II Kor 2:17 - Sơ̆p Hlabơar Nơ̆r 'Bok Kei-Dei

¹⁷ Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

II Kor 2:17 Referans Kwoze

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Tơdrông Tơ'bôh 2:20

Mă-lei minh tơdrong âu Inh ưh kơ lăp đon kơ iĕm, minh tơdrong iĕm kuă kơ pơpuh yă Jesebel bơngai kơnê̆ dêh. Sư khan sư bơngai pơtruh nơ̆r 'Bok Kei-Dei, mă-lei sư oei pơhlŭ lu đĭch đam Inh pơm pơyô ngôi kư̆ kă, sa tơmam đe soi sơmah kơ rup yang.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.

Tit 1:11

Ih athei khă lu sư 'nĕ pă pơm thoi noh dơ̆ng. Đei hnam dơnŏ mơ'nah mơ̆ng sư bơtho na đĭ kơ hnam dơnŏ sư jing hơwơ̆l kơ tơdrong 'Bok Kei-Dei na achăng lê̆ tơdrong lui sư. Lu đe ei sư bơtho tơdrong ưh kơ trŏ kơ tơdrong bơtho. Lu sư bơtho thoi noh, lu sư wă kơ gơh iŏk jên đe đĕch.

I Kor 5:8

Thoi noh bơ̆n athei 'blŏk hơdơ̆r kơ năr giĕng đe sŏng sa 'Bĕng Ưh Kơ Đei 'Buih Pông, 'nĕ pă pơm dôm tơdrong so, tơdrong kơnê̆ yoch thoi lĕ kơ 'bĕng mă đei 'buih pông 'noh, bơ̆n athei pơm 'lơ̆ng tơpăt thoi 'bĕng ưh kơ đei 'buih đĕch.

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.

Jang 20:20

Iĕm kư̆m băt mơ̆n inh bơtho ăn kơ iĕm tôm tơdrong wă tơgŭm iĕm. Inh ưh kơ hli bơtho dôm tơdrong 'Bok Kei-Dei 'bơ̆t anăp đe akŭm lơ, dah inh bơtho tơ rim hnam dơnŏ lu iĕm.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Hêbrơ 11:27

Yua kơ sư đei đon lui, na sư jăk achăng lê̆ dêh Êyiptơ. Sư ưh kơ hli kơ 'bok pơtao hil kơ sư ôh, sư kư̆ kơ năm hloi, yua kơ sư dang lĕ 'bôh akâu 'Bok Kei-Dei mă bơ̆n ưh kơ 'bôh.

II Kor 1:18

Ưh ôh. 'Bok Kei-Dei ling-lang pơm trŏ thoi Sư pơkă, na nhôn kư̆m lei-lăi. Dôm tơdrong nhôn pơkă nhôn athei pơm hloi; ưh kơ sĭ nhôn pơkă phŏ 'blep phŏ ưh. Ưh kơ thoi noh ôh.

II Kor 6:7

nhôn wă pơma tơpăt ling-lang, gơnang kơ 'Bok Kei-Dei tơgŭm lăm tôm tơdrong. Tơdrong nhôn pơm tơpăt thoi lĕ kơ đe chĕp khêl gah 'ma gah 'ngiĕo wă tơblah, mă nhôn wă blah tŭk dôm tơdrong kơnê̆.

II Kor 11:11

Yua kơ kiơ inh pơma thoi noh, yua kơ inh ưh kơ 'mêm kơ iĕm hă? Ưh ôh. Tơdrong noh 'Bok Kei-Dei Sư băt kơ inh 'mêm kơ iĕm tơpă.

II Kor 12:19

Iĕm tơchĕng nhôn chih đơ̆ng tơm hmơm hei, truh tơ dang ei âu, iĕm tơchĕng nhôn chih athei iĕm pơma sek tơlang tơdrong nhôn hă? Ưh ôh. Tơdrong sek tơlang, bơ̆n gô mơ̆ng kơ 'Bok Kei-Dei sek tơlang đĕch păng gô mơ̆ng kơ Yêsu Krist đĕch tơgŭm nhôn pơma. Ơ 'nhŏng oh mă nhôn 'mêm kơeng, dôm tơdrong nhôn chih bơtho iĕm noh hei ưh kơ sĭ nhôn hil kơ iĕm ôh, nhôn wă kơ iĕm lui kơjăp.

Galati 1:6

Inh sơleng kơ đon yua kơ kiơ iĕm lui kơ nơ̆r đe pơlung wă achăng lê̆ nơ̆r 'Bok Kei-Dei 'bônh đĕch. 'Bok Kei-Dei krao bơ̆n wă kơ bơ̆n jing kon Sư, yua kơ Yêsu Krist lôch tang bơ̆n. Mă-lei dang ei iĕm wă kiơ̆ tơdrong 'nao 'lơ̆ng nai dơ̆ng.

I Tes 2:4

Sơ̆ 'Bok Kei-Dei pơlong nhôn, na ăn kơ nhôn bơtho tơdrong 'nao 'lơ̆ng Sư. Yua kơ thoi noh na nhôn bơtho iĕm. Nhôn bơtho tơdrong Sư, ưh kơ sĭ wă kơ kon bơngai lăp đon kơ nhôn ôh. Nhôn wă kơ 'Bok Kei-Dei lăp đon kơ nhôn. Nhôn bơtho tơdrong Sư, ưh kơ sĭ thoi kon bơngai tơchĕng 'maih ôh, nhôn bơtho kiơ̆ thoi 'Bok Kei-Dei wă. 'Bok Kei-Dei pơlong lăng nhôn ling-lang wă băt kơ nhôn pơm trŏ dah ưh.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.