II Pet 3:7 - Sơ̆p Hlabơar Nơ̆r 'Bok Kei-Dei

⁷ Mă dang ei Sư kư̆m pơkă khan wă pơrăm plĕnh pơrăm teh đak wă soh păng ŭnh. Truh năr Sư sek tơlang ning-mônh Sư pơrăm tơpă mơ̆n păng phak dôm lu bơngai mă ưh kơ lui kơ Sư lăm noh.

II Pet 3:7 Referans Kwoze

II Pet 3:10

Gah tơdrong Kră Yang Yêsu Krist wă jur, Sư wă jur tơpă, mă Sư wă jur thoi bơngai tơtông ưh kơ ăn đe băt. Kơplah noh kơnh plĕnh gô đôh hiong đĭ minh 'măng, re jơwa dêh, pă băt dang yơ. Ŭnh gô sa kơngla kơdơ̆r jơ̆p teh, teh jing hiong pă 'bôh kiơ. Lu sơnglŏng, khei păng đĭ dôm tơmam ala teh kư̆m lek hiong lei-lăi.

Êsai 51:6

Ngơk lăng bĕ tơ kơpal plĕnh păng kŭp lăng bĕ tơ ala teh; lu plĕnh đông hiong thoi 'nhui ŭnh, teh gô so hiah nhen thoi ao, lu kon pơlei oei arih kơpal teh gô lôch thoi roi, mă-lei tơdrong dŏng pơklaih Inh oei ling-lang. Tơdrong 'lơ̆ng tơpăt Inh ưh kơ đei layơ hiong tôch ôh.

II Pet 3:12

kơplah bơ̆n oei chang gô Sư wă pơrăm jơ̆p teh đak ei. Bơ̆n athei kiơ̆ tơdrong Sư mă tơpă, na tơdrong ei dah truh. Năr ei boih, năr 'Bok Kei-Dei wă pơrăm tih ăn ŭnh sa kơngla kơdơ̆r, plĕnh gô lek hiong đĭ, lu sơnglŏng, khei kư̆m hiong hiach pă 'bôh kiơ.

Tơdrông Tơ'bôh 21:1

Đơ̆ng noh inh đei 'bôh plĕnh păng teh 'nao, yua kơ plĕnh păng teh adrol sơ̆ tôch boih. Mă đak dơsĭ kư̆m pă đei boih.

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Mathiơ 12:36

Inh khan kơ iĕm tơpă, na mưh truh năr 'Bok Kei-Dei sek tơlang ning-mônh, Sư roi tôm dôm tơdrong 'bơ̆r iĕm pơma kơnê̆.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

I Tim 6:9

Lu bơngai wă chă mơdrŏng, yang Satan gô pơhlŭ sư, na sư 'maih chă tơdrong âu, tơdrong to, tơdrong kư̆ kă, tơdrong ưh kơ 'lơ̆ng kơ sư, na sư gô đei răm 'Bok Kei-Dei phak.

Philip 1:28

Păng iĕm 'nĕ kơ hli kơ lu bơngai ayăt kơ iĕm. Lu bơngai ayăt băt kơ iĕm ưh kơ hli kơ lu sư, na lu sư băt kơdih bơngai 'Bok Kei-Dei wă phak, băt kơ iĕm bơngai 'Bok Kei-Dei huay kơ hil.

I Yo 4:17

'Bok Kei-Dei wă kơ bơ̆n 'mêm kơ Sư tơpă wă kơ bơ̆n huay kơ hli kơplah năr Sư wă sek tơlang ning-mônh. Bơ̆n ưh kơ hli kơlih kơ bơ̆n oei arih tơ ala teh âu dang ei kư̆m lei-lăi thoi Yêsu arih mơ̆n.

II Tes 2:3

Bơngai ei sư khan năr tôch wă jê̆ truh boih sơmă iĕm 'nĕ kơ lui kơ sư hŏ. Kơlih kơ ning-mônh gô đei lơ bơngai akŭm wă pơtơm blah 'Bok Kei-Dei păng gô đei minh 'nu bơngai kơnê̆ tơpă tơ ala teh âu. 'Bok Kei-Dei wă phak sư tơpă ning-mônh. Mă tơpă, hơdrol kơ bơngai kơnê̆ ei truh, năr tôch ưh tam mă truh tơpă ôh.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Markôs 6:11

Dah anih tơ yơ yơ ưh kơ sơng iŏk iĕm păng ưh kơ mơ̆ng nơ̆r iĕm bơtho, thoi noh na lăp iĕm brŏk đơ̆ng pơlei noh iĕm sơpuih 'bruih tơ jơ̆ng iĕm tơbăt kơ lu sư 'Bok Kei-Dei wă phak lu sư ning-mônh.”

Mathiơ 11:24

Inh khan kơ iĕm tơpă, mưh truh năr sek tơlang ning-mônh, Sư gô phak tơring Sôđôm hơiơch 'biơ̆ kơ pơlei iĕm.”

Mathiơ 11:22

Inh khan kơ iĕm tơpă, truh năr 'Bok Kei-Dei wă sek tơlang ning-mônh, Sư gô phak Pơlei Tirơ păng Pơlei Siđôn hơiơch 'biơ̆ kơ pơlei iĕm, mă khan 'bar tŏ pơlei noh pơlei dêh tơmoi.

Mathiơ 10:15

Inh khan kơ iĕm tơpă, truh năr 'Bok Kei-Dei wă sek tơlang ning-mônh Sư gô phak kon pơlei Sôđôm păng kon pơlei Gômôrơ hơiơch 'biơ̆ kơ pơlei mă ưh kơ sơng iŏk iĕm, mă khan 'bar tŏ pơlei noh pơm kơnê̆ dêh ră sơ̆.

Jêphania 3:8

Thoi noh, Kră Yang khan: “Lu iĕm athei gô Inh dĭng truh tơ năr Inh gô iung blah rôp; yua kơ Inh wă iŏk akŭm pơpôi đĭ lu kon pơlei păng akŭm đĭ lu dêh char Inh, Inh wă tuh tơdrong hil păng tơdrong blĕk Inh tơ lu sư, yua kơ đơ̆ng ŭnh Inh gar gô luăn sa đĭ teh âu.

Horiso 102:26

Lu plĕnh teh gô hiong răm mă-lei Ih oei oei ling-lang; Plĕnh teh gô so thoi ao tai; Ih gô tơplih plĕnh teh thoi tơplih ao păng lu sư jing hŭt lê̆.

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Tơdrông Tơ'bôh 17:11

Gah sem brem mă sơ̆ arih hiôk, dang ei lôch ưh pă 'bôh boih noh, sư pơm pơtao mă tơhngam, sư păl lu tơpơh 'nu noh, ning-mônh 'Bok Kei-Dei gô phak sư kơtang kơtĭt.

Tơdrông Tơ'bôh 17:8

Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.

Êsai 66:15

Lăng to, Kră Yang gô truh hăm ŭnh păng gre aseh Sư nhen thoi kial hơbŭt, wă pơm tơwih tơdrong ơh blĕk Sư hăm tơdrong hil mĭl, păng tơdrong Sư chrih nhen thoi pla ŭnh khơ̆ng.

Da 7:9

Inh oei lăng dĭng đe dan lu tang-dŏ pơtao păng đei kră mă oei arih đơ̆ng sơ̆ hơ-oei kơpal tang-dŏ noh. Ao sư kok thoi prĕl păng sŏk sư rơgoh thoi sŏk triu. Tang-dŏ pơtao sư noh pla ŭnh păng lu tang-wang gre sư kư̆m pla ŭnh.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

I Kor 3:13

Na mưh truh năr sek tơlang ning-mônh, 'Bok Kei-Dei wă pơlong lăng hnam mă bơ̆n pơm noh hăm kơjăp dah ưh. Tơdrong pơlong noh thoi lĕ kơ ŭnh sa, na sư wă pơlong lăng tơdrong bơ̆n jang kơ Sư hăm yua ưh.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.