II Kor 13:1 - Sơ̆p Hlabơar Nơ̆r 'Bok Kei-Dei

¹ Wă pêng 'măng kơ âu boih inh năm tơ iĕm, mă-lei ưh kơ sĭ năm chă jâu đe kư̆ kă ôh; tơ̆ng 'bar pêng 'nu 'bôh sư pơm yoch tơpă, na gơh pơma kơ sư.

II Kor 13:1 Referans Kwoze

Mathiơ 18:16

Dah sư ưh kơ chu kơ nơ̆r iĕm khan, lei iĕm krao 'bar pêng 'nu 'nhŏng oh bơngai lui năm kiơ̆ mơ̆ng biĕm pơma băl, wă kơ lu bơngai mă kiơ̆ mơ̆ng biĕm noh, băt kơ tơdrong iĕm pơma dih băl noh thoi yơ.

Both 19:15

Kơtơ̆ng đơ̆ng minh 'nu bơngai pơm kơdranh ưh tam gơh ôh wă jô̆ kơ bu khan yoch mă khan sư pơm glăi dêh dah sư đei pơm glăi tơdrong kiơ; athei đei 'bar dah pêng 'nu bơngai pơm kơdranh, lei na gơh jô̆ sư glăi.

Both 17:6

Athei kiơ̆ nơ̆r 'bar dah pêng 'nu bơngai pơm kơdranh drơ̆ng khan trŏ kơ pơlôch bơngai noh; ưh kơ gơh pơlôch bơngai bu tơdah đei lăp minh 'nu đĕch khan.

Jo 35:30

Tơdah đei bơngai bu pơlôch bơngai, lu iĕm kư̆ rôp sek kiơ̆ kơ đơ̆ng đe roi khai kơ sư na gơh pơlôch sư; mă-lei dah lăp minh 'nu bơngai đĕch roi, lei ưh tam gơh pơlôch bu ôh.

II Kor 12:14

Na 'măng mă pêng âu inh wă năm tơ iĕm, mă inh năm inh ưh kơ năm pơgleh iĕm athei iĕm 'me inh, dah iŏk jên tơmam iĕm ôh; inh năm tơ iĕm, inh wă ngôi hơpong păng iĕm. Ưh kơ sĭ kon 'me 'bă ôh, 'bă 'me kon.

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

I Pot 1:14

Kơplah ih oei tơ noh pơma dơnuh hăm pơtao, inh gô mơ̆t kiơ̆ ih păng wă pơsĭt dôm nơ̆r ih.”