II Kor 10:4 - Sơ̆p Hlabơar Nơ̆r 'Bok Kei-Dei

⁴ Khêl đao nhôn tơblah, ưh kơ thoi khêl đao lu bơngai ala teh âu ôh. Khêl đao nhôn wă khan tơdrong 'bơ̆r mơsêh mơyang 'Bok Kei-Dei, wă pơrăm lê̆ dôm tơdrong kon bơngai gơnang sơđơ̆ng,

II Kor 10:4 Referans Kwoze

II Kor 6:7

nhôn wă pơma tơpăt ling-lang, gơnang kơ 'Bok Kei-Dei tơgŭm lăm tôm tơdrong. Tơdrong nhôn pơm tơpăt thoi lĕ kơ đe chĕp khêl gah 'ma gah 'ngiĕo wă tơblah, mă nhôn wă blah tŭk dôm tơdrong kơnê̆.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

I Kor 2:5

Thoi noh na iĕm băt tơdrong lui iĕm noh ưh kơ trŏ lĕch đơ̆ng kon bơngai ôh, lĕch đơ̆ng Yang Bơhngol 'Lơ̆ng 'Bok Kei-Dei.

I Tim 1:18

Ơ dăm Timôthê, ih pơm dôm tơdrong inh athei ih âu hŏ. Ih pơm kư̆m thoi lu bơngai khan lê̆ hơdrol pơkă gah ih sơ̆. Ih 'blŏk kơ tơdrong sư pơkă 'noh wă kơ ih nuih kơ tơblah hăm yang kơnê̆,

Rom 13:12

Dang ei oei măng mu, ưh pă đunh 'năr gô lĕch. Yua kơ thoi noh na bơ̆n 'nĕ pă oei tơ lăm măng mu, bơ̆n athei oei tơ hơdah ling-lang wă kơ gơh tơblah păng yang kơnê̆.

I Tes 5:8

Na dang ei bơ̆n oei lăm hơdah măt 'năr boih bơ̆n athei kơchăng thoi bơngai hơdrăl. Lu linh tơblah sư hrŭk ao mam wă kơ hơđơ̆ng kơ akâu sư kơdih. Bơ̆n kư̆m thoi lu đe noh mơ̆n athei lui mă kơjăp, băt 'mêm kơ 'Bok Kei-Dei păng bôl buăl bơ̆n, thoi noh na bơ̆n hơđơ̆ng akâu bơ̆n kơdih. Kư̆m thoi lu linh yơ̆l môk kơlăm wă kơ pĕng lăm kơ̆l sư na sư huay kơ hli, âu wă khan 'Bok Kei-Dei pơklaih bơ̆n đơ̆ng tơdrong yoch na wă atŏk bơ̆n oei păng Sư, thoi âu boih bơ̆n huay kơ hli dang ei, thoi âu boih tơdrong hơđơ̆ng bơ̆n.

II Kor 4:7

Tơdrong jang mă Sư pơjao kơ nhôn jang âu dang lĕ kơ tơmam hu, tơmam maih pơ'mêm tah lăm bô̆i teh mă 'bônh kơ pơchah. 'Bok Kei-Dei ăn kơ nhôn jang pran noh Sư wă kơ đe băt đơ̆ng Sư ăn, đơ̆ng 'Bok mă mơsêh mơyang, ưh kơ sĭ đơ̆ng nhôn kơdih ôh.

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

II Kor 3:5

Dôm tơdrong noh ưh kơ sĭ đơ̆ng akâu nhôn gơh pơm ôh, yua kơ akâu nhôn kơdih ưh kơ gơh pơm minh tơdrong kiơ. Tôm tơdrong lu nhôn gơh pơm noh đơ̆ng 'Bok Kei-Dei ăn ngăl.

Horiso 110:2

Kră Yang đơ̆ng Siôn gô wơh 'long jra pơtao tơdrong kơtang Sư. Ăn kơ ih pơgơ̆r bĕ lu ayăt kơ Ih.

Hêbrơ 11:30

Lu bơngai Isơrael đei đon lui, na lu sư năm blah Pơlei Jêrikô, dăr hăm akâu sư kơdih đĕch, tơpơh năr dăr, dur Pơlei Jêrikô pơchah phê̆ lêng bêng.

II Tim 2:3

Mă ih truh tơdrong pơmat, ih kư̆ adrin bơtho đĕch thoi inh dang ei mơ̆n. Thoi noh na ih jing linh 'lơ̆ng Kră Yang Yêsu Krist.

Jang 7:22

Truh Môis tơdăm 'lŏ boih, sư pơhrăm tôm tơdrong đe Êyiptơ. Sư bơngai 'bơ̆r đon tơpă, sư pơm tôm tơdrong hơgei.

Êsai 30:25

Truh kơ năr 'bet pơlôch băl tih, kơplah noh lu kơđông tih kơjăp pơchah, tơ rim kông kơjung rim groi gô đei lu glung đak ro.

Jôsuê 6:20

Kon pơlei ôr păng lu 'bok soi hlôm tơgiĕp re pơhioi. Kơplah lu sư kơtơ̆ng tơgiĕp đe hlôm re pơhioi na lu sư ôr jreo rơ̆n, dur pơlei păk pơchah đĭ, rim 'nu năm mơ̆t tơklă anăp kơdih. Kon pơlei đei blah iŏk pơlei noh.

II Kor 13:10

Âu kơplah inh oei krŭl na inh chih kơ iĕm thoi noh, wă kơ mưh inh truh tơ iĕm, inh huay pă kăl kơ bơtho iĕm boih. Tơdrong bơtho noh đơ̆ng Kră Yang Yêsu Krist ăn kơ inh, wă kơ inh bơtho iĕm thoi noh, wă kơ inh tơgŭm iĕm rai đunh rai lui kơjăp; ưh kơ sĭ wă pơglăi iĕm ôh.

I Kor 9:7

Lu bơngai pơm linh ưh kơ biơh layơ 'me sa kơdih ôh. Yŏng sư apah jên rim khei. Bơngai jang mir, bơngai 'noh gô sa tơmam đơ̆ng mir sư mơ̆n. Lu bơngai rong kon triu, lu sư sa đak toh kon triu.

Je 23:29

Nơ̆r Inh hăm trŏ thoi ŭnh? Thoi mut teh tơmo pơchah? Noh Kră Yang khan.

II Kor 10:8

Inh kư̆m dang pơang akâu kơdih, yua kơ tơdrong âu trŏ kơ tơdrong jang inh wă bơtho tơgŭm iĕm, mă-lei inh ưh kơ đei khan wă pơrăm iĕm ôh; păng inh ưh kơ mơlâu yua kơ trŏ tơdrong jang inh thoi noh tơpă.