II Pot 1:16 - Sơ̆p Hlabơar Nơ̆r 'Bok Kei-Dei

¹⁶ Sư khan kơ pơtao: “Kră Yang khan thoi âu: Ih wơh bơngai năm jet apinh yang Baal Sêhup, yang Pơlei Ekrôn, lăm Isơrael ưh kơ đei Kră Yang 'Bok Kei-Dei mă ih wă jet apinh nơ̆r Sư bơih hă? Yua kơ noh bơih na ih ưh kơ đei iung đơ̆ng giơng ih 'bĭch noh ôh, sĭt ih gô lôch.”

II Pot 1:16 Referans Kwoze

Horiso 132:3

“Inh ưh kơ mơ̆t tơ lăm hnam inh, Kŭm ưh kơ tŏk tơ giơng tep.

II Pot 5:21

Thoi noh, Gêhasi druh 'moi Naaman! Naaman hue lăng tơ rŏng 'bôh đei bơngai druh 'moi sư, na sư jur đơ̆ng gre aseh, năm tơkan sơng bơngai 'noh păng jet “tôm tơdrong oei hiôk-hian mơ̆n ưh?”

I Pot 22:28

Mikai tơl: “Tơdah ih brŏk hiôk-hian lei Kră Yang ưh kơ yua nơ̆r inh pơma ôh.” Sư khan dơ̆ng: “Ơ rim 'nu kon pơlei pơla, iĕm athei 'blŏk nơ̆r inh pơma.”

II Pot 1:6

Lu sư tơl: “Đei minh 'nu bơngai tơ'bơ̆p nhôn păng khan kơ nhôn: ‘Iĕm brŏk bĕ tơ pơtao mă wơh iĕm 'noh păng iĕm roi kơ sư khan: Kră Yang khan bơih thoi âu: ‘Lăm lu bơngai Isơrael ưh kơ đei Kră Yang 'Bok Kei-Dei hă na ih wơh athei năm jet yang Baal Sêhup, yang pơlei Ekrôn 'noh? Yua kơ noh, ih ưh kơ đei iung đơ̆ng giơng ih 'bĭch noh ôh, sĭt ih gô lôch?!”

Êsêkiên 14:4

Na ih athei khan tơbăt kơ lu sư: ‘'Nâu nơ̆r Kră Yang Tih Hloh khan: “Bơngai bu lăm adrĕch Isơrael 'măn rup yang lăm jơhngơ̆m sư, păng dan tơdrong yoch wă pơm kơ kơtơih pơ̆k 'bơ̆t anăp muh măt lu sư, na năm tơ'bơ̆p bơngai khan lê̆ adrol, Inh boih Kră Yang gô tơl tơwih kơ lu sư trŏ thoi lơ rup yang lu sư.

II Pot 8:8

“Pơtao athei Hasael: Chĕp ba minh pôm tơmam pơyơ̆r năm sơng Êlisê bơngai Kră Yang 'Bok Kei-Dei yua, gơnang kơ sư krao apinh jet Kră Yang: “Ĭnh hăm wă kĕ klaih đơ̆ng jĭ dah ưh?”

II Pot 8:10

Êlisê tơl: “Ih brŏk roi ăn kơ sư bĕ: Ơ pơtao sĭt ih gô klaih đơ̆ng jĭ, mă khan thoi ei Kră Yang 'Bok Kei-Dei tơbăt ăn kơ ĭnh sư noh gô lôch.”

II Pot 20:1

Lăm kơplah chăl noh, Hesekia jĭ dêh wă jê̆ lôch. Êsai bơngai khan lê̆ adrol kon drŏ-nglo Amôt năm ngôi lăng Hesekia păng khan: “Kră Yang khan thoi âu: Ih hơmet bĕ tơdrong jang hnam ih, yua kơ ih gô lôch, ih ưh kơ klaih đơ̆ng tơdrong jĭ 'nâu ôh.”

Tơdrông Pơđơk 11:19

Bơngai bu đei jơhngơ̆m arih sa 'lơ̆ng tơpăt gô đei arih; Mă-lei gah lu bơngai kư̆ kă chă tơdrong kơnê̆ gô lôch.