II Pet 3:9 - Sơ̆p Hlabơar Nơ̆r 'Bok Kei-Dei

⁹ Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.

II Pet 3:9 Referans Kwoze

I Tim 2:4

Păng Sư wă kơ đĭ-đăng bơngai gơh klaih đơ̆ng pơm yoch păng wă kơ lu sư băt tơdrong 'Bok Kei-Dei:

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Tơdrông Tơ'bôh 2:21

Inh khan kơ sư boih, athei tơbral kơdih tơdrong yoch, mă-lei sư ưh kơ chu tơbral.

II Pet 3:15

Iĕm 'nĕ pơma kơ tơdrong Sư ưh kơ dah jur, yua kơ Sư mơnat kơ kon tơring tơrang lu tam mă lui, wă kơ lu sư lui thoi iĕm 'mơ̆i, na 'Bok Kei-Dei pơklaih tơdrong yoch lu sư, thoi Sư pơklaih iĕm boih. Pôl, 'nhŏng oh bơ̆n mă bơ̆n 'mêm, 'Bok Kei-Dei ăn kơ sư hơgei gah tơdrong bơtho, sư chih roi kơ iĕm kư̆m lei-lăi thoi noh mơ̆n.

I Tim 1:16

Mă-lei 'Bok Kei-Dei oei mơnat kơ inh na pơklaih inh yua kơ Kră Yang Yêsu Krist wă tơbăt kơ kon bơngai Sư mơnat tơpă kơ inh mă pơm yoch lơ hloh kơ đĭ-đăng bơngai nai. Na lu bơngai nai gô 'bôh tơdrong Sư mơnat kơ inh, sư băt 'Bok Kei-Dei mơnat tơpă kơ đĭ-đăng bơngai, na lu sư gô lui kơ Kră Yang Yêsu Krist hăm arih ling-lang.

Hêbrơ 10:37

Yua kơ 'Bok Kei-Dei khan boih kiơ̆ kơ đe chih lăm sơ̆p hla bơar Sư khan sơ̆ thoi âu: “Ưh pă đunh boih tơ'ngla mă wă jur, Sư gô jur tơpă.

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Rom 9:22

Na 'Bok Kei-Dei Sư kư̆m pơm gô mơ̆ng kơ Sư wă. Tơ̆ng kiơ̆ kơ Sư ơh, athei phak lu bơngai kơnê̆ dang ei trŏ, wă kơ kon bơngai jơ̆p kơ teh đak ư-ang kơ Sư Yang mơsêh pran kơtang. Mă-lei dang ei 'Bok Kei-Dei oei ĕnh kơ tơdrong phak noh.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Le 18:23

Tơdah ih pơm thoi noh păng Kră Yang 'Bok Kei-Dei kư̆m ăn thoi noh mơ̆n, ih gô kĕ pơm keh đang đĭ dôm tơdrong jang păng đĭ-đăng kon pơlei kư̆m đei jơhngơ̆m hiôk hơđơ̆ng wih brŏk tơ hnam.

I Pet 3:20

Lu bơngai noh sơ̆ lu sư ưh kơ chu lui kơ 'Bok Kei-Dei kơplah Nôê oei pơm duk sơ̆. 'Bok Kei-Dei chang gô lu sư lui ră, mă-lei lu sư kuă kơ lui. Lăp tơhngam 'nu đĕch lui kơ 'Bok Kei-Dei, lu sư mơ̆t lăm duk na huay kơ lôch kơ đak lơ̆p.

Le 32:32

Mă-lei, dang ei apinh Ih mơnat ăn tơdrong yoch lu sư. Dah ưh, apinh sŭt lê̆ bĕ anăn inh đơ̆ng lăm sơ̆p hla bơar Ih đei chih bơih noh;

Le 33:11

Kră Yang juăt pơma dơnuh hăm Môis tơm măt thoi noh nhen thoi minh 'nu bơngai pơma dơnuh hăm buăl juăt sư. Đơ̆ng noh Môis wơ̆t brŏk tơ anih kon pơlei, mă-lei Jôsuê bơngai tơdăm tơgŭm sư kon drŏ-nglo Nun, ưh kơ đei lĕch đơ̆ng bơsŭn krao apinh noh ôh.

Horiso 77:8

Tơdrong mơnat Sư ưh pă đei boih hă Nơ̆r Sư pơkă wă jor hlŏng hloi boih hă?

Bôk Bơthô 8:11

Yua kơ lu bơngai mă pơm kơnê̆ ră, đe ưh kơ đei phak hloi, lei na jơhngơ̆m kon bơngai oei 'maih pơm kơnê̆ dêh.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Da 4:29

Hlôi kơ mơjĭt-'bar khei, kơplah pơtao yak nơnăm rok cham hnam pơtao Babilôn.

Rom 13:11

Dôm tơdrong inh bơtho iĕm âu, bơ̆n athei răk pơm kiơ̆ tơpă, yua kơ Kră Yang Yêsu Krist wă jê̆ jur boih; tơdrong noh iĕm kư̆m băt mơ̆n. Tơm hmơm bơ̆n lui sơ̆, năr Yêsu Krist jur oei đunh 'biơ̆; mă dang ei ưh pă đunh boih. Na bơ̆n athei adrin kral ling-lang 'nĕ pă nŏng kơ tep.

Rom 13:12

Dang ei oei măng mu, ưh pă đunh 'năr gô lĕch. Yua kơ thoi noh na bơ̆n 'nĕ pă oei tơ lăm măng mu, bơ̆n athei oei tơ hơdah ling-lang wă kơ gơh tơblah păng yang kơnê̆.

II Pet 1:4

Yua kơ Sư Yang, Sư mơsêh, Sư 'lơ̆ng tơpăt, Sư pơkă wă tơgŭm bơ̆n tih tơpă. Na Sư pơklaih bơ̆n đơ̆ng dôm tơdrong kơnê̆ 'mê̆-'mach tơ ala teh âu, tơdrong mă kon bơngai 'maih pơm, wă kơ bơ̆n jing kon Sư kư̆m 'lơ̆ng tơpăt thoi Sư.