II Kor 5:6 - Sơ̆p Hlabơar Nơ̆r 'Bok Kei-Dei

⁶ Thoi noh na mă nhôn oei hrŭk akâu so, tam mă oei hơdai Kră Yang Yêsu Krist tơ plĕnh ti, jơhngơ̆m nhôn oei hiôk ling-lang.

II Kor 5:6 Referans Kwoze

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

Hêbrơ 10:35

Thoi noh na iĕm 'nĕ kơ lê̆ tơdrong lui. Yua kơ iĕm lui kơjăp boih, iĕm gô đei tơmam 'Bok Kei-Dei asong tơ plĕnh ti.

II Kor 5:8

Dang ei jơhngơ̆m nhôn oei hiôk ling-lang chang dah oei hơdai Kră Yang Yêsu Krist hiôk-hian ling-lang.

Êsai 36:4

Rapsaka khan kơ lu sư: “Akhan bĕ kơ pơtao Hesekia, pơtao tih, pơtao char Asiri thoi âu: Lĕch đơ̆ng yơ, mă lu iĕm gơnang noh?

Êsai 30:15

'Nâu Kră Yang, Tơ'ngla 'Lơ̆ng Rơgoh đe Isơrael khan: “Lu iĕm gơh klaih đơ̆ng lu iĕm wơ̆t brŏk dơ̆ng păng pơdơh lăm Inh. Lu iĕm gô đei jơhngơ̆m pran, yua kơ lu iĕm oei hơđơ̆ng păng gơnang kơ Inh. Mă-lei lu iĕm ưh kơ wă kơ thoi noh.

Tơdrông Pơđơk 14:26

Bơngai bu hli yom kơ Kră Yang, đei tơdrong gơnang kơjăp. Păng anih kơ'nơp kơjăp kơ lu kon sâu sư.

Horiso 119:19

Inh jơ̆ minh 'nu bơngai tơmoi oei kơpal teh. Apinh 'nĕ ôn kơ inh dôm nơ̆r Ih tơtă.

Horiso 39:12

Ơ Kră Yang 'Bok Kei-Dei! Mơ̆ng bĕ nơ̆r inh krao apinh, mơ̆ng bĕ nơ̆r inh krao ôr. Apinh Inh 'nĕ kơ chĭt đon kơ đak măt inh nhơ̆m. Yua kơ inh thoi bơngai tơmoi. Bơngai tơmoi mă oei thoi yă 'bok inh.

I Ho 29:15

Yua kơ 'bơ̆t anăp Ih lu nhôn păng lu yă 'bok nhôn jơ̆ bơngai tơmoi, chăl arih lu nhôn tơ kơpal teh nhen thoi ngôi ưh kơ đei anih wă hơmĕng.

Hêbrơ 13:14

Tơ ala teh âu bơ̆n ưh kơ đei pơlei mă oei dơnơ̆ng ling-lang ôh. Na bơ̆n athei chang gô 'Bok Kei-Dei wă ăn kơ bơ̆n oei tơ pơlei Sư ning-mônh.