpal anê̆ rơwơ̆ng, sư athei đe soh lê̆ dôm tơmam 'noh tơ jih Pơlei Jêrusalem, lăm thŭng Kidrôn, đơ̆ng noh chĕp ba rơnok tơnuh sư tơ Pơlei Bethel.

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 10:29

Mă-lei, sư ưh kơ achăng lê̆ ôh tơdrong yoch Jêrôbôam, kon drŏ-nglo Nêbat noh bơih mă hlôi pơm kơ lu bơngai Isơrael pơm yoch. Noh kơkuh kơ rup yang rơmo đe pơm hăm maih tơ pơlei Bethel păng tơ Pơlei Đan.

I Pot 16:26

Sư kiơ̆ trong Jêrôbôam, kon drŏ-nglo Nêbat đei pơm, tơdrong sư pơm 'noh pơm ăn kơ lu bơngai Isơrael pơm yoch kiơ̆, tơblĕk Kră Yang 'Bok Kei-Dei đe Isơrael hăm tơdrong kơkuh kơ rup yang.

I Pot 15:3

Sư năm kiơ̆ đĭ trong tơdrong yoch mă 'bă sư đei pơm bơih adrol kơ sư; lăm jơhngơ̆m sư ưh kơ pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei sư, thoi jơhngơ̆m 'bok kơdră sư pơm.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

II Pot 13:11

Sư kư̆m lei-lăi pơm kơnê̆ 'bơ̆t anăp Kră Yang, ưh kơ achăng lê̆ dôm tơdrong yoch Jêrôbôam, kon drŏ-nglo Nêbat hlôi pơm bơih kơ lu bơngai Isơrael pơm yoch, mă-lei sư oei nŏng kơ pơm kiơ̆ tơdrong yoch noh.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

Êsai 26:10

Lu bơngai kơnê̆ pơm mă đơ̆ng Kră Yang mơnat ăn ră, kư̆m ưh kơ wă hŏk iŏk tơdrong 'lơ̆ng tơpăt, lu sư oei pơm tơdrong kơnê̆ lăm teh đak 'lơ̆ng tơpăt, păng ưh kơ 'bôh ôh tơdrong 'lơ̆ng rŏ tih-tin Kră Yang.