II Pot 10:8 - Sơ̆p Hlabơar Nơ̆r 'Bok Kei-Dei

⁸ Đei bơngai đe wơh năm truh tơ ei roi ăn kơ sư khan: “Đe chĕp ba kơ̆l lu kon drŏ-nglo pơtao noh tơ âu bơih.” Jêhu tơl: “Iĕm dan 'bơ̆t 'măng dur pơlei, dan pơm 'bar pôi, lê̆ 'bơ̆t dei dĭng truh pơgê dơning.”

II Pot 10:8 Referans Kwoze

Markôs 6:28

chĕp ba kơ̆l Yôhan ei kơpal pơnhan chhĕr na ăn kơ adruh ei. Adruh ei iŏk năm ăn kơ mĕ sư.

I Pot 21:14

Na lu sư wơh đe năm roi kơ Jêsebel khan: “Đe klơ̆m bơih Nabôt păng tơmo sư lôch bơih.”

Both 21:23

atâu sư 'nĕ kơ lê̆ kơpal gơ̆ng 'long noh truh minh măng, athei 'bŭ lăm năr noh hloi, yua bơngai đe hrek atol noh Kră Yang 'Bok Kei-Dei hiap pơtê̆ boih, na iĕm 'nĕ kơ pơm 'mê̆-'mach kơ teh đak iĕm mă Kră Yang 'Bok Kei-Dei ăn kơ iĕm jang sa.

II Pot 10:7

Lu đe ei đei iŏk kơthơ noh, na rôp hĭ tơpơh-jĭt 'nu kon drŏ-nglo pơtao, pơlôch đĭ, đơ̆ng noh tah lê̆ kơ̆l lu sư lăm bai, ba truh tơ Jêhu tơ Pơlei Jêsreel.

II Pot 10:9

Pơgê đơ̆ng rŏng, sư lĕch, dơ̆ng 'bơ̆t anăp đĭ-đăng kon pơlei, na khan: “Lu iĕm ưh kơ 'bơm, ưh kơ pơm yoch ôh. Inh 'nâu bơngai mă pơm plơ̆ kơ yŏng tơ'ngla ĭnh păng pơlôch sư, mă-lei bĭ lu bơngai 'nâu, bu pơlôch lu sư?