II Kor 6:4 - Sơ̆p Hlabơar Nơ̆r 'Bok Kei-Dei

⁴ Mă nhôn đei tơdrong đe pơm kơnê̆ pơmat-tat kơ nhôn, nhôn kư̆m ưh kơ đei pơm kiơ kơ đe, yua kơ nhôn đĭch đam 'Bok Kei-Dei jang kiơ̆ thoi Sư wă, wă kơ đĭ-đăng bơngai lăng tơdrong jang nhôn 'lơ̆ng.

II Kor 6:4 Referans Kwoze

II Kor 12:10

Yua kơ inh wă pơư pơang anăn Yêsu Krist, na inh đei tơdrong rơdu tơrăn, đei tơdrong đe pơjăm, đei tơdrong gleh truh, tơdrong đe pơm pơmat inh, tơdrong anat anot, mă-lei jơhngơ̆m inh hiôk rai pran.

II Kor 4:8

Đĭ dôm tơdrong đe wă kơtĭt pơglơ̆k nhôn, mă-lei nhôn pơm huay huăi kơ glơ̆k; đĭ sơleng kơ đon boih, mă-lei nhôn khŏm adrin adrăi.

II Kor 11:27

Inh jang gleh đei lơ tơdrong truh pơmat-tat. Phŏ kral kơmăng pă tep, phŏ pơngot hang klak rơhing kơ đak ưh kơ đei, năr jơ̆l kơ tơmam sa ưh kơ đei kư̆m đei, tơngiĕt tơngiot oei akâu hoh kư̆m đei.

II Kor 12:12

Kơplah inh oei hơdai iĕm sơ̆, inh adrin jang tơdrong 'Bok Kei-Dei tơpă, iĕm kư̆m 'bôh lơ tơdrong inh tơbăt kơ iĕm inh pơm jơ̆ng 'bang Yêsu Krist păng iĕm kư̆m 'bôh lơ tơdrong mơsêh mơyang hlĭch hlăch tơpă.

II Kor 3:6

Sư ăn kơ nhôn pran kơtang gơh jang tơdrong pơgơ̆p 'nao, tơdrong Yêsu Krist pơgơ̆p bơ̆n hăm 'Bok Kei-Dei. Tơdrong noh ưh kơ đei chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, tơdrong noh Yang Bơhngol 'Lơ̆ng tơgŭm. Tơdrong chih tơ tơmo lat phak pơlôch kon bơngai. Yang Bơhngol 'Lơ̆ng ưh ôh. Sư ling-lang ăn kon bơngai arih.

I Kor 3:5

Thoi noh iĕm tơchĕng Apôlê 'noh bu, sư bơngai thoi yơ? Păng bĭ Pôl, iĕm ngêh kơ bu, sư bơngai thoi yơ? Nhi bơngai đĭch đam 'Bok Kei-Dei đĕch. Nhi jang tơgŭm iĕm, wă kơ iĕm lui kơ Sư. Sư ăn kơ nhi jang thoi yơ, nhi jang thoi ei.

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Tơdrông Tơ'bôh 3:10

Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

I Kor 4:1

Thoi noh nhôn wă kơ iĕm lăng nhôn thoi đĭch đam Yêsu Krist chă bơtho kơ đe tơdrong hrĕp 'Bok Kei-Dei tam mă tơbăt kơ đe.

Hêbrơ 12:1

Bơ̆n 'bôh lơlap lơlang lu bơngai noh sơ̆, lu sư đei đon lui kơjăp tơpă, na lu bơ̆n athei adrin kiơ̆ thoi lu sư. Bơ̆n adrin thoi lu bơngai kơdâu pơjei băl. Thoi noh na lu bơ̆n athei tŭk lê̆ dôm tơdrong mă pơm kơ akâu bơ̆n trăp păng tôm kơ tơdrong yoch mă oei chô̆ pơkơ̆ng bơ̆n. Bơ̆n athei adrin kơdih kơdih kơdâu rok trong mă 'Bok Kei-Dei đêl pơkă kơ bơ̆n boih.

II Tim 4:5

Mă-lei ih athei đei jơhngơ̆m chơ̆n lăm tôm tơdrong. Mă pơmat ih kư̆ adrin 'nĕ hŭt tơdrong pơm đon 'lơ̆ng tơpăt, bơtho tơdrong 'nao 'lơ̆ng Kră Yang Yêsu Krist ling-lang, adrin jang tôm tơdrong 'Bok Kei-Dei.

II Tim 2:24

Lu đĭch đam Kră Yang 'Bok Kei-Dei ưh kơ gơh hil hơwĕng kơ đe ôh. Sư athei pơm 'lơ̆ng kơ đe. Sư bơtho nơ̆r Kră Yang hơgei, đe hil kơ sư, sư athei krŏt đĕch.

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

I Tim 6:11

Ơ Timôthê, ih bơngai kiơ̆ 'Bok Kei-Dei, ih athei weh ataih đơ̆ng tơdrong kơnê̆ 'noh, ih adrin pơm đon 'lơ̆ng tơpăt, lui mă kơjăp, 'mêm kơ 'Bok Kei-Dei păng pơm jơhngơ̆m dim 'mêm kơ bôl buăl mơ̆n. Đei tơdrong gleh truh tơ ih ră, mă-lei ih athei adrin pơm kiơ̆ 'Bok Kei-Dei khŏm khŏm.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

I Tim 2:15

Mă-lei lu bơngai drŏ-kăn gô đei jơhngơ̆m hiôk yua kơ sư tơpŭ kon. Păng sư athei lui kơ 'Bok Kei-Dei khŏm khŏm păng 'mêm kơ 'Bok Kei-Dei hăm đĭ-đăng bơngai. Sư athei pơm jơhngơ̆m 'lơ̆ng tơpăt păng 'nĕ kơ pơm kư̆ kă.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

I Tes 3:7

Ơ 'nhŏng oh, nhôn đei lơ tơdrong pơmat-tat phŏ đei tơdrong sơ'ngon mă-lei lăp nhôn kơtơ̆ng iĕm oei lui kơjăp, jơhngơ̆m nhôn chơt hiôk dêh.

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

Kôlôsê 1:11

Na nhôn apinh tơdrong mơsêh mơyang 'Bok Kei-Dei ăn kơ iĕm jơhngơ̆m pran adrin kiơ̆ tôm tơdrong Sư, wă kơ iĕm huay kơ achăng lê̆ Sư, mă đe pơm pơmat kơ iĕm dang yơ, ăn kơ iĕm oei hiôk oei kơjăp lăm tơdrong lui khŏm khŏm.

II Kor 11:23

Lu sư đĭch đam Yêsu Krist hă? Inh wă pơma pơang thoi bơngai kơhlôh dơ̆ng: Inh jang 'lơ̆ng hloh kơ lu sư, inh jang hrat hloh kơ lu sư, đe tah inh tơ hnam phak lơ 'măng hloh kơ lu sư, đe tach pơjĭ inh lơ 'măng hloh kơ lu sư, lơ 'măng inh jĭ truh kơ wă lôch.

II Kor 11:9

Kơplah inh oei păng iĕm noh, inh kư̆m jơ̆l ră mơ̆n mă-lei inh ưh kơ pơgŏ athei iĕm 'me inh ôh. Inh đei lu 'nhŏng oh bơ̆n đơ̆ng dêh Masêđôn chă tơgŭm mơnat kơ inh bơ̆n kon jên bơ̆n tơmam sa. Bĭ mă layơ inh ưh kơ wă athei iĕm tơgŭm inh ôh.

II Kor 7:11

'Bok Kei-Dei pơm kơ iĕm băt kơ sơ'ngon akâu kơdih, wă kơ iĕm hưch hanh pơm tơdrong 'lơ̆ng tơdrong tơpăt; tơdrong akâu kơdih đêl pơm, wă kơ tơbral hli huay pă pơm dơ̆ng; dang ei iĕm hăt kơ pơm tơdrong tơpăt, iĕm dang phak boih bơngai yoch, iĕm kư̆m wă kơ tơ'bơ̆p nhôn dơ̆ng; tôm tơdrong iĕm sek tơlang bơngai yoch noh 'lơ̆ng boih.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

I Kor 9:11

Nhôn thoi lĕ lu bơngai pơtăm 'ba, wă khan nhôn bơtho iĕm tơdrong 'Bok Kei-Dei. Dah nhôn bơngai bơtho iĕm tơpă, nhôn ngêh kơ tơmam đơ̆ng iĕm apah păng nhôn gơh iŏk tơmam iĕm 'noh wă 'me sa nhôn.

Rom 16:10

Inh đei nơ̆r jet gia Apelơ, sư đei tơdrong gleh mă-lei sư oei lui kơ Yêsu Krist kơjăp. Inh kư̆m wă jet gia lăng hnam dơnŏ đe Rihtô sư thoi yơ.

Rom 14:18

Bơngai mă lui yom kơ Yêsu thoi noh, bơngai noh 'Bok Kei-Dei lăp đon, mă tơduă kon bơngai kư̆m lăp đon mơ̆n.

Rom 5:8

Na kơplah bơ̆n oei pơm yoch, lăp minh 'nu Yêsu Krist đĕch lôch tang bơ̆n. 'Noh boih bơ̆n băt kơ 'Bok Kei-Dei 'mêm kơ kon bơngai bơ̆n tơpă.

Jang 20:34

Iĕm kư̆m băt mơ̆n inh bơ̆jang păng ti đĕch wă 'me sa akâu inh kơdih hăm lu bôl buăl inh mơ̆n.

Jang 9:16

Inh wă tơbăt kơ sư, sư gô đei tơdrong pơmat dang yơ yua kơ sư gô bơtho tơdrong Inh.”

Jang 2:22

Pêtrôs oei pơma: “Ơ lu đe Isơrael, mơ̆ng inh bĕ. Yêsu Pơlei Nasaret, bơngai mă 'Bok Kei-Dei wơh Sư pơm tơdrong mơsêh mơyang, pơm tơdrong hlĭch hlăch, tơ'bôh kơ iĕm tơdrong chrơp, 'Bok Kei-Dei yua Sư pơm lu tơdrong 'noh tơ lăm lu iĕm, thoi lu iĕm đei băt boih.

Luka 21:19

Dah iĕm adrin tơpă lei iĕm huay kơ hiong tơdrong arih ling-lang ôh.”

Jôel 1:9

Tơmam soi pơyơ̆r huch, tơmam soi phe 'ba ưh pă đei boih lăm hnam Kră Yang; lu 'bok soi bơ̆jang soi kơ Kră Yang oei ơh sơ'ngon.

Êsai 61:6

Gah lu iĕm đe gô krao iĕm 'bok soi Kră Yang, đe gô krao iĕm đĭch đam Kră Yang 'Bok Kei-Dei lu bơ̆n; lu iĕm gô sa tơmam đơ̆ng lu dêh char păng tơdrong hiôk rơnŭk đơ̆ng lu sư.

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Rom 3:5

Bơ̆n 'bôh tôm tơdrong 'Bok Kei-Dei pơm 'lơ̆ng tơpăt ngăl boih, na bơ̆n 'nĕ tơchĕng khan, bơ̆n pơm kơnê̆ kư̆m bưh, wă kơ đe kơnăl kơ 'Bok Kei-Dei pơm 'lơ̆ng tơpăt păng wă kơ đe kơnăl kơ 'Bok Kei-Dei Sư ưh kơ pơm kơnê̆ thoi kon bơngai. Bơ̆n pơm kơnê̆ noh na đe gô ư-ang kơ 'Bok Kei-Dei rai tih, na dah 'Bok Kei-Dei wă phak bơ̆n ning-mônh noh Sư wă hơlĕnh đĕch yua kơ bơ̆n dang ư-ang anăn Sư kơ đe boih. Bơ̆n 'nĕ tơchĕng tơdrong noh khan trŏ, ưh ôh hŏ. Kon bơngai bơ̆n đĕch tơchĕng khan trŏ.