II Pot 11:14 - Sơ̆p Hlabơar Nơ̆r 'Bok Kei-Dei

¹⁴ Yă ei lăng 'bôh pơtao dơ̆ng 'bơ̆t anih kơjung kiơ̆ thoi tơdrong juăt kơ̆m giĕng hmă, đei lu yŏng linh păng đei lu bơngai hlôm tơgiĕp dơ̆ng jê̆ sư păng đĭ-đăng kon pơlei lăm dêh char sư hiôk chơt hlôm tơgiĕp ngăl. Yă Athalia hek hloi ao sư kơdih păng hơdrăi rơ̆n khan: “Blơ̆ blĕch! Blơ̆ blĕch!”

II Pot 11:14 Referans Kwoze

II Ho 34:31

Pơtao dơ̆ng 'bơ̆t anih sư, pơm tơdrong pơgơ̆p dơ̆ng 'bơ̆t anăp Kră Yang, pơkă pơkăm kiơ̆ Kră Yang đĭ jơhngơ̆m klơm klak wei răk nơ̆r tơtă, tơdrong pơkă khan păng khôi juăt, wă pơm kiơ̆ trŏ thoi nơ̆r pơgơ̆p mă đei chih lăm sơ̆p hla bơar âu.

II Pot 23:3

Pơtao dơ̆ng tơ anăp 'bơ̆t anih kơjung pơgơ̆p pơkă dơ̆ng 'bơ̆t anăp Kră Yang, wă năm kiơ̆ Kră Yang, đĭ jơhngơ̆m tơdrong tơchĕng wei răk dôm tơdrong Kră Yang tơtă, dôm khôi juăt Sư, păng pơm pơkeh nơ̆r Kră Yang pơgơ̆p pơkă mă đe đei chih lăm sơ̆p hla bơar 'nâu. Đĭ-đăng kon pơlei, bu bu kư̆m drơ̆ng lăp đon kơ nơ̆r pơgơ̆p pơkă noh ngăl.

II Pot 9:23

Jôram gơwĕch gre aseh sư kơdâu weh ôn păng roi kơ Ahasia băt: “Đe chă đon wă blah bơ̆n.”

Luka 19:37

Kơplah lu sư jur đơ̆ng kông Ôliwơ, na đei lơlap lơlang lu bơngai lui lu sư chhôk na pơma re 'bơ̆r wă ư-ang kơ 'Bok Kei-Dei, yua kơ lu sư băt Yêsu Kon 'Bok Kei-Dei gơh pơm lơ tơdrong mơsêh mơyang tơpă. Na lu sư khan:

Tơdrông Pơđơk 29:2

Mưh bơngai tơpăt rai lơ, kon pơlei đei chơt hiôk; Mă-lei dah đei bơngai kơnê̆ pơgơ̆r, kon pơlei đei ôr krao.

I Ho 12:40

Na lu 'nhŏng oh đơ̆ng ataih truh, đơ̆ng teh đak Isakar, Sabulôn păng Neptali lu sư chơ tơmam sa păng aseh iĕ, lăk-đa, aseh lai păng rơmo, lu sư ba lơ tơpŭng 'bĕng mi, 'bĕng pơlei hơra, hơmu kro, sik, đak rơmă, hăm dui ba rơmo păng triu lơlap lơlang, yua kơ đei tơdrong chơt hiôk lăm dêh char Isơrael.

Bl 44:13

Đĭ-đăng kơ lu sư hek ao kơdih kơdih. Hơtŏk 'bi 'ba tơ rŏng aseh, năm hơlơ̆k brŏk tơ pơlei Jôsep.

Bl 37:29

Rubên hơlơ̆k dơ̆ng tơ sơlŭng đak lăng jua ưh pă 'bôh boih sư hek lê̆ ao sư kơdih.

II Pot 11:15

'Bok soi Jêhôiada athei lu yŏng khŭl linh: “Dui tơlĕch yă âu đơ̆ng lăm linh noh bĕ dah bu kiơ̆ sư, bơ̆n athei pơlôch hăm đao gưm.” Yua kơ 'bok soi khan bơih: “'Nĕ kơ pơlôch sư lăm Hnam akŭm kơkuh kơ Kră Yang.”

I Pot 1:25

Năr 'nâu sư jur năm pơyơ̆r tơmam soi rôp rơmo tơno, kon rơmo dăm bek păng triu lơ dêh, na sư kư̆m đei krao wơ̆n đĭ-đăng kon drŏ-nglo pơtao, Jôap yŏng linh, 'bok soi Abiathar; lu sư oei et sa 'bơ̆t anăp Adonija păng jreo ôr 'bơ̆r re khan: ‘Adonija pơtao arih sot!’

II Pot 9:13

Lu sư wang hăt hot iŏk hơbĕn ao kơdih lơ̆k tơ ala jơ̆ng Jêhu lơ̆k rok lu kơnao kung. Đơ̆ng noh lu sư hlôm tơgiĕp păng ôr re khan: “Jêhu pơm pơtao!”