II Pot 13:4 - Sơ̆p Hlabơar Nơ̆r 'Bok Kei-Dei

⁴ Jêhôahas krao apinh Kră Yang na Kră Yang mơ̆ng nơ̆r sư; yua kơ Kră Yang 'bôh pơtao đe Aram pơgŏ pơđep kon Pơlei Isơrael dêh.

II Pot 13:4 Referans Kwoze

II Pot 14:26

Yua kơ Kră Yang 'bôh bơih lu bơngai Isơrael đei tơdrong pơmat-tat ơh sơ'ngon dêh, lăm Isơrael mă bơngai rơngei, dah đĭch pă đei bu dŏng tơgŭm.

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Horiso 78:34

Kơplah Kră Yang pơlôch lu sư, lu sư krao apinh Kră Yang. Tơbral chơchă krao apinh Kră Yang 'Bok Kei-Dei.

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Jo 21:7

kon pơlei kơdâu tơkan tơ Môis păng khan: Lu nhôn pơm glăi yoch boih pơma hil plơ̆ kơ Kră Yang păng ih. Krao khan apinh Kră Yang bĕ, wă kơ sư pơm kơ 'bih 'nâu weh tơ nai ataih đơ̆ng lu nhôn. Môis krao khan apinh ăn kơ kon pơlei.

Le 3:9

Nơ̆r krao ôr đơ̆ng kon pơlei Isơrael kơtơ̆ng truh tơ Inh păng Inh 'bôh boih kon pơlei Êyiptơ pơgŏ pơđep lu sư thoi yơ;

Bl 21:17

Kră Yang 'Bok Kei-Dei kơtơ̆ng kon hơ'lơ̆p noh nhơ̆m, na linh jang 'lơ̆ng đơ̆ng plĕnh krao Hagar thoi âu: “Ơ Hagar! Ih đei tơdrong kiơ? 'Nĕ kơ hli, yua kơ Kră Yang 'Bok Kei-Dei kơtơ̆ng boih nơ̆r hơ'lơ̆p ih nhơ̆m tơ anih sư noh.

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

II Ho 33:19

Nơ̆r sư krao apinh Kră Yang 'Bok Kei-Dei đei tơl tơwih ăn kơ sư thoi yơ, dôm lu tơdrong yoch kơnê̆ mă sư đei pơm, lu anih kơjung mă sư đei pơm, man rup yang Asêria păng traih rup yang adrol kơ sư tam mă tơbral tơjur akâu sư, âu đei chih răk đĭ tơ lăm sơ̆p hla bơar Hôsai.

II Pot 13:22

Hasael, pơtao đe Aram pơgŏ pơđep lu đe Isơrael dĭng truh đĭ chăl Jêhôahas pơgơ̆r.

Lu 10:10

'Nâu lu bơngai Isơrael krao apinh Kră Yang, na khan: Lu nhôn đei pơm yoch hăm Ih lu nhôn achăng lê̆ Kră Yang 'Bok Kei-Dei lu nhôn păng kơkuh kơ lu yang Baal.

Bl 31:42

Tơdah Kră Yang 'Bok Kei-Dei 'bă inh, Isăk Kră Yang 'Bok Kei-Dei 'bok inh Abraham, mă hli yom, ưh kơ tơgŭm yŏng inh, băt dang ei ih pơpuh tơbrŏk inh tơ noh. Kră Yang 'Bok Kei-Dei đei 'bôh boih tơdrong jang inh pơmat-tat đơ̆ng ti chă pơjing, lei na măng hei ih 'bôh boih sư sek tơlang tơpăt thoi noh.

Êsai 26:16

Ơ Kră Yang, lu sư chă Ih kơplah lu sư đei tơdrong pơmat-tat, lu sư krao khan apinh Ih mơmơnh kơplah Ih đei phak bơtho lu sư.

II Pot 13:23

Mă-lei Kră Yang mơnat tơgŭm wei-lăng lu sư yua kơ Sư pơkă bơih hăm Abraham, Isăk păng Jakôp. Kră Yang ưh kơ wă pơrăm lu sư, ưh kơ achăng lê̆ lu sư truh tơ dang ei.

Esơra 8:23

Thoi ei, lu bơ̆n athei ơ̆t kơ sŏng sa wă krao khan apinh Sư ăn kơ bơ̆n yak hiôk-hian gô tơl tơwih nơ̆r Kră Yang 'Bok Kei-Dei lu bơ̆n.

Jop 22:27

Ih gô krao apinh Sư, Sư gô mơ̆ng nơ̆r ih, Păng ih gô pơkeh tơdrong ih pơkă.