II Kor 7:2 - Sơ̆p Hlabơar Nơ̆r 'Bok Kei-Dei

² Nhôn kư̆m wă kơ iĕm 'mêm kơ nhôn, yua kơ nhôn ưh kơ đei pơm kơnê̆ kơ bu ôh, ưh kơ đei pơrăm pơyoch bu ôh, ưh kơ đei hơlĕnh pơdăr sa tơmam bu ôh.

II Kor 7:2 Referans Kwoze

II Kor 11:9

Kơplah inh oei păng iĕm noh, inh kư̆m jơ̆l ră mơ̆n mă-lei inh ưh kơ pơgŏ athei iĕm 'me inh ôh. Inh đei lu 'nhŏng oh bơ̆n đơ̆ng dêh Masêđôn chă tơgŭm mơnat kơ inh bơ̆n kon jên bơ̆n tơmam sa. Bĭ mă layơ inh ưh kơ wă athei iĕm tơgŭm inh ôh.

Jang 20:33

Inh ưh kơ 'nhĕng jên đe dah hơbĕn ao đe ôh.

II Yo 1:10

Bơngai bu năm ngôi hơpong tơ iĕm, na sư bơtho iĕm ưh kơ trŏ thoi Yêsu Krist bơtho, bơngai 'noh iĕm 'nĕ kơ sơng iŏk sư mơ̆t tơ hnam iĕm. Păng lăp sư wă brŏk iĕm 'nĕ khan kơ sư khan: Yak mă 'lơ̆ng kơ ih.

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

Mathiơ 10:40

“Bu sơng iŏk iĕm, bơngai 'noh dang sơng iŏk Inh; bu sơng iŏk Inh, noh dang sư sơng iŏk 'Bă Inh mă wơh Inh.

Mathiơ 10:14

Anih hnam ayơ dah pơlei ayơ ưh kơ sơng iŏk iĕm păng ưh kơ wă mơ̆ng tơdrong iĕm bơtho sư, thoi noh na lăp iĕm brŏk đơ̆ng pơlei 'noh iĕm sơpuih 'bruih tơ jơ̆ng iĕm tơbăt ăn kơ lu sư 'Bok Kei-Dei wă phak lu sư ning-mônh.

Jo 16:15

Môis blĕk dêh krao apinh Kră Yang thoi âu: Ih lê̆ pă iŏk dôm tơmam lu sư pơyơ̆r; inh ưh kơ đei rôp iŏk minh pôm kon aseh iĕ đơ̆ng lu sư ôh păng inh kư̆m ưh kơ đei pơrăm bu lăm lu sư.

Phil 1:17

Inh buăl ih kư̆m jang tơdrong 'Bok Kei-Dei mơ̆n na dang ei inh wă kơ ih sơng iŏk Ônêsim hŏ, 'noh kư̆m thoi ih sơng iŏk inh mơ̆n.

Phil 1:12

Dang ei inh athei sư wih tơ ih dơ̆ng, mă-lei inh 'mêm kơ sư tơpă.

I Tes 2:10

Hơtai ki iĕm kư̆m 'bôh dôm tơdrong nhôn pơm 'lơ̆ng tơpăt kơ lu iĕm bơngai lui kơ Yêsu. Nhôn ưh kơ pơm kơnê̆ ôh. 'Bok Kei-Dei Sư kư̆m 'bôh thoi noh mơ̆n.

Kôlôsê 4:10

Aritak, sư oei lăm hnam phak hơdai hăm inh, sư kư̆m hơdai jet gia iĕm. Markôs, oh 'Barna'ba pôm yă 'bok, sư kư̆m hơdai jet gia iĕm mơ̆n. Dah sư đei năm tơ iĕm, iĕm sơng iŏk sư hŏ, kiơ̆ thoi inh khan kơ iĕm boih.

Philip 2:29

Thoi noh na iĕm sơng iŏk sư bĕ păng iĕm athei bơnê kơ sư yua kơ sư jang tơgŭm inh. Iĕm băt boih tơdrong bơ̆n lui kơ Yêsu Krist athei sơng iŏk dih băl mă 'lơ̆ng.

II Kor 11:16

Inh wă tơbăt dơ̆ng kơ iĕm thoi âu: Iĕm 'nĕ tơchĕng khan inh bơngai kơhlôh tơpă, mă-lei dah iĕm wă jô̆ kơ inh pơm thoi bơngai kơhlôh kư̆m bưh mơ̆n wă kơ inh gơh pơang akâu thoi lu bơngai pơjăm inh noh 'biơ̆.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Luka 10:8

Pơlei ayơ sơng iŏk iĕm, lu sư 'me iĕm tơmam sa kiơ kiơ, iĕm kư̆ kơ sa đĕch, iĕm 'nĕ pơrơih.