II Pot 11:11 - Sơ̆p Hlabơar Nơ̆r 'Bok Kei-Dei

¹¹ Lu linh mă kiơ̆ wei pơtao noh, rim 'nu lu sư chĕp tơmam tơblah kơdih kơdih, lu sư pơrĕng tăp dăr wă wei pơtao, iŏk đơ̆ng gah gơal truh tơ yă-nơ̆m kơ Hnam akŭm ei tăp dăr kơ chơnang soi păng hnam akŭm.

II Pot 11:11 Referans Kwoze

Luka 11:51

đơ̆ng Kain pơlôch Abel truh lu 'bok iĕm pơlôch Sachari tơ hnam 'Bok Kei-Dei tơm, yua kơ dôm lu bơngai mă 'bok iĕm pơlôch noh 'Bok Kei-Dei kư̆m wă phak iĕm hơgop hăm lu sư mơ̆n.

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Êsêkiên 8:16

Na, Kră Yang Sư ba inh mơ̆t tơ cham hnam Kră Yang; păng tơ noh trong mơ̆t tơ hnam kơkuh kơ Kră Yang, tŏk-bŏk kơdeng 'măng păng chơnang soi, inh 'bôh đei dang 'bar-jĭt pơđăm 'nu bơngai drŏ-nglo, rŏng tơwih kơ hnam Kră Yang păng muh măt lu sư tơwih gah hơlĕch, drap kơkuh kơ măt 'năr đơ̆ng hơlĕch.

II Ho 6:12

Sôlômôn oei dơ̆ng 'bơ̆t anăp chơnang soi Kră Yang, anăp kon pơlei oei akŭm, sư yơ̆r ti.

II Pot 11:10

'Bok soi ei ăn kơ lu yŏng linh dôm lu đao hơlă păng khêl Đawit sơ̆, đơ̆ng lăm Hnam akŭm kơkuh kơ Kră Yang.

II Pot 11:8

Lu iĕm gô wei tăp dăr kơ pơtao, rim 'nu iĕm athei chĕp khêl đao; bu mah mơ̆t lăm iĕm athei pơlôch sư hloi. “Mưh pơtao lĕch, mơ̆t, iĕm athei kiơ̆ sư.”

Le 40:6

Dan chơnang soi 'buh noh 'bơ̆t anăp 'măng wă mơ̆t tơ Bơsŭn Anih Akŭm;

II Pot 11:12

Jêhôiada chông hloi kon tơdăm pơtao noh lĕch, pơyơ̆l ăn kơ sư môk pơtao, păng ăn kơ sư sơ̆p hla bơar tơdrong juăt. Thoi noh đe pôk sư pơm pơtao, tuh đak 'bâu phu kơpal kơ̆l sư, păng đĭ-đăng lu đe ei tap ti ôr jreo, khan: “Pơtao arih ling-lang khŏm khŏm.”