II Pot 1:6 - Sơ̆p Hlabơar Nơ̆r 'Bok Kei-Dei

⁶ Lu sư tơl: “Đei minh 'nu bơngai tơ'bơ̆p nhôn păng khan kơ nhôn: ‘Iĕm brŏk bĕ tơ pơtao mă wơh iĕm 'noh păng iĕm roi kơ sư khan: Kră Yang khan bơih thoi âu: ‘Lăm lu bơngai Isơrael ưh kơ đei Kră Yang 'Bok Kei-Dei hă na ih wơh athei năm jet yang Baal Sêhup, yang pơlei Ekrôn 'noh? Yua kơ noh, ih ưh kơ đei iung đơ̆ng giơng ih 'bĭch noh ôh, sĭt ih gô lôch?!”

II Pot 1:6 Referans Kwoze

Horiso 16:4

Tơdrong ơh sơ'ngon lu bơngai pơyơ̆r kiơ̆ yang nai gô rai dêh. Inh ưh kơ pơyơ̆r ôh, pham tơmam soi kơ lu sư.

I Pot 18:7

Kơplah Ôbadia oei năm rok trong Êli tơ'bơ̆p sư. Ôbadia kơnăl kơ sư na drap tơ teh păng jet: “Hăm trŏ kơ ih Êli yŏng inh ưh?”

II Pot 1:5

Lu bơngai mă pơtao wơh noh wơ̆t brŏk tơ sư dơ̆ng, na pơtao jet lu sư: “Yua kơ kiơ iĕm wơ̆t brŏk?”

II Pot 1:7

Pơtao jet hloi lu sư: “Bơngai mă năm tơ'bơ̆p lu iĕm păng roi kơ iĕm tơdrong noh sư bơngai thoi yơ?”