II Pot 12:3 - Sơ̆p Hlabơar Nơ̆r 'Bok Kei-Dei

³ Mă-lei, sư ưh kơ hŭt lê̆ hnam kơkuh kơ yang pơm tơ anih kơjung, lu kon pơlei oei hơnơ̆ng kơ soi sơmah kơ yang păng soh tơ kơpal anih 'bâu phu kơjung noh.

II Pot 12:3 Referans Kwoze

II Pot 14:4

Mă-lei, sư ưh kơ teng hŭt lê̆ hnam kơkuh kơ yang tơ anih kơjung, kon pơlei oei nŏng kơ soi sơmah păng soh 'long 'bâu phu 'bơ̆t hnam kơkuh kơ yang tơ anih kơjung ei đĕch.

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Pot 15:35

Mă-lei, sư ưh kơ yuih lê̆ hnam kơkuh kơ yang đe pơm tơ anih kơjung, kon pơlei oei nŏng soi sơmah păng soh 'long 'bâu phu tơ noh. Lăm chăl Jôtham pơgơ̆r, sư đei pơm 'măng jang gah kơpơ̆ng Hnam akŭm kơkuh kơ Kră Yang.

I Pot 22:43

Sư năm kiơ̆ trong gơlong Asa, 'bă sư ưh kơ weh trong nai, sư pơm 'lơ̆ng tơpăt 'bơ̆t anăp Kră Yang.

I Pot 15:14

Sư ưh kơ yuih hŭt lê̆ ôh lu anih kơjung đe pơm yang, mă-lei jơhngơ̆m Asa pơm 'lơ̆ng 'bơ̆t anăp Kră Yang truh đĭ chăl arih sư.

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

II Ho 31:4

Sư kư̆m athei lu kon pơlei mă oei lăm pơlei Jêrusalem asong ăn tơmam kơ lu 'bok soi păng bơngai Lêwi, wă kơ lu sư gơh jao lu sư kơdih awih awăn kiơ̆ khôi juăt Kră Yang.

II Pot 12:2

Jôas pơm 'lơ̆ng 'bơ̆t anăp Kră Yang đĭ chăl arih yua kơ 'bok soi Jêhôiada bơtho sư.

II Pot 15:4

Mă-lei sư ưh kơ yuih lê̆ hnam kơkuh kơ rup yang, tơ anih kơjung, na kon pơlei oei soi sơmah păng soh 'long 'bâu phu tơ hnam kơkuh noh đĕch.

I Pot 15:11

Asa pơm 'lơ̆ng tơpăt 'bơ̆t anăp Kră Yang, thoi Đawit 'bok kơdră sư đei pơm.

II Pot 15:3

Sư pơm 'lơ̆ng 'bơ̆t anăp Kră Yang, sư pơm rok kiơ̆ tơdrong Amasia 'bă sư hlôi pơm.

II Pot 18:3

Sư pơm 'lơ̆ng 'bơ̆t anăp Kră Yang thoi Đawit, 'bok kơdră sư sơ̆ hlôi pơm.

II Pot 22:2

Sư pơm 'lơ̆ng 'bơ̆t anăp Kră Yang, năm kiơ̆ tôm tơdrong Đawit, 'bok kơdră sư sơ̆, sư ưh kơ weh gah 'ma dah gah 'ngiĕo ôh.