II Kor 3:10 - Sơ̆p Hlabơar Nơ̆r 'Bok Kei-Dei

¹⁰ Tơdrong pơgơ̆p so noh ưh pă rŏ hơnơ̆ng boih, yua kơ đei tơdrong pơgơ̆p 'nao 'lơ̆ng rŏ hloh loi tơpă.

II Kor 3:10 Referans Kwoze

II Pet 1:17

Kơplah nhôn oei hơdai hăm Sư kơpal kông sơ̆, 'Bă Sư mơsêh mơyang pơma đơ̆ng plĕnh khan: “Sư âu Kon Inh mă 'mêm kơeng tơpă, Inh lăp đon kơ Sư dêh.” Nhôn kơtơ̆ng nơ̆r pơma ư-ang kơ Kon Sư thoi noh tơpă păng nhôn 'bôh 'Bă Sư ăn kơ Sư mơsêh 'lơ̆ng rŏ na nhôn roi kơ iĕm.

Tơdrông Tơ'bôh 22:5

Măng klăm ưh pă đei boih păng lu sư ưh kơ kăl kơ măt 'năr dah ŭnh kiơ pơchrang hơdah kơ lu sư dơ̆ng ôh yua kơ akâu 'Bok Kei-Dei oei tơ noh pơchrang ăn kơ lu sư. Lu sư gô pơgơ̆r ling-lang khŏm khŏm tơ noh.

Jang 26:13

Ơ 'bok pơtao, hơtai ei lăp truh 'năr dơ̆ng, inh oei năm rok trong inh 'bôh hloi ŭnh pơchrang hơdah đơ̆ng plĕnh, pơchrang tăp dăr kơ inh hăm lu bơngai năm hơdai hăm inh. Ŭnh ei mơnhal hloh kơ măt 'năr.

Hagai 2:3

‘Bơngai bu mă oei oei lăm lu iĕm mă đei 'bôh boih tơdrong ư-ang kơ hnam âu adrol sơ̆ păng dang ei iĕm 'bôh sư thoi yơ? Sư oei 'bơ̆t anăp hăm trŏ thoi răm đĭ?’

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Jop 25:5

Tơdah, mă măt khei kư̆m ưh kơ gan hơdah, Lu sơnglŏng kư̆m ưh kơ đei 'lơ̆ng rơgoh mơ̆n 'bơ̆t anăp Sư:

II Kor 3:9

Tơ̆ng tơdrong pơkă noh sơ̆ 'lơ̆ng rŏ mă khan jô̆ kơ kon bơngai yoch, lei tơdrong pơgơ̆p 'nao mă jô̆ kơ kon bơngai 'lơ̆ng tơpăt dang ei 'lơ̆ng rŏ hloh loi kơ tơdrong pơkă so noh.

II Kor 3:11

Tơdrong pơgơ̆p so kư̆m 'lơ̆ng, kư̆m rŏ; mă sư 'bônh kơ hiong, 'bônh kơ tôch. Tơdrong pơgơ̆p 'nao sư oei hơnơ̆ng ling-lang ưh kơ layơ tôch, sư rŏ hloh loi kơ tơdrong pơgơ̆p so.