II Kor 8:4 - Sơ̆p Hlabơar Nơ̆r 'Bok Kei-Dei

⁴ Lu sư nŏng kơ apinh nhôn lơ 'măng wă kơ nhôn ăn kơ lu sư wang tơgŭm jên tơmam kơ lu bơngai dơnuh hin.

II Kor 8:4 Referans Kwoze

Jang 24:17

“Kơplah 'bar pêng sơnăm inh ưh kơ brŏk tơ Pơlei Jêrusalem. Na ki inh brŏk wă kơ chĕp ba jên đe mơnat ăn kơ lu bơngai Juđê nhôn. Inh kư̆m wă pơyơ̆r ăn kơ 'Bok Kei-Dei tơmam.

Galati 6:10

Na dang ei bơ̆n oei arih tơ ala teh, bơ̆n athei pơm 'lơ̆ng kơ đe ling-lang. Mă loi athei pơm 'lơ̆ng kơ lu bơngai lui bơ̆n.

II Kor 9:1

Gah tơdrong ra jên wă tơgŭm lu bơngai lui dơnuh, inh ưh kơ kăl kơ chih roi dơ̆ng boih,

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

I Kor 16:15

Iĕm kư̆m băt mơ̆n Sêphanna păng hnam dơnŏ sư, lu sư lui kơ Kră Yang hơdrol kơ đe lăm dêh Grĕk, lu sư adrin tơgŭm lu bơngai lui ling-lang.

Galati 2:10

Lu sư pơma kơ nhi pôm tơdrong athei tơgŭm mơnat kơ lu bơngai dơnuh hin đe Juđê, na inh khan kơ lu sư: “Lăp kơ tơdrong 'noh đơ̆ng sơ̆ inh kư̆m băt tơchĕng ră mơ̆n.”

I Kor 16:1

Bĭ gah tơdrong pơyơ̆r jên wă tơgŭm lu bơngai lui tơ dêh Juđê, inh wă kơ iĕm pơm kiơ̆ thoi inh pơkă kơ lu bơngai lui tơ dêh Galati.

Rom 15:31

wă kơ lu bơngai ưh kơ lui tơ dêh Juđê huay kơ pơm kơnê̆ kơ inh. Păng inh wă kơ iĕm krao khan kơ 'Bok Kei-Dei wă kơ lu bơngai lui tơ Pơlei Jêrusalem gơh iŏk jên noh.

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Jang 11:29

Lăp lu bơngai lui kơtơ̆ng gô đei tơdrong pơngot rơwĕt, na lu sư wă tơra jên ăn kơ lu bôl sư lui tơ dêh Juđê. Na rim 'nu lu sư ăn jên kiơ̆ kơ akâu sư đei.

Markôs 14:7

Bơngai dơnuh sư oei păng iĕm ling-lang. Dah iĕm wă mơnat kơ sư mă layơ kư̆m gơh, yua kơ Inh âu ưh kơ oei păng iĕm ling-lang ôh.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Mathiơ 12:50

Bu pơm kiơ̆ kơ 'Bă Inh mă oei tơ plĕnh ti, bơngai 'noh dang 'nhŏng oh Inh păng mĕ Inh.”

Mathiơ 10:42

Bơngai bu asong minh kơchŏk đak nhă kơ lu bôl bơ̆n mă pơm iĕ âu yua kơ bôl bơ̆n kiơ̆ Inh, bơngai 'noh 'Bok Kei-Dei gô apah sư tơpă.”