II Pet 3:5 - Sơ̆p Hlabơar Nơ̆r 'Bok Kei-Dei

⁵ Lu sư pơma thoi noh yua kơ lu sư ưh kơ tơchĕng kơ tơdrong 'Bok Kei-Dei pơrăm teh đak sơ̆. Sơ̆ 'Bok Kei-Dei sơkat athei đei plĕnh teh, đei hloi tơpă. Sư sơkat athei đak pơjing teh, teh lĕch đơ̆ng đak tơpă.

II Pet 3:5 Referans Kwoze

Hêbrơ 11:3

Na lu bơ̆n dang ei, yua kơ bơ̆n lui, na bơ̆n băt kơ 'Bok Kei-Dei gơh pơjing plĕnh teh hăm 'bơ̆r Sư sơkat. Thoi noh mă dôm tơdrong kiơ kiơ bơ̆n 'bôh dang ei tă lĕch đơ̆ng bơ̆n ưh kơ 'bôh ngăl.

Bl 1:9

Kră Yang 'Bok Kei-Dei khan thoi âu: “Lu đak tơ ala plĕnh athei akŭm minh anih păng athei đei anih hrĕng kro;” na đei hloi thoi noh.

Horiso 24:2

Yua kơ Sư pơjing teh kơpal đak krong dơsĭ, Păng dan sư kơjăp kơpal đak tih.

Bl 1:6

Kră Yang 'Bok Kei-Dei khan dơ̆ng thoi âu: “Athei đei anê̆ rơwơ̆ng wă kơ klah asong đak hăm đak.”

Horiso 136:6

Sư bơlang boih teh tơ kơpal đak Tơdrong 'mêm Sư oei oei ling-lang.

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Kôlôsê 1:17

Kon Sư đei hơdrol kơ tôm tơdrong, tôm tơdrong noh Sư wei-lăng ngăl.

Tơdrông Pơđơk 17:16

Hăm yua kiơ bơngai kơwao chĕp jên hu, Sư ưh kơ 'maih răt tơdrong hơgei.