II Kor 9:8 - Sơ̆p Hlabơar Nơ̆r 'Bok Kei-Dei

⁸ 'Bok Kei-Dei gô ăn kơ iĕm tơmam rơkah rơkai, wă kơ iĕm đei tôm tơmam ling-lang păng wă kơ iĕm chă tơgŭm đe nai dơ̆ng.

II Kor 9:8 Referans Kwoze

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Tơdrông Pơđơk 10:22

Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.

Malachi 3:10

Lu iĕm athei pơyơ̆r iŏk minh lăm mơjĭt tah tơ lăm pơk Inh, wă kơ đei tơmam sa lăm hnam Inh; păng đơ̆ng năr âu lu iĕm athei pơlong lăng Inh, Kră Yang Tih Hloh khan, lăng Inh hăm pơih lu 'măng-'mŏk tơ kơpal plĕnh ti tuh ăn tơdrong pŭn hiôk kơ lu iĕm dĭng truh anih mong pă đei!

Hagai 2:8

‘Hu jơ̆ hu Inh, maih jơ̆ maih Inh, Kră Yang khan thoi noh.

Tơdrông Pơđơk 28:27

Bơngai bu asong ăn kơ bơngai dơnuh hin ưh kơ kơ'bah ôh. Mă-lei bơngai bu ưh kơ băt mơnat gô đei đe blei hiap.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Tơdrông Pơđơk 3:9

Iŏk bĕ mŭk tơmam păng 'ba hơ'bo yuă blŭng-a lăm bơyan. Kơkuh bơnê kơ Kră Yang.

Tit 3:14

Ih khan kơ lu bơngai lui kơchăng gah tơdrong 'lơ̆ng ling-lang păng mơnat ăn kơ lu bơngai dơnuh hin tơmam. Thoi âu boih tơdrong jang bơ̆n yua.

II Kor 8:7

Iĕm hơgei tôm tơdrong boih, mă tơdrong lui, mă tơdrong bơtho, tơdrong hlôh wao tơdrong 'Bok Kei-Dei, jơhngơ̆m iĕm hưch hanh băt kơ 'maih adrin jang tơdrong 'Bok Kei-Dei păng băt 'mêm kơ nhôn. Na dang ei inh tơchĕng iĕm kư̆m wă tơgŭm lu bơngai dơnuh mơ̆n rŏ lăng.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

II Kor 9:11

Sư ăn kơ iĕm gô jing mơdrŏng đei tôm tơdrong tơmam, wă kơ iĕm gơh tơgŭm đe ling-lang, thoi noh na nhôn gô roi kơ đe tơdrong iĕm hơlăng, na đe gô bơnê kơ 'Bok Kei-Dei.

II Kor 8:2

Lu sư đei tơdrong gleh pơmat-tat păng dơnuh tăm mă-lei jơhngơ̆m lu sư hiôk hơiă păng hơlăng băt kơ pơtơm băl ra jên tơgŭm lu bơngai lui dơnuh hin tơ Pơlei Jêrusalem.

Tơdrông Pơđơk 11:24

Bơngai bu đei đon hơmrah, gô rai mơdrŏng dêh. Bơngai bu kret pơ'met rai kơmah kơ'bah rai dêh.

II Ho 25:9

Amasia jet bơngai Kră Yang 'Bok Kei-Dei: “Bĕ gah minh-hrĕng talâng jên inh apah linh Isơrael noh thoi yơ?” Bơngai Kră Yang 'Bok Kei-Dei tơl: “Kră Yang gơh ăn kơ ih đei lơ hloh kơ noh dơ̆ng.”

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

I Pet 4:10

'Bok Kei-Dei ăn kơ lu bơngai lui bơ̆n tôm tơdrong hơgei phara, na bơ̆n athei jang kiơ̆ kơ Sư ăn kơ bơ̆n hơgei noh, wă kơ bơ̆n gơh tơgŭm băl.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

II Kor 8:19

Mă ưh kơ sĭ kơ tơdrong noh đĕch, sư âu đơ̆ng rim hnam 'Bok Kei-Dei rơih wă kiơ̆ nhôn chĕp ba jên đơ̆ng iĕm đơ̆ng đe ra. Tơdrong ra jên noh wă pơư pơang anăn Kră Yang păng wă kơ đe băt kơ bơ̆n bơngai lăp đon kơ tơgŭm đe tơpă.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Jang 9:36

Tơ Pơlei Japa đei bơngai lui kơ Yêsu, anăn sư Tabitha lăm nơ̆r Juđê, Đêka lăm nơ̆r Grĕk. Yă Đêka ling-lang sư gơh tơgŭm đe bơngai dơnuh hin păng gơh mơnat kơ đe.

II Tes 2:17

Nhôn krao khan apinh Sư ăn kơ jơhngơ̆m iĕm hiôk chơt ling-lang păng ăn kơ iĕm nuih pran gơh pơm tôm tơdrong 'lơ̆ng tơpăt, nơ̆r pơma kư̆m athei pơma ling-lang mă tơpăt.

II Tim 3:17

Thoi noh lu bơngai jang tơdrong 'Bok Kei-Dei, sơ̆p hla bơar 'Bok Kei-Dei tơgŭm sư lăm tôm tơdrong, lu sư ưh kơ đei kơ'bah.

II Kor 13:3

Thoi noh na kơnh pơgê iĕm gô băt kơ Yêsu Krist yua 'bơ̆r inh pơma kơ iĕm. Sư ưh kơ rơdu kơ iĕm ôh, Sư jang lăm lu iĕm kơtang tơpă.

Philip 4:11

Inh pơma kơ iĕm thoi noh ưh kơ sĭ inh jơ̆l kơ tơmam ưh kơ mah wă kơ iĕm tơgŭm inh ôh. Inh tơ'bơ̆p tơdrong thoi yơ kư̆m bưh jơhngơ̆m inh oei hiôk lei-lăi. Tơdrong noh 'Bok Kei-Dei bơtho inh băt tôm boih.

II Tim 2:21

Bơngai bu hŭt lê̆ dôm tơdrong kơnê̆ sư, bơngai 'noh sư kư̆m thoi lĕ pơnhan chhĕr yua 'bơ̆t sŏng sa tih mơ̆n. Yŏng sư 'Bok Kei-Dei gơh yua sư dang ei hloi jang dôm tơdrong Sư, yua kơ sư đei đon 'lơ̆ng tơpăt.