II Kor 3:8 - Sơ̆p Hlabơar Nơ̆r 'Bok Kei-Dei

⁸ Na bĭ tơdrong Yang Bơhngol 'Lơ̆ng tơgŭm bơ̆n dang ei ưh kơ 'lơ̆ng rŏ tih krưp hloh kơ noh ôh hă?

II Kor 3:8 Referans Kwoze

I Kor 3:16

Iĕm hăm băt ưh, đĭ dôm bơngai lui tơ Pơlei Kôrintô iĕm âu dang minh pôm hnam 'Bok Kei-Dei yua kơ kiơ? Yua kơ Yang Bơhngol 'Lơ̆ng oei lăm iĕm.

Êphêsô 2:18

Yua kơ Sư boih na đĭ-đăng kơ bơ̆n mă bơngai Juđê, mă bơngai nai băt gơnang kơ Yang Bơhngol 'Lơ̆ng anhăk ba bơ̆n truh tơ 'Bă bơ̆n 'Bok Kei-Dei.

Galati 3:14

Yêsu huai iŏk bơ̆n boih, na mă 'Bok Kei-Dei tơgŭm kơ đĭ-đăng kơ bơ̆n, mă bơngai Juđê, mă bơngai ưh kơ sĭ khŭl Juđê, noh kư̆m thoi Sư pơkă kơ Abraham bơ̆n sơ̆ khan wă tơgŭm bơ̆n, wă khan ăn kơ bơ̆n Yang Bơhngol 'Lơ̆ng dah bu lui păng gơnang kơ Sư.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

II Tes 2:13

Ơ lu 'nhŏng oh, gah iĕm Kră Yang Yêsu Krist 'mêm mơnat kơ iĕm tơpă. 'Bok Kei-Dei wă kơ nhôn ling-lang krao khan bơnê kơ Sư kơlih kơ Sư rơih iŏk iĕm đơ̆ng blŭng-a sơ̆ wă kơ iĕm klaih đơ̆ng tơdrong yoch păng wă kơ Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă jang tơdrong Sư; păng Sư ăn kơ iĕm lui kơ tơdrong Kră Yang Yêsu Krist.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Êsai 59:21

Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Êsai 11:2

Yang Bơhngol Kră Yang gô oei kơpal Sư, Yang Bơhngol ăn kơ sư đei đon gơh hơgei păng mơsêh mơyang, Yang Bơhngol ăn kơ sư hlôh băt păng hli yom kơ Kră Yang.

Galati 5:5

Mă-lei gah bơ̆n, bơ̆n băt Kră Yang 'Bok Kei-Dei jô̆ bơ̆n bơngai 'lơ̆ng tơpăt hăm Sư năr tôch ning-mônh yua kơ Yang Bơhngol 'Lơ̆ng ăn kơ bơ̆n lui păng gơnang kơ Kon Sư Yêsu Krist.

II Kor 11:4

Yua kơ inh băt kơ iĕm bơngai 'bônh kơ put đe, inh hli kơ đe bơtho iĕm tơdrong Yêsu Krist ưh pă thoi inh bơtho, mă iĕm wă lui hloi; đe bơtho iĕm tơdrong nai, ưh kơ thoi tơdrong Yang Bơhngol 'Lơ̆ng bơtho mă iĕm sơng iŏk sơ̆, mă iĕm wă mơ̆ng hloi; đe khan wă bơtho iĕm tơdrong 'nao 'lơ̆ng mă tơdrong noh ưh pă thoi iĕm lui sơ̆, mă iĕm wă chu hloi.

II Kor 3:17

Kră Yang Yêsu kư̆m thoi Yang Bơhngol 'Lơ̆ng. Yang Bơhngol 'Lơ̆ng oei tơ yơ, tơ anih noh rơngei hiôk-hian.

II Kor 3:6

Sư ăn kơ nhôn pran kơtang gơh jang tơdrong pơgơ̆p 'nao, tơdrong Yêsu Krist pơgơ̆p bơ̆n hăm 'Bok Kei-Dei. Tơdrong noh ưh kơ đei chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, tơdrong noh Yang Bơhngol 'Lơ̆ng tơgŭm. Tơdrong chih tơ tơmo lat phak pơlôch kon bơngai. Yang Bơhngol 'Lơ̆ng ưh ôh. Sư ling-lang ăn kon bơngai arih.

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.

II Kor 3:7

Tơdrong pơkă noh sơ̆ chih tơ tơmo lat wă phak pơlôch lu bơngai ưh kơ chu. Na lăp Môis iŏk tơmo lat noh đơ̆ng 'Bok Kei-Dei sơ̆, muh măt Môis rang hơdah dêh, truh tơ lu bơngai Isơrael mah pă kĕ lăng muh măt sư, mă-lei muh măt Môis rai đunh ưh pă rang hơdah boih.

II Kor 3:9

Tơ̆ng tơdrong pơkă noh sơ̆ 'lơ̆ng rŏ mă khan jô̆ kơ kon bơngai yoch, lei tơdrong pơgơ̆p 'nao mă jô̆ kơ kon bơngai 'lơ̆ng tơpăt dang ei 'lơ̆ng rŏ hloh loi kơ tơdrong pơkă so noh.