II Pot 11:18 - Sơ̆p Hlabơar Nơ̆r 'Bok Kei-Dei

¹⁸ Đĭ-đăng kon pơlei lăm dêh char sư năm tơ anih hnam yang Baal, na yuih pơrăm lê̆ đĭ, teh pơchah lê̆ chơnang soi păng pôlôch lê̆ Mathan 'bok soi gah yang Baal 'bơ̆t anăp, Đơ̆ng noh Jêhôiada athei bơngai gak wei Hnam Akŭm kơkuh kơ Kră Yang.

II Pot 11:18 Referans Kwoze

Both 12:3

Lu iĕm athei pơrăm chơnang soi teh pơchah lu rup yang tơmo păng soh lu jrăng Asêrim lu sư lăm ŭnh păng teh pơhĕch lu rup man yang lu sư păng sŭt lê̆ đĭ anăn lu rup yang noh lăm anih noh.

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Pot 10:26

Lu sư yuih lê̆ gơ'bang soi đơ̆ng lăm hnam yang Baal; na soh lê̆.

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

Both 13:5

Athei pơlôch bơngai khan lê̆ adrol dah bơngai juăt apo noh, yua kơ sư pơhlŭ pơtơm iĕm iung blah Kră Yang 'Bok Kei-Dei lu iĕm, Tơ'ngla mă chông ba lu iĕm lĕch đơ̆ng dêh Êyiptơ, dŏng pơklaih lu iĕm đơ̆ng pơm đĭch, bơngai noh kư̆m chă đon wă pơm kơ iĕm achăng lê̆ trong Kră Yang 'Bok Kei-Dei iĕm tơhlâu tơ'bôh ăn kơ iĕm trong wă rok kiơ̆, athei pơlôch lu bơngai pơm kơnê̆ wă tơhiong lê̆ tơdrong yoch đơ̆ng lăm lu iĕm.

Êsai 2:18

Lu rup yang gô hiong đĭ.

II Ho 34:7

Sư teh pơrăm lê̆ lu chơnang soi lu gơ̆ng rup yang Asêria, teh pơchah lê̆ lu gơ̆ng đe pơm yang jơ̆p kơ tơring char Isơrael, na sư wih brŏk tơ pơlei Jêrusalem.

II Ho 34:4

Đe teh pơchah lê̆ đĭ lu chơnang soi kơ lu rup yang Baal 'bơ̆t anăp sư, teh pơchah pơhĕch lu chơnang soh 'long 'bâu phu kơpal chơnang soi noh; lu rup yang Asêria, rup yang đe traih păng rup yang đe hling tuh, teh tơgơ̆ tơpơ̆k lê̆, teh pơhĕch, na iŏk prôi tơ kơpal bơsat lu bơngai lôch mă đêl soi sơn ah kơ sư păng pơm rup yang noh.

II Ho 21:17

Lu sư wang blah iŏk char Juđa, blah iŏk đĭ hloi mŭk tơmam lăm hnam pơtao, rôp ba pơm bơnă đĭ lu kon drŏ-nglo lu akăn sư, oei lê̆ pă minh 'nu kon hơdruch sư Ahasia.

II Pot 23:14

Sư teh pơchah lê̆ lu rup yang pơm păng tơmo, kăl tơpăk lê̆ gơ̆ng rup yang yă Asêra păng tuh pơlŭl lê̆ kơting bơngai tơ noh.

II Pot 23:10

Pơtao kư̆m pơm pơ'mê̆ lê̆ anih Tôphêt lăm Thŭng Ben Hinôm, wă kơ đơ̆ng âu tơ anăp, ưh kơ đei bu gơh soh pơyơ̆r kon drŏ-nglo dah kon drŏ-kăn sư soi sơmah kơ yang Mơlek.

Both 13:9

Mă-lei iĕm athei pơlôch sư hloi. Tơpang ti iĕm kơdih gô pơlôch sư adrol hloh kơ đĭ-đăng, đơ̆ng noh tơpang ti đĭ-đăng lu kon pơlei.

Le 32:20

Môis iŏk rup kon rơmo lu sư pơm soh hloi tơ lăm ŭnh, đơ̆ng noh sư peh pơhĕch jing gơnơ̆k păng iŏk gơnơ̆k noh tuh tơ lăm đak, klaih kơ noh ăn lu kon pơlei Isơrael nhă.

Both 12:2

Pơrăm đĭ lu anih ayơ lu adrĕch adrung, mă lu iĕm gô blah puh lê̆, lu anih kơkuh kơ yang lu sư, tơ kơpal kông kơjung dah tơ kơpal groi dah tơ ala yơ̆p 'long,

II Pot 10:21

Jêhu wơh lu bơngai năm jơ̆p-jang char Isơrael roi tơbăt athei đĭ-đăng đĭch đam mă jang kơ yang Baal khŏm năm truh. Lu sư năm tôm đĭ-đăng ưh kơ đei krŭl minh 'nu bu hloi. Lu sư mơ̆t lăm hnam yang Baal; lu sư mơ̆t 'bĕnh đơ̆ng jih pah âu truh tơ jih pah to, bơngai 'bĕnh kơ hnam dơ'bit.

II Pot 10:27

Teh pơchah lê̆ rup man yang Baal, hăm yuih lê̆ hnam sư, pơm kơ anih noh jing anih chă bơyơ̆ng 'bâu ôm, truh tơ dang ei,

II Pot 23:20

Sư pơlôch lê̆ lu 'bok soi mă jang lăm anih yang pơm kơpal anih kơjung, sư pơlôch kơtă kơpal chơnang soi hloi, soh rŭk lê̆ kơting đe noh. Đơ̆ng noh sư brŏk tơ Pơlei Jêrusalem.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 13:10

Iĕm athei iŏk tơmo klơ̆m pơlôch sư, yua kơ sư chă đon pơhlŭ ih iĕm achăng lê̆ Kră Yang 'Bok Kei-Dei iĕm, Tơ'ngla chông iĕm lĕch đơ̆ng dêh Êyiptơ lĕch hlôi đơ̆ng pơm đĭch.

II Pot 10:25

Lăp lu sư pơyơ̆r tơmam soi 'buh pơkhôi đang bơih, Jêhu khan kơ lu linh gak păng lu yŏng tih linh: “Mơ̆t pơlôch lu sư bĕ, pơlôch pơđĭ, 'nĕ kơ ăn bu gơh lĕch.” Thoi noh na lu sư pơlôch lu đe ei hăm đao gưm, lu bơngai gak păng lu yŏng tih linh klơ̆m lê̆ atâu lu đe ei tơ 'nguaih, na mơ̆t lăm anih hnam yang Baal.