II Kor 5:15 - Sơ̆p Hlabơar Nơ̆r 'Bok Kei-Dei

¹⁵ Sư lôch tang bơ̆n iung arih dơ̆ng, wă kơ bơ̆n arih huay kơ pơyua akâu bơ̆n kơdih, Sư wă kơ bơ̆n arih yua kơ tơdrong jang Sư.

II Kor 5:15 Referans Kwoze

Kôlôsê 3:1

'Bok Kei-Dei dang tơiung arih iĕm hơdai hăm Yêsu Krist boih, na iĕm athei adrin chă dôm tơdrong tơ kơpal plĕnh ti, anih mă Yêsu oei pơgơ̆r gah 'ma kơ 'Bă Sư 'Bok Kei-Dei.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

I Yo 4:9

'Bok Kei-Dei tơ'bôh kơ bơ̆n tơdrong Sư 'mêm mơnat kơ bơ̆n tơpă thoi âu: Sư wơh Kon pôm Sư jur tơ ala teh âu wă kơ Sư lôch tang bơ̆n, wă kơ bơ̆n arih ling-lang hăm Sư.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Galati 5:25

Yang Bơhngol 'Lơ̆ng ăn kơ bơ̆n jing kon 'Bok Kei-Dei, na bơ̆n kư̆m athei ăn kơ Sư pơgơ̆r bơ̆n khŏm khŏm mơ̆n.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

I Pet 4:6

Lu bơngai lôch boih đe kư̆m bơtho lu sư tơdrong 'nao 'lơ̆ng mơ̆n, gah akâu akar sư 'Bok Kei-Dei dang sek tơlang boih na sư lôch. Đĭ rim măt bơngai lei-lăi tă gô tơ'bơ̆p tơdrong thoi noh, mă-lei bơhngol lu sư ưh kơ lôch ôh, bơhngol lu sư oei arih hiôk hăm 'Bok Kei-Dei đĕch.

I Tes 5:10

Kră Yang Yêsu Krist lôch tang bơ̆n wă kơ bơ̆n oei hăm Sư ling-lang. Năr Sư jur kơnh, lu bơ̆n bơngai lui, mă bơngai oei arih mă bơngai lôch boih, lu bơ̆n gô oei hơdai păng Sư đĭ-đăng.

Rom 6:6

Sơ̆ bơ̆n akâu so, mă-lei dang ei dang đe pơ̆ng pơlôch bơ̆n hơdai hăm Yêsu tơ 'long pơglang boih, wă tơhiong đĭ dôm tơdrong so na mă bơ̆n gơh rơngei đơ̆ng tơdrong yoch.

Luka 1:74

wă kơ pơklaih bơ̆n đơ̆ng dôm lu bơngai mă ayăt kơ bơ̆n. Na Sư wă kơ bơ̆n jang tơdrong Sư huay kơ hli,

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

I Kor 10:33

Gah inh ling-lang pơm 'lơ̆ng tơpăt wă kơ đĭ-đăng bơngai lăp đon kơ inh lăm tôm tơdrong. Inh ưh kơ wă tơchĕng tơgŭm gah akâu inh kơdih ôh, inh wă tơgŭm pơyua lu bôl buăl wă kơ lơ bơngai lui kơ Yêsu Krist na klaih đơ̆ng tơdrong yoch.

Kôlôsê 3:23

Mă tôm tơdrong jang, iĕm athei jang mă tơpă, jang hăm đĭ jơhngơ̆m, 'nĕ kơ pơm đon, yua kơ iĕm jang wă pơhiôk Yŏng bơ̆n Yêsu Krist, ưh kơ sĭ iĕm jang wă pơhiôk kon bơngai đĕch ôh.

Kôlôsê 2:12

'Noh thoi đe pơm kơ bơ̆n 'batem tơmôch lăm đak, dang 'bŭ akâu bơ̆n hơdai Yêsu minh pôm bong. Bơ̆n iung đơ̆ng đak, kư̆m dang bơ̆n iung arih thoi Sư mơ̆n. Dang ei bơ̆n jing bơngai 'nao boih yua kơ bơ̆n lui păng gơnang kơ tơdrong mơsêh mơyang 'Bok Kei-Dei mă tơiung arih Sư đơ̆ng lôch noh.

Rom 8:6

Bơngai bu gơnang kơ akâu sư kơdih, bơngai noh mưh sư lôch năm tơ anih 'Bok Kei-Dei phak. Bơngai bu gơnang kơ Yang Bơhngol 'Lơ̆ng, sư gô arih hiôk-hian ling-lang.

Rom 8:2

Yua kơ bơ̆n lui kơ Yêsu Krist, na Yang Bơhngol 'Lơ̆ng ăn kơ bơ̆n tơdrong arih 'nao, bơ̆n jing klaih đơ̆ng tơdrong yoch, ưh pă hli kơ lôch dơ̆ng.

Yo 6:57

'Bă Inh mă arih ling-lang, Sư wơh Inh na Inh oei arih yua kơ 'Bă Inh. Thoi noh mơ̆n bơngai mă sa sĕch akar Inh, sư gô oei arih yua kơ Inh.

Êphêsô 4:17

Âu inh wă bơtho kơ lu iĕm tơdrong 'Bok Kei-Dei, wă kơ iĕm mơ̆ng inh păng pơm kiơ̆ kơ nơ̆r inh pơma. Lu iĕm 'nĕ pă pơm thoi lu buăl iĕm mă ưh kơ lui. Lu sư tơchĕng kư̆ kă,

II Kor 3:6

Sư ăn kơ nhôn pran kơtang gơh jang tơdrong pơgơ̆p 'nao, tơdrong Yêsu Krist pơgơ̆p bơ̆n hăm 'Bok Kei-Dei. Tơdrong noh ưh kơ đei chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, tơdrong noh Yang Bơhngol 'Lơ̆ng tơgŭm. Tơdrong chih tơ tơmo lat phak pơlôch kon bơngai. Yang Bơhngol 'Lơ̆ng ưh ôh. Sư ling-lang ăn kon bơngai arih.

Sa 10:9

Inh gô săi tơraih lu sư tơ jơ̆p-jang kơ teh đak, lu sư mă đơ̆ng dêh char ataih gô 'blŏk kơ Inh; lu sư gô oei arih hơdai brŏk tơ kon akăn kơdih.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Rom 8:10

Kră Yang Yêsu Krist dang ei Sư oei lăm akâu bơ̆n, mă khan akâu bơ̆n lôch. Tơdrong lôch yua kơ đơ̆ng yă 'bok bơ̆n pơm yoch sơ̆. Mă-lei ning-mônh bơ̆n gô đei tơdrong arih ling-lang yua kơ 'Bok Kei-Dei jô̆ bơ̆n dang ei bơngai 'lơ̆ng hăm Sư boih.

Yo 5:24

Inh khan kơ iĕm tơpă, bơngai bu mơ̆ng Inh bơtho păng lui hloi kơ 'Bok Kei-Dei mă wơh Inh, bơngai 'noh ning-mônh sư gô oei hơdai hăm 'Bok Kei-Dei arih ling-lang păng Inh huay pă sek tơlang tơdrong sư boih. Sơ̆ sư kiơ̆ tơdrong lôch mă-lei dang ei sư kiơ̆ tơdrong arih.

Êsêkiên 37:14

Inh gô ăn Yang Bơhngol Inh kơ lu iĕm na lu iĕm gô arih; Inh gô ăn kơ lu iĕm brŏk tơ teh iĕm kơdih na lu iĕm gô băt Inh boih Kră Yang, Inh khan pơkă boih, Inh gô pơm Kră Yang khan.

Rom 6:2

Yua kơ bơ̆n bơngai dang lĕ kơ lôch boih, liơ gơh pơm yoch dơ̆ng?

Êsêkiên 37:9

Kră Yang khan kơ inh: Athei khan lê̆ adrol kơ kial arih, ‘ơ kon bơngai, athei khan lê̆ adrol bĕ kơ kial arih khan: ‘Kră Yang khan thoi âu: Ơ kial arih năm bĕ đơ̆ng puăn pah kial mơ̆t dui jơhngơ̆m bĕ tơ akâu lu bơngai lôch wă kơ lu sư arih.’”

Êsêkiên 16:6

Inh năm rok noh 'bôh ih pơpơ̆ lăm pham ih; Inh khan kơ ih mă oei lăm pham, “Arih bĕ!” Tơpă Inh khan kơ ih “mă oei lăm pham, “Arih bĕ.”

II Pot 5:17

Naaman khan dơ̆ng: “Tơdah ih ưh kơ iŏk kiơ inh apinh ih asong inh kôch iŏk hơya 'bar bai teh lăp kơ 'bar tŏ aseh iĕ chơ kĕ; yua kơ đơ̆ng âu tơ anăp inh bơngai mă đĭch đam ih, ưh pă pơyơ̆r kơ yang nai ôh dôm tơmam soi 'buh pơkhôi dah tơmam soi nai 'nguaih kơ Kră Yang.

Rom 4:25

Yêsu lôch tang yua kơ tơdrong yoch bơ̆n, 'Bok Kei-Dei tơiung arih Sư, wă ăn kơ bơ̆n jing 'lơ̆ng tơpăt hăm Sư.

II Kor 12:10

Yua kơ inh wă pơư pơang anăn Yêsu Krist, na inh đei tơdrong rơdu tơrăn, đei tơdrong đe pơjăm, đei tơdrong gleh truh, tơdrong đe pơm pơmat inh, tơdrong anat anot, mă-lei jơhngơ̆m inh hiôk rai pran.