II Kor 7:6 - Sơ̆p Hlabơar Nơ̆r 'Bok Kei-Dei

⁶ Mă-lei 'Bok Kei-Dei gơh hơmet ming jơhngơ̆m lu bơngai sơ'ngon jing hiôk, thoi noh na Sư jah ăn Tĭt truh tơ nhôn, chhơp boih.

II Kor 7:6 Referans Kwoze

II Kor 7:13

Thoi noh na dang ei inh hiôk tơpă, kơtơ̆ng tôm tơdrong iĕm pơm 'lơ̆ng boih păng pơthim kơ nhôn 'bôh Tĭt sư hiôk wih đơ̆ng iĕm 'bôh pơm trŏ boih.

Je 31:13

Lu adruh hle chơt hiôk suang pơplŏng, lu tơdăm păng lu kră drŏ-nglo kư̆m wang chơt hiôk; Inh gô tơplih tơdrong ơh sơ'ngon lu sư jing tơdrong chơt hiôk, Inh gô pơlung lu sư ăn kơ lu sư tơdrong chơt hiôk tơplih kơ tơdrong ơh sơ'ngon.”

Êsai 57:18

Inh 'bôh trong lu sư, mă-lei Inh gô pơklaih gô dui ba hăm nơ̆r pơlung,

Philip 2:1

Yua kơ bơ̆n pôm đon hăm Yêsu Krist na bơ̆n băt kơ pơlung dih băl, băt kơ 'mêm mơnat dih băl; 'noh yua kơ Yang Bơhngol 'Lơ̆ng oei hăm bơ̆n.

Rom 15:5

'Bok Kei-Dei ăn kơ bơ̆n đei đon lui kơjăp păng ăn kơ bơ̆n oei hiôk, na inh apinh Sư ăn kơ iĕm oei hiôk gơh găt dih băl, kư̆m thoi Yêsu Krist bơngai gơh găt păng bơ̆n.

Mathiơ 5:4

“Pŭn dêh lu bơngai mă ơh sơ'ngon, 'Bok Kei-Dei wă pơlung lu sư.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Yo 14:16

na Inh gô apinh 'Bă Inh ăn kơ iĕm minh 'nu dŏng iĕm plơ̆ng dơ̆ng, anăn Sư Yang Bơhngol 'Lơ̆ng. Sư gô tơbăt ăn kơ iĕm tơdrong 'Bă Inh tơpă păng Sư gô oei hơdai hăm iĕm ling-lang.

II Kor 7:7

Ưh kơ sĭ nhôn hiôk yua kơ Tĭt truh tơ nhôn đĕch ôh. Nhôn hiôk yua kơ sư roi kơ nhôn tơdrong iĕm pơma dơnuh hăm sư hiôk hơiă chang nhôn dah truh tơ iĕm dơ̆ng. Inh kơtơ̆ng iĕm sơ'ngon yua kơ tơdrong iĕm pơm yoch, 'maih kiơ̆ tơdrong inh bơtho noh, inh hiôk rai dêh.

II Kor 7:14

Ki nhi Tĭt kư̆m pơma dơnuh gah tơdrong iĕm mơ̆n, mă inh pơma pơang iĕm inh huay kơ mơlâu ôh, inh pơma 'bơ̆t anăp sư yua kơ inh băt kơ iĕm gô pơm trŏ tơpă. Na 'blep trŏ thoi noh tơpă, noh kư̆m thoi tơdrong nhôn juăt kơ pơma kơ iĕm tơpăt ling-lang.