II Kor 1:6 - Sơ̆p Hlabơar Nơ̆r 'Bok Kei-Dei

⁶ Nhôn đei tơdrong pơmat-tat, 'noh nhôn adrin tơgŭm iĕm wă kơ iĕm hiôk păng klaih đơ̆ng tơdrong yoch. Nhôn đei 'Bok Kei-Dei pơlung pơhiôk jơhngơ̆m đon nhôn, wă kơ nhôn pơlung pơhiôk jơhngơ̆m đon iĕm, wă kơ iĕm pran jăng hli kơ iĕm mah đei tơdrong pơmat thoi nhôn.

II Kor 1:6 Referans Kwoze

II Tim 2:10

Inh đei tơdrong pơmat ling-lang, mă-lei inh oei adrin khŏm khŏm. Inh bơtho lu bơngai 'Bok Kei-Dei rơih wă kơ lu sư lui kơ Kră Yang Yêsu Krist, na 'Bok Kei-Dei gô pơklaih sư đơ̆ng tơdrong yoch păng atŏk sư oei hơdai păng Sư ling-lang ning-mônh.

II Kor 1:4

Sư pơlung bơ̆n pơmat-tat wă kơ bơ̆n gơh pơlung lu bôl bơ̆n mă đei tơdrong pơmat-tat. 'Bok Kei-Dei pơlung bơ̆n thoi yơ, bơ̆n pơlung bôl thoi noh.

Philip 1:19

Mă đei tơdrong gleh truh kơ inh dang ei jơhngơ̆m inh oei hiôk ling-lang, yua kơ inh băt tơpă inh gô klaih yua kơ iĕm krao khan tơgŭm inh, na Yang Bơhngol 'Lơ̆ng Yêsu Krist gô tơgŭm inh tơpă.

Êphêsô 3:13

Thoi noh na inh apinh iĕm 'nĕ kơ sơ'ngon kơ tơdrong inh pơmat yua kơ iĕm. Inh oei tơ lăm hnam phak kư̆m bưh mơ̆n yua kơ inh wă adrin bơtho tơgŭm iĕm; na iĕm athei hiôk bĕ.

II Kor 5:5

Tơdrong noh 'Bok Kei-Dei ăn kơ bơ̆n, Sư kư̆m ăn kơ bơ̆n Yang Bơhngol 'Lơ̆ng, wă kơ bơ̆n băt bơ̆n gô đei akâu 'nao tơpă.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

II Kor 12:15

Inh kư̆m hiôk mơ̆n mă inh pơhuach jên tơmam pơlap akâu kơdih yua kơ inh wă kơ iĕm lui kơjăp. Inh 'mêm kơ iĕm tơpă, bĭ iĕm ưh pă 'mêm kơ inh boih hă?

Jang 21:5

Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.