II Kor 11:6 - Sơ̆p Hlabơar Nơ̆r 'Bok Kei-Dei

⁶ Mă khan inh bơtho kơtul ưh kơ hơgei, mă-lei inh nhen mơn hlôh tơdrong 'Bok Kei-Dei tơpă, na inh đơ̆ng sơ̆ ling-lang bơtho iĕm thoi noh.

II Kor 11:6 Referans Kwoze

Êphêsô 3:4

Iĕm đŏk lăng boih na iĕm băt hloi kơ inh hlôh tôm tơdrong Yêsu Krist.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

I Kor 1:17

Mă-lei ưh kơ sĭ Yêsu Krist wơh inh năm chă pơm kơ đe 'batem ôh. Yêsu Krist Sư wơh inh năm chă bơtho đe tơdrong 'nao 'lơ̆ng Sư đĕch păng Sư ưh kơ wă inh bơtho kiơ̆ kơ 'bơ̆r đon inh hơgei ôh. Dah inh bơtho kiơ̆ kơ 'bơ̆r đon inh hơgei lei đe ang inh đĕch, đe ưh kơ đei ang Yêsu mă lôch tơ 'long pơglang mă kăl tơpă, khan wă hiong ngôi đĕch.

I Kor 1:21

'Bok Kei-Dei hơgei tơpă, na Sư ưh kơ wă kơ kon bơngai bơ̆n chă Sư kiơ̆ kơ đon kon bơngai bơ̆n tơchĕng ôh. 'Bok Kei-Dei Sư lăp đon gah tơdrong dŏng pơklaih dôm lu bơngai mă lui kơ Yêsu lôch tang bơ̆n tơ 'long pơglang. Mă-lei lu bơngai mă ưh kơ lui, lu sư tơchĕng tơdrong bơ̆n bơtho 'noh nhen lĕ tơdrong kơtul đĕch.

II Kor 12:12

Kơplah inh oei hơdai iĕm sơ̆, inh adrin jang tơdrong 'Bok Kei-Dei tơpă, iĕm kư̆m 'bôh lơ tơdrong inh tơbăt kơ iĕm inh pơm jơ̆ng 'bang Yêsu Krist păng iĕm kư̆m 'bôh lơ tơdrong mơsêh mơyang hlĭch hlăch tơpă.

II Kor 10:10

thoi lu đe mă jô̆ kơ inh, khan kơthơ inh chih pơma kơtang dêh, mă-lei mưh inh oei hơdai lu sư tơpă, lu sư jô̆ kơ inh khan bơngai lêl, bơngai pơma ưh kơ yua.

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.

I Kor 2:13

Tôm tơdrong bơtho ưh kơ sĭ nhôn pơhrăm đơ̆ng lu bơngai hơgei ala teh âu ôh, nhôn pơhrăm đơ̆ng Yang Bơhngol 'Lơ̆ng bơtho nhôn. Nhôn bơtho tơblơ̆ tơblang kiơ̆ kơ Yang Bơhngol 'Lơ̆ng bơtho mơ̆n.

II Kor 7:2

Nhôn kư̆m wă kơ iĕm 'mêm kơ nhôn, yua kơ nhôn ưh kơ đei pơm kơnê̆ kơ bu ôh, ưh kơ đei pơrăm pơyoch bu ôh, ưh kơ đei hơlĕnh pơdăr sa tơmam bu ôh.

I Kor 12:8

Yang Bơhngol 'Lơ̆ng ăn kơ bơngai âu đon hơgei wă kơ năm chă bơtho tơdrong 'Bok Kei-Dei; Sư kư̆m ăn kơ bơngai to hlôh wao tôm tơdrong 'Bok Kei-Dei wă kơ gơh năm chă bơtho đe mơ̆n.

II Kor 6:6

nhôn pơm 'lơ̆ng ling-lang, wă kơ đĭ-đăng bơngai băt kơ nhôn bơngai jang 'lơ̆ng jang tơpăt. Nhôn hlôh hlăi tơdrong 'Bok Kei-Dei thoi yơ, nhôn pơm kiơ̆ thoi ei; mă đe pơm kơnê̆ kơ nhôn, nhôn ưh kơ pơm tơwih ôh; nhôn dui jơhngơ̆m tai, wă kơ dim ling-lang. Nhôn gơnang kơ Yang Bơhngol 'Lơ̆ng tơgŭm nhôn pơm 'lơ̆ng. Nhôn bơngai 'mêm kơ bôl buăl tơpă ưh kơ sĭ chă pơpơm đĕch ôh;