II Pot 10:5 - Sơ̆p Hlabơar Nơ̆r 'Bok Kei-Dei

⁵ Kuan wei hnam pơtao păng lu kuan wei pơlei păng lu kră pơlei, păng bơngai bơtho wei-lăng kon drŏ-nglo Ahap, pơtruh nơ̆r roi kơ Jêhu khan: “Lu nhôn jơ̆ đĭch đam ih; lu nhôn gô pơm tôm tơdrong ih athei nhôn pơm, lu nhôn ưh kơ wă chă rơih bu pơm pơtao ôh, ih pơm bĕ tơdrong kiơ, kiơ̆ kơ ih tơchĕng khan lăp trŏ.”

II Pot 10:5 Referans Kwoze

I Pot 20:32

Thoi noh lu sư tơ̆n 'bi tơ kơiĕng păng pơ̆n tơlei tơ kơ̆l lu sư lĕch yơ̆r ti chu thuơ kơ pơtao Isơrael păng khan: “Ben Hadat đĭch đam ih khan: ‘Apinh ih ăn kơ inh arih.’ ” Ahap jet: “Sư oei arih hă? Sư 'noh 'nhŏng oh inh.”

I Pot 20:4

Pơtao Isơrael tơl: “Ơ yŏng pơtao inh, kiơ̆ thoi nơ̆r ih khan, inh păng dôm tơmam inh đei 'noh tơmam ih ngăl.”

Jôsuê 9:11

Lu kră pơlei nhôn hăm đĭ-đăng lu kon pơlei mă oei lăm char nhôn khan kơ lu nhôn. Iŏk hơmet ba bĕ tơmam sa yak kơ trong, năm tơ'bơ̆p lu sư păng khan: Lu nhôn jing đĭch đam iĕm, dang ei bĕ bơ̆n pơm tơdrong pơgơ̆p băl.

II Pot 18:14

Hesekia, pơtao đe Juđa wơh bơngai năm tơ pơlei Lakis, roi ăn kơ pơtao đe Asiri khan: “Inh yoch glăi bơih. Apinh ih weh đơ̆ng dêh char inh; mưh ih wă kơ inh pơm kiơ, inh gô chu pơm.” Pơtao đe Asiri athei Hesekia pơtao đe Juđa ăn kơ sư pêng-hrĕng talâng jên hu păng pêng-jĭt talâng maih.

Jôsuê 9:8

Mă-lei lu sư khan kơ Jôsuê: “Lu nhôn đĭch đam ih,” Jôsuê jet, “Lu iĕm bu? Đơ̆ng yơ?”

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Je 27:17

'Nĕ pă mơ̆ng lu đe noh, chu jang bĕ kơ pơtao Babilôn wă kơ iĕm gơh arih. Liơ pơlei tih âu pơchah răm?

Jo 11:12

Hăm trŏ kơ inh anăp tơpŭ lu sư ưh? Na mă Ih khan kơ inh: Pŭ krôp kon pơlei wei kon pơla âu lăm jơhngơ̆m ih bĕ, thoi bơngai 'bă mă pôk kon hơ'lơ̆p sư oei mŏm, dĭng mă truh tơ dêh char mă Ih đei pơkă wă ăn kơ lu 'bok yă lu sư.

II Pot 10:6

Jêhu chih kơthơ wơ̆t mă 'bar khan: “Dah iĕm mơ̆t gah ĭnh păng 'maih wă chu kiơ̆ mơ̆ng ĭnh athei, lei iĕm athei chơ̆ng kơ̆l lu kon drŏ-nglo yŏng tơ'ngla iĕm; đơ̆ng noh năr dơning, kư̆m kơplah jơ 'nâu mơ̆n, iĕm athei chĕp ba kơ̆l noh năm tơ ĭnh tơ Pơlei Jêsreel.” Thoi noh, lu kon drŏ-nglo pơtao, đĭ-đăng tơpơh-jĭt 'nu oei tơ lăm hnam lu bơngai yŏng mơng lăm pơlei tih ei ngăl, đe bơtho, 'me rong lu sư.