II Pot 1:2 - Sơ̆p Hlabơar Nơ̆r 'Bok Kei-Dei

² Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

II Pot 1:2 Referans Kwoze

II Pot 1:16

Sư khan kơ pơtao: “Kră Yang khan thoi âu: Ih wơh bơngai năm jet apinh yang Baal Sêhup, yang Pơlei Ekrôn, lăm Isơrael ưh kơ đei Kră Yang 'Bok Kei-Dei mă ih wă jet apinh nơ̆r Sư bơih hă? Yua kơ noh bơih na ih ưh kơ đei iung đơ̆ng giơng ih 'bĭch noh ôh, sĭt ih gô lôch.”

Markôs 3:22

Lu 'bok thây bơtho khôi juăt bơngai Juđê mă jur đơ̆ng Pơlei Jêrusalem lu sư khan: “Yŏng pơgơ̆r lu yang kơnê̆, măt sư Belsêbul, mơ̆t lăm akâu Yêsu boih.” Lu mơ'nah dơ̆ng khan: “Yŏng pơgơ̆r lu yang kơnê̆ tơgŭm Sư na Sư gơh pơpuh lu yang kơnê̆ nai.”

Mathiơ 10:25

Dôm tơdrong đe pơm kơ 'bok thây, bơngai pơhrăm athei chu đe pơm kơ sư mơ̆n; dôm tơdrong đe pơm kơ yŏng sư, đĭch sư kư̆m athei chu mơ̆n. Dah đe mah jô̆ kơ Inh yang Belsêbul khŭl yang kơnê̆, đe jô̆ kơ iĕm kang loi.

Êsai 37:19

Klơ̆m lê̆ rup yang lăm ŭnh. Noh ưh kơ yang tơpă ôh, noh đơ̆ng ti kon bơngai pơm păng 'long păng tơmo, na lu sư gơh pơrăm lu yang noh.

Luka 11:15

Mă-lei đei mơ'nah tơkhan dih băl: “Yua kơ yŏng pơgơ̆r yang kơnê̆, anăn sư Belsêbul, tơgŭm, na Sư gơh pơpuh lu yang kơnê̆ nai.”

Êsai 37:12

Lu yang, lu teh đak mă 'bok yă inh đei pơrăm lê̆ đĭ bơih, lu yang char Gôsan, pơlei Haran, Rêsep păng lu kon pơlei Êđen oei tơ pơlei Têl Asar hăm gơh pơklaih lu sư ưh?

II Pot 1:6

Lu sư tơl: “Đei minh 'nu bơngai tơ'bơ̆p nhôn păng khan kơ nhôn: ‘Iĕm brŏk bĕ tơ pơtao mă wơh iĕm 'noh păng iĕm roi kơ sư khan: Kră Yang khan bơih thoi âu: ‘Lăm lu bơngai Isơrael ưh kơ đei Kră Yang 'Bok Kei-Dei hă na ih wơh athei năm jet yang Baal Sêhup, yang pơlei Ekrôn 'noh? Yua kơ noh, ih ưh kơ đei iung đơ̆ng giơng ih 'bĭch noh ôh, sĭt ih gô lôch?!”

II Pot 1:3

Mă-lei linh jang 'lơ̆ng Kră Yang khan kơ Êli bơngai Tisbit thoi âu: “Iung bĕ năm tơ'bơ̆p lu bơngai mă 'bok pơtao đe Samari wơh păng khan kơ lu sư: ‘Lăm Isơrael ưh kơ đei Kră Yang 'Bok Kei-Dei hă na iĕm năm jet apinh yang Baal Sêhup, yang Pơlei Ekrôn noh?’

I Pot 11:33

Inh pơm thoi noh yua kơ sư achăng lê̆ Inh năm kơkuh kơ Astoret yang drŏ-kăn lu bơngai Siđôn, Kêmôs yang lu bơngai Môap, Milkôm yang lu bơngai Ammôn, sư ưh pă năm kiơ̆ trong Inh, ưh pă pơm 'lơ̆ng 'bơ̆t anăp Inh, păng kư̆m ưh kơ wă răk tơdrong juăt Inh păng nơ̆r Inh tơtă thoi Đawit, 'bă sư đei pơm.

Jang 20:9

Lăm nhôn akŭm ei đei minh 'nu bơngai tơdăm, anăn sư Ơtik, sư tơoei 'bơ̆t 'măng-'mŏk. Hơtai Pôl oei bơtho khŏm khŏm na bơngai tơdăm ei sư pă kĕ kral boih na sư kơkôi khŏm khŏm jing tep hiơt hloi tơpă. Na sư huŏng đơ̆ng hnam ei tơ teh, đơ̆ng hnam anih pêng tơ̆ng tơ kơpal ti. Lu bơngai ei thar jur tơiung hloi sư ră, mă-lei sư lôch hloi boih.

Hơri Hiôk 2:9

Bơngai mă inh hơyuh nhen thoi kơtŏng. Dah thoi juei dăm. To sư dơ̆ng tơ rŏng tơnăr hnam nhôn. Sư tơmang đơ̆ng 'măng-'mŏk, Sư gŏk lăng đơ̆ng 'măng hơdrao.

Jop 31:3

Hăm trŏ lu bơngai pơm kơnê̆ tơ'bơ̆p tơdrong gleh truh? Lu bơngai pơm kơnê̆ đei pơmat-tat?

I Pot 22:34

Mă-lei đei minh 'nu linh lăm lu sư gŭt hră dan 'brơ̆m, na hră sư phanh tă tơ 'bơm hloi pơtao đe Isơrael, 'bơm 'bơ̆t pơtrơp ao mam klĕch tơ kơtơh sư hloi. Pơtao khan kơ bơngai mă chĕp gre aseh sư: “Dui gre aseh wih tơ rŏng ba inh weh đơ̆ng anih tơblah 'nâu, yua kơ inh 'bơm 'brơ̆m bơih.”

I Pot 14:3

Ih chĕp ba mơjĭt tŏ 'bĕng mi dôm tŏ 'bĕng 'ngam păng chĕp ba minh pôm get đak sut, na ih năm tơ noh tơ'bơ̆p sư. Sư roi ăn kơ ih gô đei tơdrong kiơ truh kơ kon ba.”

I Sam 5:10

Na, lu sư wơh đe tung ba Hom Pơgơ̆p Kră Yang 'Bok Kei-Dei tơ pơlei Ekrôn, wă Hom Pơgơ̆p noh truh tơ pơlei Ekrôn kon pơlei Ekrôn ôr krao: Đe tung ba Hom Pơgơ̆p Kră Yang 'Bok Kei-Dei đe Isơrael truh tơ bơ̆n wă pơlôch bơ̆n păng kon pơlei pơla lu bơ̆n!

Lu 11:24

Hăm trŏ kơ ih đei iŏk kiơ mă đơ̆ng Kêmôs yang ih ăn kơ ih? Kŭm thoi, lu nhôn kư̆m iŏk wei đĭ-đăng char mă đơ̆ng Kră Yang 'Bok Kei-Dei nhôn ăn kơ nhôn.

Lu 5:28

Mĕ Sisêra ngôi 'bơ̆t 'măng-'mŏk chang lăng, yă ei lăng 'bơ̆t che đe pĕng 'măng-'mŏk ei ưh kơ 'bôh, na khan: Yua kơ kiơ gre aseh kon inh hiơ̆ kơ jah brŏk? Yua kơ kiơ ưh đei kơtơ̆ng re jơ̆ng gre aseh kon inh.

Êsai 2:6

Tơpă, Kră Yang đĭ achăng tŭk kon pơlei Kră Yang noh adrĕch Jakôp, yua kơ lu sư kiơ̆ tơdrong juăt teh đak gah hơlĕch, păng pơm pơjâu thoi lu bơngai Philistin, lu sư pơgơ̆p hăm lu bơngai tơmoi.

Jôsuê 15:11

Hơdral sư kiơ̆ rok tơter kông gah yă-nơ̆m kơ Ekrôn, rok dăr truh tơ gah Sikêrôn, 'moi rok Kông Baala, truh tơ Japnêl, tôch tơ đak dơsĭ.

I Pot 22:40

Thoi noh Ahap lôch năm oei hơdai lu 'bok kơdră sư; Ahasia kon drŏ-nglo sư pơgơ̆r pơtrơp sư.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.