II Pet 2:9 - Sơ̆p Hlabơar Nơ̆r 'Bok Kei-Dei

⁹ Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

II Pet 2:9 Referans Kwoze

I Kor 10:13

Gah tơdrong đe pơhlŭ wă kơ iĕm kiơ̆ sư pơm yoch, lu 'nhŏng oh bơ̆n nai đe kư̆m pơhlŭ mơ̆n. Mă-lei 'Bok Kei-Dei wei-lăng bơ̆n, Sư ưh kơ ăn đe pơhlŭ bơ̆n truh tơ bơ̆n pơm tơdrong yoch ôh, Sư gô tơgŭm bơ̆n tơpă wă kơ bơ̆n huay kơ lui kơ đe pơhlŭ.

Tơdrông Tơ'bôh 3:10

Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.

II Tim 3:12

Dôm lu bơngai mă gơnang kơ Kră Yang Yêsu Krist wă pơm đon 'lơ̆ng tơpăt, lu sư gô đei tơdrong đe areh pơm kơnê̆ kơ lu sư.

II Pet 3:7

Mă dang ei Sư kư̆m pơkă khan wă pơrăm plĕnh pơrăm teh đak wă soh păng ŭnh. Truh năr Sư sek tơlang ning-mônh Sư pơrăm tơpă mơ̆n păng phak dôm lu bơngai mă ưh kơ lui kơ Sư lăm noh.

Tơdrông Pơđơk 16:4

Kră Yang pơjing boih dôm tơmam kiơ̆ kơ Sư wă yua. Mă lu bơngai kơnê̆ Kră Yang 'măn lê̆ boih kơ năr wă pơmat.

Jop 5:19

Ih đei tơ'bơ̆p tơdrong pơmat-tat tơdrâu tơpơh 'măng, Sư oei dŏng pơklaih ih.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Horiso 4:3

Athei băt Kră Yang 'măn lê̆ boih dôm lu bơngai mă chu yom kơ Sư. Dah inh krao khan kơ Kră Yang Sư gô mơ̆ng nơ̆r inh.

Horiso 32:6

Thoi noh lu bơngai tơpătc băt chu yom krao khan kơ Ih. Lăm jơ mă oei gơh tơ'bơ̆p hăm Ih, Mă khan đei đak lơ̆p rai tih, kư̆m ưh kơ đei lơ̆p truh tơ sư.

Jop 21:30

Lăm năr đei tơdrong truh, lu bơngai kơnê̆ oei gơh hiôk. Oei gơh klaih lăm năr hil mĭl?

Horiso 12:1

Kră Yang; apinh Ih dŏng lu nhôn, Yua kơ lu bơngai 'lơ̆ng tơpăt ưh pă đei boih, Ưh pă đei lu tơpăt lăm kon bơngai.

Horiso 37:33

Kră Yang ưh kơ ăn sư lăm ti lu bơngai kơnê̆. Kŭm ưh kơ ăn đei jâu sư mơ̆n lăm năr sek tơlang.

Tơdrông Pơđơk 12:13

Bơngai pơm kơnê̆ pơm yoch đơ̆ng 'bơ̆r pơma, thoi 'leh hơđong, Lu bơngai tơpăt gô klaih đơ̆ng tơdrong truh.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Mathiơ 10:15

Inh khan kơ iĕm tơpă, truh năr 'Bok Kei-Dei wă sek tơlang ning-mônh Sư gô phak kon pơlei Sôđôm păng kon pơlei Gômôrơ hơiơch 'biơ̆ kơ pơlei mă ưh kơ sơng iŏk iĕm, mă khan 'bar tŏ pơlei noh pơm kơnê̆ dêh ră sơ̆.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.

I Sam 29:10

Ih păng lu đĭch đam yŏng tơ'ngla ih lu bơngai mă đei năm kiơ̆ ih, athei iung đơ̆ng hrôih păng lăp 'năr hơdah năm hloi.