II Kor 8:9 - Sơ̆p Hlabơar Nơ̆r 'Bok Kei-Dei

⁹ Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

II Kor 8:9 Referans Kwoze

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Rom 5:8

Na kơplah bơ̆n oei pơm yoch, lăp minh 'nu Yêsu Krist đĕch lôch tang bơ̆n. 'Noh boih bơ̆n băt kơ 'Bok Kei-Dei 'mêm kơ kon bơngai bơ̆n tơpă.

II Kor 6:10

Đe lăng nhôn đei tơdrong sơ'ngon, mă-lei nhôn hiôk chơt ling-lang; đe lăng nhôn bơngai dơnuh, mă-lei đei lơ bơngai mơdrŏng yua kơ nhôn; đe lăng nhôn hoh-hoy kơbĭ đei kiơ, mă-lei nhôn đei tôm tơdrong tơmam.

Êphêsô 2:7

Thoi noh na Sư gô ăn kơ bơ̆n tôm tơdrong hiôk 'lơ̆ng khŏm khŏm truh tơ ning-mônh ưh kơ layơ tôch yua kơ Sư 'mêm mơnat kơ bơ̆n, na ăn kơ Yêsu Krist lôch tang bơ̆n.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

I Tim 6:18

Ih khan kơ lu bơngai mơdrŏng athei pơm jơhngơ̆m 'lơ̆ng păng đe păng athei gơh tơgŭm mơnat kơ lu bơngai dơnuh hin tơmam.

Luka 16:11

Dah iĕm ưh kơ pơm tơpăt tơdrong wei-lăng mŭk tơmam ala teh âu, lei 'Bok Kei-Dei kư̆m ưh kơ wă ăn kơ iĕm wei-lăng mŭk tơmam tơ kơpal plĕnh ti mơ̆n.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

Luka 9:58

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.

Êphêsô 3:19

Inh apinh Sư ăn kơ iĕm băt kơ Yêsu 'mêm kơ bơ̆n tih tơpă, mă ưh kơ băt tih dang yơ, jrŭ să sư dang yơ. Păng inh kư̆m apinh 'Bok Kei-Dei oei lăm jơhngơ̆m rim 'nu kơ lu iĕm.

I Kor 1:4

Inh ling-lang bơnê kơ 'Bok Kei-Dei 'mêm kơ iĕm, Sư tơgŭm iĕm, yua kơ Sư mơnat đơ̆ng iĕm lui kơ Yêsu Krist.

Luka 2:7

klaih kơ noh sư tơpŭ kơ minh 'nu kon kơdră sư. Sư tơsu kơ kon sư minh blah khăn, klaih kơ noh tơ'bĭch kơpal 'nhĕt kro tơ lăm war rơmo yua kơ ưh kơ đei anih boih lăm hnam 'bĭch tơmoi.

Êsai 53:2

Sư wơ̆ kơjung 'bơ̆t anăp Kră Yang thoi lĕ minh pôm 'long 'lơ̆p chăt bluh đơ̆ng rơh lăm teh hrĕng kro. Sư ưh kơ đei 'lơ̆ng hơbŏ rŏ; wă kơ lu bơ̆n lăng tơ sư, sư ưh kơ đei tơdrong 'lơ̆ng gah 'nguaih wă kơ lu bơ̆n lăp.

Yo 16:15

Dôm tơdrong 'Bă Inh kư̆m thoi tơdrong Inh mơ̆n, kơlih kơ thoi noh na Inh khan Yang Bơhngol 'Lơ̆ng gô bơtho iĕm dôm tơdrong Inh.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:10

Teh bơ̆n âu đơ̆ng Sư pơjing mơ̆n, na kơplah Sư oei tơ ala teh âu sơ̆ lu bơngai ala teh âu ưh kơ băt kơ Sư.

Mathiơ 8:20

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Tơdrông Tơ'bôh 21:7

Bu adrin tơblah păng yang kơnê̆ jei sư, sư gô đei tôm tơdrong noh, Inh jing Kră Yang sư, sư jing kon Inh.

I Kor 15:47

Bơngai kơ đĭ-đăng hơdrol sơ̆, sư đơ̆ng 'Bok Kei-Dei pơjing sư păng teh, man sư păng 'mui teh; na bơngai mă 'bar 'noh Sư jur đơ̆ng plĕnh.

Rom 11:12

Yua kơ lu bơngai Isơrael yoch na lu bơngai nai jơ̆p kơ teh đak jing hiôk jơnap. Lu bơngai Isơrael ning-mônh gô lui kơ 'Bok Kei-Dei đĭ. Đĭ-đăng kơ bơ̆n jing hiôk jơnap hloh kơ chăl arih lu bơ̆n sơ̆.

Yo 17:19

Inh chu ăn akâu Inh tang yua kơ lu sư, wă pơm trŏ thoi Ih wă, wă kơ lu sư kư̆m pơyơ̆r ăn akâu lu sư chu kiơ̆ thoi Ih wă, yua kơ lu sư băt tơdrong Ih boih.

Yo 12:30

Yêsu khan: “'Bơ̆r Sư pơma thoi noh ưh kơ sĭ yua kơ Inh ôh, yua kơ iĕm, wă kơ iĕm băt kơ Inh đơ̆ng 'Bok Kei-Dei tơpă.

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Mathiơ 17:27

Mă-lei ba ưh kơ wă pơkăl kơ lu bơngai iŏk thuê̆ ôh, ba athei duh pơyom. Na dang ei ih năm wah kơ ba ka tơ đak dơsĭ bĕ. Ih 'bôh ka mă kăp wah hơdrol ih iŏk pŏ 'bơ̆r sư hŏ, lăm 'bơ̆r sư noh đei minh hlak jên. Jên noh lăp tôm hloi kơ ba ăn thuê̆. Na ih iŏk jên noh ăn kơ lu bơngai mă iŏk thuê̆, khan kơ lu sư ba ăn tôm boih.”

Êsai 65:8

Kră Yang khan: “Thoi đe oei 'bôh đak hơmu lăm hơie hơmu Na khan: ‘'Nĕ kơ pơrăm lê̆, yua kơ lăm plei noh oei đei tơdrong 'lơ̆ng.’ Inh kư̆m gô pơm thoi noh kơ lu đĭch đam Inh, Inh ưh kơ pơrăm đĭ-đăng lu sư ôh.

Êsai 62:1

Yua kơ Siôn na inh ưh kơ đei ngăn hreh ôh, yua kơ Jêrusalem na Inh ưh kơ đei pơdơh hiôk ôh. Dĭng truh tơ layơ tơdrong 'lơ̆ng tơpăt sư pơchrang thoi hơdah 'mơ̆i păng tơdrong dŏng pơklaih sư khơ̆ng thoi lĕ pla ŭnh hơchô̆ hơpaih.

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

Luka 8:3

Yă Jôanna akăn Chusa. Chusa noh sư wei-lăng tơmam pơtao Hêrôt. Yă Susana păng kư̆m đei lơ drŏ-kăn nai dơ̆ng kiơ̆ hơdai Yêsu. Lu sư tơgŭm Yêsu păng lu bơngai pơhrăm păng Sư bơ̆n tơmam, bơ̆n jên.

Rom 15:3

kư̆m thoi Yêsu ưh kơ pơm kiơ̆ kơ đon Sư kơdih ôh. 'Noh kư̆m thoi đe chih roi tơdrong Sư pơma kơ 'Bok Kei-Dei sơ̆ khan: “Dôm tơdrong đe hil areh kơ Ih kư̆m hil areh kơ Inh mơ̆n.”

Tơdrông Tơ'bôh 2:9

‘Inh băt mơ̆n đe hil areh păng pơm kơnê̆ kơ iĕm. Inh băt mơ̆n iĕm bơngai dơnuh, mă-lei iĕm mơdrŏng tơdrong 'Bok Kei-Dei. Đei mơ'nah pơjăm pơjuă iĕm Inh kư̆m băt. Lu sư chă khan kơdih khan lu sư bơngai Juđê, mă tơpă ưh kơ bơngai Juđê ôh, lu sư hơlĕnh đĕch; lu sư khŭl yang Satan.