II Kor 6:3 - Sơ̆p Hlabơar Nơ̆r 'Bok Kei-Dei

³ Nhôn ưh kơ đei pơm kơnê̆ kơ đe minh tơdrong kiơ, wă kơ đe huay kơ pơjăm tơdrong jang nhôn.

II Kor 6:3 Referans Kwoze

Rom 14:13

Bơ̆n băt tơdrong noh thoi noh boih, na bơ̆n 'nĕ pă chă sek tơlang dih băl khan bơngai yoch bơngai ưh, bơ̆n 'nĕ kơ pơm kơ sư hơwơ̆l hli kơ sư jing yoch.

I Kor 9:12

Iĕm 'me sa lu bơngai nai mă bơtho iĕm, iĕm tơchĕng khan trŏ. Tơdrong 'noh dah nhôn truh tơ iĕm, iĕm 'me nhôn kư̆m trŏ loi mơ̆n. Mă-lei đơ̆ng sơ̆ nhôn ưh kơ đei athei iĕm 'me nhôn ôh, nhôn adrin jang sa kơdih đĕch, wă kơ iĕm huay ơh sơ'ngon kơ tơdrong nhôn bơtho iĕm gah tơdrong 'nao 'lơ̆ng Yêsu Krist.

Mathiơ 17:27

Mă-lei ba ưh kơ wă pơkăl kơ lu bơngai iŏk thuê̆ ôh, ba athei duh pơyom. Na dang ei ih năm wah kơ ba ka tơ đak dơsĭ bĕ. Ih 'bôh ka mă kăp wah hơdrol ih iŏk pŏ 'bơ̆r sư hŏ, lăm 'bơ̆r sư noh đei minh hlak jên. Jên noh lăp tôm hloi kơ ba ăn thuê̆. Na ih iŏk jên noh ăn kơ lu bơngai mă iŏk thuê̆, khan kơ lu sư ba ăn tôm boih.”

I Kor 9:22

Kơplah inh chă bơtho kơ lu bơngai ưh kơ gan hlôh tôm tơdrong 'Bok Kei-Dei, inh kư̆m pơm thoi sư mơ̆n wă kơ pơlung sư lui kơjăp. Inh druh kiơ̆ rim đon kon bơngai wă kơ gơh pơlung lu sư lui kơ Yêsu Krist na klaih đơ̆ng dôm tơdrong yoch.

II Kor 8:20

Inh wă kơ lu bơngai noh tơgŭm gah tơdrong ra jên yua kơ inh hli kơ đe jô̆ kơ inh pơm ưh kơ 'lơ̆ng, pơm ưh kơ trŏ kơ tơdrong iŏk jên iĕm wă tơgŭm đe noh.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Mathiơ 18:6

Bơngai bu pơtuah lu bơngai hơ'lơ̆p mă lui kơ Inh 'lơ̆ng hloh đe jah chô̆ ako sư hăm tơpăl tơmo tih, hơtat lê̆ sư tơ klŏng đak dơsĭ, lei sư hiôk 'biơ̆ yua kơ sư huay kơ gơh pơtuah lu hơ'lơ̆p.

Jang 19:27

Na bơ̆n athei kơchăng hli kơ đe jô̆ kơ tơdrong jang bơ̆n ưh kơ 'lơ̆ng păng hnam kơkuh kơ yang Dian bơ̆n, yang tih tơpă ră, kơnh đe khan jing ưh kơ gĭt. Dang ei đĭ-đăng bơngai dêh char Asi păng jơ̆p kơ teh đak lui kơkuh kơ yang Dian, yang tih tơpă. Na ning-mônh hli kơ đe ưh pă ư-ang kơ yang Dian bơ̆n dơ̆ng.”