II Kor 9:7 - Sơ̆p Hlabơar Nơ̆r 'Bok Kei-Dei

⁷ Rim 'nu athei ăn kiơ̆ kơ đon sư 'maih kơdih, ăn athei ăn kiơ̆ kơ jơhngơ̆m mă hiôk, 'nĕ kơ ăn thoi đe pơgŏ, yua kơ 'Bok Kei-Dei 'mêm kơ lu bơngai mă ăn hiôk kơ jơhngơ̆m.

II Kor 9:7 Referans Kwoze

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

Le 25:2

Athei khan kơ bơngai Isơrael pơyơ̆r tơmam ăn kơ Inh; ih athei iŏk tơmam đơ̆ng bơngai bu đei jơhngơ̆m hiôk pơyơ̆r ăn kơ Inh noh.

Tơdrông Pơđơk 11:25

Bơngai bu hơmrah gô đei tôm mah, Bơngai tơgŭm đe đei đe tơgŭm sư mơ̆n.

Tơdrông Pơđơk 22:9

Bơngai bu đei măt lăng mơnat sư gô đei pŭn hiôk. Yua kơ sư đei tơgŭm tơmam sa kơ lu bơngai dơnuh hin.

Rom 12:8

Dah Sư ăn kơ bơ̆n hơgei gah tơdrong gơh pơlung đe lui kơjăp, bơ̆n kư̆m adrin gah tơdrong pơlung đe lui kơjăp. Sư wă kơ bơ̆n hơlăng kơ bơngai dơnuh tơmam, bơ̆n kư̆m adrin jang kiơ̆ thoi noh. Dah Sư ăn kơ bơ̆n wei-lăng đe, bơ̆n adrin wei-lăng đe. Dah Sư wă kơ bơ̆n tơgŭm lu bơngai pơmat-tat, bơ̆n athei tơgŭm lu bơngai pơmat-tat noh tơpă păng ăn kơ jơhngơ̆m bơ̆n pơm hiôk kơ lu sư.

I Pet 4:9

Bơngai lui đơ̆ng tơmoi truh, bơ̆n athei sơng iŏk sư tơ hnam bơ̆n mă 'lơ̆ng.

Le 35:5

Iŏk bĕ tơmam đơ̆ng lăm hnam lu iĕm na pơyơ̆r kơ Kră Yang, bu đei jơhngơ̆m hơmrah, sư athei pơyơ̆r kơ Kră Yang maih, hu, kong;

Êsai 32:8

Mă-lei lu bơngai 'lơ̆ng sư chă đon 'lơ̆ng, sư ling-lang jang hăm tơdrong 'lơ̆ng sư.

Both 15:14

Iĕm athei asong ăn kơ sư sem dơrong, 'ba đơ̆ng anih juă 'ba, sik hơmu đơ̆ng anih rŏl chơpĕt, kiơ̆ kơ đơ̆ng Kră Yang 'Bok Kei-Dei iĕm ăn pŭn.

Ya 5:9

Ơ 'nhŏng oh, iĕm 'nĕ kơ pơma mơmơnh dih băl, hli kơ Kră Yang sek tơlang tơdrong bơ̆n pơma mơmơnh noh Sư hil kơ bơ̆n, yua kơ 'Bok Sek Tơlang ei wă jê̆ jur tơpă, dang lĕ kơ kiơ̆ 'măng dur bơ̆n boih.

Êsai 32:5

Lu bơngai kơhlôh kơwao đe ưh pă krao sư bơngai đe pơyom, đe kư̆m ưh kơ pơyom mơ̆n bơngai hơlĕnh pơdăr.

I Ho 29:9

Kon pơlei chơt hiôk gah tơdrong lu sư kơdih akâu đei pơyơ̆r, lu sư đĭ jơhngơ̆m pơyơ̆r kơ Kră Yang; păng pơtao Đawit kư̆m chơt hiôk dêh.

Phil 1:14

Mă-lei inh ưh kơ wă pơgŏ ih athei ih ăn kơ Ônêsim oei tơ âu khŏm khŏm wă bơ̆jang kơ inh ôh. Dah inh pơgŏ ih, na ih kư̆ kơ pơm kiơ̆ yua kơ ih lui yom kơ inh pơgŏ ih đĕch 'noh. Dah inh ưh kơ pơgŏ ih dah wơh ih, na ih tơdŏng hloi tơdrong jang inh, 'noh inh băt kơ ih đei đon 'mêm mơnat kơ inh tơpă, na ih tơdŏng.