II Kor 5:16 - Sơ̆p Hlabơar Nơ̆r 'Bok Kei-Dei

¹⁶ Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

II Kor 5:16 Referans Kwoze

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

Yo 6:63

“Dah jơhngơ̆m đon iĕm lui kiơ̆ tơdrong Inh, lei iĕm gô arih ling-lang. Dah iĕm kiơ̆ tơdrong akâu akar đĕch, lei ưh kơ đei yua kiơ ôh. Dôm nơ̆r Inh bơtho khan ăn kơ iĕm gah tơdrong sa sĕch akar Inh, Inh wă ră kơ jơhngơ̆m đon iĕm lui kiơ̆ kơ Inh na iĕm gô arih ling-lang; lei ră.

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Yo 15:14

Dah iĕm răk dôm tơdrong Inh pơkă lei iĕm buăl juăt Inh tơpă.

Yo 2:4

Na Yêsu khan kơ sư: “Ơ duch, ih mah hăt kơ kiơ, yua kơ tam mă trŏ jơ Inh wă tơgŭm lu sư?”

Mathiơ 10:37

“Bu 'mêm kơ mĕ 'bă sư hloh kơ sư 'mêm kơ Inh, bơngai 'noh ưh kơ trŏ kơ tơbôl hăm Inh ôh. Bu 'mêm kơ kon sư hloh kơ sư 'mêm kơ Inh, bơngai 'noh kư̆m ưh kơ trŏ wă tơbôl hăm Inh mơ̆n.

II Kor 11:18

Dang ei đei lơ bơngai pơma pơang akâu kơdih kiơ̆ thoi lu bơngai ưh kơ lui, na inh kư̆m wă pơma rok lu sư 'biơ̆.

I Sam 2:29

Thoi yơ mă ih pơjăm tơmam soi 'buh păng tơmam soi phe 'ba pơyơ̆r kơ Inh, tơdrong noh Inh tơtă bơih? Liơ mă ih chu yom kơeng kơ kon ih hloh kơ chu yom kơ Inh păng sa dôm lu tơmam soi wă kơ bek păng tơmam soi 'lơ̆ng hloh đơ̆ng lu kon pơlei Isơrael Inh pơyơ̆r?

Both 33:9

Lêwi pơma khan: Inh ưh kơ lah 'bôh mĕ 'bă inh; Inh ưh kơnăl kơ 'nhŏng oh inh păng inh ưh kơ băt kon hơ'lơ̆p inh Yua kơ sư chu kiơ̆ nơ̆r Kră Yang. Kral kơchăng wei răk tơdrong pơgơ̆p Kră Yang.

Yo 8:15

Iĕm sek tơlang tơdrong Inh kiơ̆ kơ đon iĕm tơchĕng kơdih. Gah Inh ưh kơ đei sek tơlang bu ôh.

Philip 3:4

Tơ̆ng bơ̆n 'maih pơma băl tơpă kơ tơdrong bơ̆n gơnang kơ akâu bơ̆n kơdih, bu kiơ̆ 'blep bu ưh, đe ưh kơ kĕ kiơ̆ 'blep dang inh. Mă-lei inh ưh kơ gơnang kơ tơdrong inh kiơ̆ 'blep noh ôh.

Jo 10:30

Hôbap tơl: Inh ưh kơ năm ôh, mă-lei inh wih brŏk tơ dêh char inh kơdih, noh kon pơlei inh.