II Kor 12:16 - Sơ̆p Hlabơar Nơ̆r 'Bok Kei-Dei

¹⁶ Thoi noh dang ei iĕm băt tơpă boih, inh ưh kơ wă kơ iĕm 'me inh; inh pơma thoi noh mă-lei iĕm khan noh inh pơma pơlung iĕm wă kơ inh gơh iŏk jên tơmam iĕm tơ nai hă?

II Kor 12:16 Referans Kwoze

I Tes 2:5

Iĕm kư̆m băt mơ̆n nhôn năm tơ iĕm ki nhôn bơtho kiơ̆ tơdrong tơpăt. Nhôn năm tơ iĕm ưh kơ sĭ nhôn wă pơlung iŏk jên iĕm ôh. 'Bok Kei-Dei kư̆m băt kơ nhôn ưh kơ pơm thoi noh mơ̆n. Nhôn năm tơ iĕm wă bơtho iĕm tơdrong 'nao 'lơ̆ng Sư đĕch.

I Tes 2:3

Nhôn bơtho iĕm ưh kơ sĭ bơtho tơdrong mă ưh kơ sĭt ôh. Nhôn bơtho tơdrong sĭt tơpă. Nhôn năm tơ iĕm nhôn ưh kơ pơm kư̆ kă ôh. Nhôn ưh kơ wă chă tơdrong hơlĕnh kơ iĕm ôh.

II Kor 12:13

Tơdrong jang inh oei tơ iĕm kư̆m lei-lăi thoi inh jang tơ anih nai; pôm tơdrong 'me sa inh đĕch, inh kuă kơ pơgleh iĕm athei iĕm 'me inh, mă-lei iĕm 'nĕ kơ jô̆ yo.

II Kor 7:2

Nhôn kư̆m wă kơ iĕm 'mêm kơ nhôn, yua kơ nhôn ưh kơ đei pơm kơnê̆ kơ bu ôh, ưh kơ đei pơrăm pơyoch bu ôh, ưh kơ đei hơlĕnh pơdăr sa tơmam bu ôh.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

I Pet 2:3

Yua kơ iĕm 'bôh boih Kră Yang Yêsu Krist Sư 'mêm mơnat kơ bơ̆n tơpă.

II Kor 6:8

Mă đe pơư bơnê, mă đe pơchê pơjăm, mă đe bâu roi, nhôn kư̆ kơ pơm 'lơ̆ng kơ đe; đe khan nhôn bơngai hơlĕnh pơdăr, nhôn kư̆ kơ pơm tơpăt.

II Kor 11:20

Iĕm chu kơ lu bơngai noh, iĕm jing bơngai đĭch; sư sa yua kơpah tơmam iĕm, sư pơgŏ iĕm, iĕm chu sư pơjuă kơtĭt iĕm, sư tap 'bŏ iĕm.